agriculture news in marathi, package is not sufficient for sugar industry, kolhapur, maharashtra | Agrowon

साखर उद्योगासाठीचे पॅकेज म्हणजे निव्वळ धूळफेक ः मुश्रीफ
टीम अॅग्रोवन
शनिवार, 9 जून 2018

कोल्हापूर  ः केंद्र शासनाने साखर उद्योगासाठी जाहीर केलेले ८५०० कोटींचे पॅकेज हे निव्वळ धूळफेक आहे. यातील ४५०० कोटींची तरतूद इथेनॉलसाठी असली तरी एफआरपीसाठी त्याचा काडीमात्रही उपयोग होणार नसल्याची टीका जिल्हा बॅंकेचे अध्यक्ष आमदार हसन मुश्रीफ यांनी केली. कारखाने शॉर्ट मार्जिनमध्ये आले असून पुढील २८ दिवसांत काही मार्ग निघाला नाही तर सर्व खाती एनपीएमध्ये जाण्याची भीती त्यांनी व्यक्‍त केली.

कोल्हापूर  ः केंद्र शासनाने साखर उद्योगासाठी जाहीर केलेले ८५०० कोटींचे पॅकेज हे निव्वळ धूळफेक आहे. यातील ४५०० कोटींची तरतूद इथेनॉलसाठी असली तरी एफआरपीसाठी त्याचा काडीमात्रही उपयोग होणार नसल्याची टीका जिल्हा बॅंकेचे अध्यक्ष आमदार हसन मुश्रीफ यांनी केली. कारखाने शॉर्ट मार्जिनमध्ये आले असून पुढील २८ दिवसांत काही मार्ग निघाला नाही तर सर्व खाती एनपीएमध्ये जाण्याची भीती त्यांनी व्यक्‍त केली.

श्री. मुश्रीफ पत्रकार परिषदेत बोलत होते. ते म्हणाले, की इथेनॉलसाठी ४५०० व १३०० कोटींची तरतूद प्रकल्पाचा विस्तार करण्यासाठी केली आहे. मात्र, याचा काहीच लाभ होणार नाही. इथेनॉल प्रकल्प उभारताना पर्यावरण विभागाच्या  परवानग्या, जनसुनावणी घ्यावी लागते. ही प्रक्रिया दोन ते तीन वर्षे चालते. त्यामुळे एवढी मोठी रक्‍कम कोणासाठी व का ठेवली हा प्रश्‍न आहे. साखरेचे मूल्यांकन ३२०० रुपये पकडून साखर कारखान्यांना कर्ज दिले आहे. मात्र, हे भाव आता २५५० पर्यंत खाली आले आहेत. जवळपास ९०० रुपयांनी मूल्यांकन कमी झाले आहे. त्यामुळे कारखाने शॉर्ट मार्जिनमध्ये गेले आहेत.

कारखाने ९० दिवसांत शॉर्ट मार्जिनमधून बाहेर आले नाहीत, तर सर्व खाती एनपीएमध्ये जाणार आहेत. कारखान्यांकडे केवळ २८ दिवस राहिले आहेत. त्यामुळे पॅकेजमध्ये याचा विचार करणे आवश्‍यक होते. पॅकेजचा निर्णय घेताना साखरेचा विक्री दर २९ रुपये निश्‍चित करून काहीसे समाधान केले आहे. मात्र, यापूर्वी झालेले नुकसान भरून येणार नाही. बफर स्टॉकमुळे दर स्थिर राहण्यास मदत होणार आहे. तसेच साखरेसाठी रिलीज मेकॅनिझममुळे एकाच वेळी बाजारात साखर येण्याचे प्रमाण थांबणार असल्याने या निर्णयांचा थोडा फायदा होईल, असे त्यांनी सांगितले.

इतर ताज्या घडामोडी
...अन् आमचं स्वप्नच पुरानं खरडून नेलं पटवर्धन कुरोली, पंढरपूर, जि. सोलापूर : आधीच दोन...
जायकवाडी कालव्याच्या पाण्यामुळे पीक...परभणी : जिल्ह्यात गेल्या आठवड्यापासून...
एमएआयडीसी’च्या सक्षमीकरणासाठी...मुंबई : महाराष्ट्र कृषी उद्योग विकास...
उस्मानाबाद जिल्ह्यात राष्ट्रीयीकृत...उस्मानाबाद  ः खरीप हंगामासाठी पीककर्ज वाटपात...
गंगापूर धरण क्षेत्रात पावसाचे पुनरागमन...नाशिक  : गंगापूर धरणाच्या पाणलोट क्षेत्रात...
कृषी सहायकांच्या अडचणी न सोडविल्यास २०...अकोला ः अमरावती विभागातील कृषी सहायक ते कृषी...
हवामान बदलाचा शेती, शेतकऱ्यांच्या ...नांदेड  ः हवामान बदलामुळे येत असलेल्या...
अमरावती कृषी विभागातील ३२ टक्के पदे...अमरावती  :  रिक्‍त पदांमुळे...
शेतकरी राजकारण अन् जाती-धर्मात अडकला :...नाशिक ः शेतकऱ्यांचे प्रश्न कमी होण्यापेक्षा ते...
शिरसाईचे पाणी लाभार्थ्यांसाठी मृगजळचउंडवडी, जि. पुणे : पावसाळा सुरु होवून अडीच महिने...
विम्याचे दावे निकाली काढा; आयआरडीएआयचे...नवी दिल्ली : पुराचा फटका बसलेल्या कर्नाटक,...
उत्तर भारतात मुसळधार पाऊस सुरूचसिमला/धर्मशाला : उत्तर भारतात विशेषतः हिमालयाच्या...
आता चर्चा फक्त व्याप्त काश्‍मीरवर :...काल्का, हरियाणा : पाकिस्तानप्रती कठोर भूमिका घेत...
पुण्यात वांगी, तोंडली, गाजरासह...पुणे   ः राज्यातील पूरस्थिती...
सिंधूताई विखे पाटील यांचे निधनशिर्डी, जि. नगर : दिवंगत माजी खासदार बाळासाहेब...
महाजनादेश यात्रेला बुधवारपासून नंदूरबार...नंदुरबार ः राज्यातील पूरस्थितीमुळे स्थगित झालेली...
पुणे बाजार समिती प्रशासकपदी वर्णी...पुणे  : पुणे कृषी उत्पन्न बाजार समितीचे...
प्रतिकूल हवामानामुळे जुन्नर तालुक्यातील...नारायणगाव, जि. पुणे  : दोन महिन्यांपासून...
नगर जिल्ह्यातील दहा ते अकरा तालुक्यांवर...नगर  ः राज्याच्या काही भागांत जोरदार पावसाने...
पीक नुकसानीबाबत शेतकऱ्याने मांडली कृषी... कऱ्हाड, जि. सातारा ः घरात हुतं नव्हतं...