Paddy harvesting begins in Ajra taluka
Paddy harvesting begins in Ajra taluka

आजरा तालुक्‍यात भात कापणी सुरू

आजरा, जि. कोल्हापूरः आजरा तालुक्‍यात भात कापणीस सुरवात झाली आहे. पूर्व भाग व उत्तूर परिसरात हावळ्या भाताची कापणी सुरू झाली आहे.

आजरा, जि. कोल्हापूर ः आजरा तालुक्‍यात भात कापणीस सुरवात झाली आहे. पूर्व भाग व उत्तूर परिसरात हावळ्या भाताची कापणी सुरू झाली आहे. त्याचबरोबर सोयाबीन व भुईमुगाची काढणी सुरू झाली आहे. शेतकरी कुटुंबे भात कापणी व मळणीच्या कामात व्यस्त झाली आहेत. पावसाचाही व्यत्यय येत असल्याने शेतकऱ्यांची धांदल उडाली आहे.

आजरा तालुक्‍यात सप्टेंबर महिन्यापासून खरीप पिकांच्या काढणीला सुरवात होते. या काळात हाळवी भातांची कापणी, सोयाबीन व भुईमुगाची काढणी सुरू होते. आठ दिवसांपासून सोयाबीन काढणीच्या कामाला सुरवात झाली आहे. उत्तूर व पूर्व भागात सोयाबीन काढणी जोरात सुरू आहे. उत्तूर परिसरात व पूर्व भागात भाताचे हाळवी पिक घेतले जाते. हाळवी भात कापणीला सुरवात झाली आहे. 

पावसामुळे शेतात दलदल तयार झाल्याने भाताची मळणी काढणे अडचणीचे बनले आहे. त्यामुळे लोखंडी लाकडी बाजल्यावर भाताची पेंडी झोडपून त्याच बरोबर पायाने तुडवून पारंपरिक पध्दतीने मळणी काढली जात आहे. काही ठिकाणी मळणी मशीनचा वापर केला जात आहे. काही गावात भुईमुगाची काढणी सुरू झाली आहे. 

दरम्यान, तालुक्‍यात पावसाळी वातावरण कायम आहे. पावसाच्या अधेमधे सरी कोसळत असल्याने कापणी, मळणी व काढणीच्या कामात व्यत्यय येत आहे. त्यामुळे शेतकऱ्याची चांगली धांदल उडाली आहे. शेतकरी कुटुंबांनी शेतात तळ ठोकला आहे. दरम्यान, सोयाबीनची लागवड ७०० हेक्‍टरवर झाली असून काढणी सुरू आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com