Agriculture news in Marathi, Paddy production declined by 45% over last year | Page 2 ||| Agrowon

रत्नागिरी : गतवर्षीच्या तुलनेत भात उत्पादनात ४५ टक्क्यांनी घट

टीम अॅग्रोवन
बुधवार, 13 नोव्हेंबर 2019

रत्नागिरी ः अतिवृष्टीमुळे कोकणातील शेतकरी चांगलाच भरडला गेला आहे. शासनाकडून नुकसानीचे पंचनामेही झाले आहेत; परंतु त्यातून शेतकऱ्यांच्या हाती प्रत्यक्षात मिळणारी भरपाई अत्यल्पच राहणार असल्याचे चित्र आहे. कारण शासकीय पंचनामे आणि प्रत्यक्षात झालेले नुकसान यात मोठी तफावत असल्याचे एका खासगी सर्व्हेक्षणातून उघड झाले. काही शेतकऱ्यांच्या गतवर्षींच्या आणि यंदाच्या उत्पादनातील तफावत सुमारे ४५ टक्क्यांची आहे. त्यामुळे शासकीय पंचनाम्यांचा ठोकताळा निश्‍चितच शेतकऱ्यांसाठी अडचणीचा आहे.

रत्नागिरी ः अतिवृष्टीमुळे कोकणातील शेतकरी चांगलाच भरडला गेला आहे. शासनाकडून नुकसानीचे पंचनामेही झाले आहेत; परंतु त्यातून शेतकऱ्यांच्या हाती प्रत्यक्षात मिळणारी भरपाई अत्यल्पच राहणार असल्याचे चित्र आहे. कारण शासकीय पंचनामे आणि प्रत्यक्षात झालेले नुकसान यात मोठी तफावत असल्याचे एका खासगी सर्व्हेक्षणातून उघड झाले. काही शेतकऱ्यांच्या गतवर्षींच्या आणि यंदाच्या उत्पादनातील तफावत सुमारे ४५ टक्क्यांची आहे. त्यामुळे शासकीय पंचनाम्यांचा ठोकताळा निश्‍चितच शेतकऱ्यांसाठी अडचणीचा आहे.

रत्नागिरी जिल्ह्यातील संगमेश्‍वर तालुक्यातील राजवाडी, धामणी, चिखलीसह पाच गावांतील चौदा शेतकऱ्यांकडील भाताच्या उत्पादनाचा आढावा खासगीस्तरावर घेतला तर त्यातून वादळातील नुकसानीचे वास्तव पुढे आले आहे. लावणीपासून ते झोडणीपर्यंत झालेल्या खर्चाचा मेळ शेतीतील उत्पादनाशी घातला तर तो आतबट्ट्याचाच ठरतो. यंदा त्याहीपेक्षा गंभीर परिस्थिती रत्नागिरी, सिंधुदुर्गमधील शेतकऱ्यांवर आली आहे. 

भातझोडणीनंतर मिळालेल्या उत्पादनाचे आकडे धक्कादायक आहेत. त्यात वादळामुळे शेतकऱ्यांचे उत्पादन सुमारे ४५ टक्क्यांनी घटल्याचे निदर्शनास आले. दरवर्षी त्या दहा शेतकऱ्यांना मिळून १२,१०० किलो भात उत्पादन होते. यंदा त्याच जमिनीत केलेल्या लागवडीतून अवघे ६,४५० किलो भात उत्पन्न झाले आहे. या गावातील शेती मळ्याची असून त्यांची जर अशी परिस्थिती असेल तर नदी किनारी भागातील शेतकऱ्यांची परिस्थिती अत्यंत बिकट राहणार आहे. याकडे प्रशासन कोणत्या नजरेतून लक्ष देणार हे पाहणे आवश्यक आहे. 

शासकीय मदत ही हेक्टरी येणाऱ्या खर्चाच्या निकषावरुन दिली जाते. त्यामुळे ती हेक्टरी ६,८०० रुपये इतकी निश्‍चित केली आहे; मात्र त्यातून मिळणाऱ्या उत्पादनावर पाणी फेरले आहे. त्याचा विचार शासन करणार का? हा शेतकऱ्यांचा प्रश्‍न आहे. जिल्ह्यात १२ हजार हेक्टरवरील भातशेतीचे नुकसान झाल्याचे पंचनाम्यात दिसते; मात्र त्यातील उत्पादन किती याबाबत कोणतीच नोंद झालेली नाही. काढणीनंतर झोडणी केल्यावर आलेले उत्पादनाची माहिती घेतली तर नुकसानीचा आकडा मोठा असण्याची शक्यता आहे.

अतिपाऊस, कीड आणि जंगली श्वापदांमुळे शेतकऱ्यांचे मोठे नुकसान झाले आहे. भातझोडणीची कामे सुरू झाली असून उत्पादनावर झालेले परिणाम दिसू लागले आहेत. सध्याच्या स्थितीमध्ये चार एकर भातशेतीमधून पाच टन भात मिळते; परंतु यंदा साडेतीन टनच भात आम्हाला मिळाला. सुमारे दीड टन नुकसान सहन करावे लागले आहे.
- प्रकाश रांजणे, शेतकरी, धामणी, ता. संगमेश्‍वर, जि. रत्नागिरी


इतर अॅग्रो विशेष
राज्यात पावसाचा जोर सोमवारपासून वाढणार पुणे ः बंगालच्या उपसागरात कमी दाबाचे क्षेत्र...
किसान रेल्वेला नाशिकमधून प्रारंभ नाशिक: केंद्र सरकारने २०२० च्या अर्थसंकल्पात...
नाशवंत शेतमाल वाहतुकीसाठी किसान...नाशिक: कृषी क्षेत्रात प्रगत असलेल्या नाशिक...
संजीवनी गटाचे रास्त दरात खात्रीशीर...नाशिक जिल्ह्यातील मोह (ता.सिन्नर) येथील तरुण...
शेतकऱ्यांसाठी ‘दीपस्तंभ’ ठरलेली...मानोरी (ता. राहुरी, जि. नगर) येथील कृषीभूषण डाॅ....
बळीराजा चेतना अभियान बंद करण्याचा निर्णयमुंबई : विदर्भ आणि मराठवाड्यातील शेतकरी आत्महत्या...
विदर्भातून सूर्यफूलाचे पीक झाले हद्दपारनागपूर : सूर्यफुलाकरिता प्रसिद्ध असलेल्या भागात...
पीक कर्ज वाटपात हलगर्जीपणा करणाऱ्या...पुणे: महात्मा जोतिराव फुले कर्जमुक्ती योजनेत...
ग्रामपंचायतींचे लेखापरीक्षण होणारपुणे: पंचायत राजच्या माध्यमातून देशभरातील...
सतर्क राहून मदत कार्य कराः मुख्यमंत्रीमुंबई: मुसळधार वृष्टी आणि जोरदार वारे यामुळे...
कोकणाला दणका, मराठवाड्यात दिलासापुणे: मुंबईसह कोकणला पावासाने चांगलेच झोडपून...
कोकणात पावसाचा जोर वाढणार पुणे ः गेल्या चार ते पाच दिवसांपासून अरबी...
`कृषी’चे प्रवेश सीईटीनेच होणार पुणे: राज्यात कृषी पदवी अभ्यासक्रमांचे प्रवेश ‘...
महागाई नियंत्रणासाठी रेपो दर 'जैसे थे' मुंबई: भारतीय रिझर्व्ह बँकेने आपले ऑगस्ट आणि...
पिराचीवाडी झाली उपक्रमशील गावकोल्हापूर जिल्ह्यातील पिराचीवाडी(ता.कागल) हे...
शेती शाश्वत अन् आश्वासकही!चार महिन्यांपासून देशभर सुरु असलेले लॉकडाउन आता...
दूध दराचे दुखणेइतर व्यवसाय व दूध व्यवसायातील फरक हा की कारखाने...
उद्दिष्ट - मुदतवाढीत अडकवू नका मका...‘‘आ धी नोंदणी केल्यानंतर ११ जुलैला एसएमएस...
मराठवाड्यात कर्ज पुरवठ्याचं घोडं ३७...औरंगाबाद : मराठवाड्यात खरीप पीक कर्ज पुरवठा...
मुगाचे अर्धेअधिक क्षेत्र रोगाच्या...अकोला : यंदाच्या खरिपात मुगाच्या पिकावर लिफ...