Agriculture news in Marathi, Palkhi gete on pandharpur | Agrowon

..आली समीप पंढरी !

टीम अॅग्रोवन
गुरुवार, 11 जुलै 2019
भाग गेला, शीण गेला । 
अवघा झाला आनंद ।
प्रेमरस बैसली मिठी । 
आवडी लाठी मुखाची ।।
भाग गेला, शीण गेला । 
अवघा झाला आनंद ।
प्रेमरस बैसली मिठी । 
आवडी लाठी मुखाची ।।

सोलापूर ः लक्षवेधी रिंगण सोहळे, बंधुभेटीचा अनुपम्य क्षण यांसारखे विविध अनुभव डोळ्यांत साठवत गेल्या महिनाभरापासून राज्यभरातून निघालेल्या विविध संतांच्या पालख्या पंढरपूरच्या वेशीवर वाखरीमध्ये बुधवारी (ता. १०) मुक्कामासाठी विसावल्या आहेत. आता विठुरायाच्या दर्शनाची लागलेली ओढ वारकऱ्यांना अनिवार झाली आहे. टाळ-मृंदगांचा गजर आणि हरिनामाच्या जयघोषाने पालखी मार्ग दणाणून गेला आहे. दरम्यान, आषाढी यात्रेचा मुख्य सोहळा उद्या (शुक्रवारी) होत आहे. सोहळ्यातील श्री. विठ्ठल-रुक्‍मिणीची शासकीय महापूजा मुख्यमंत्री देवेंद्र फडणवीस यांच्या हस्ते सपत्नीक होणार आहे. या महापूजेसाठी शिवसेना पक्षप्रमुख उद्धव ठाकरेही सपत्नीक उपस्थित राहणार असल्याचे सांगण्यात येते. शुक्रवारी पहाटे अडीच वाजता ही महापूजा होईल. 

आळंदीहून निघालेल्या संत ज्ञानेश्‍वर आणि संत तुकाराम महाराज यांच्यासह राज्यभरातील सगळ्या पालख्या बुधवारी एकाच मार्गावर आल्याने पंढरपूर-पुणे महामार्गावर भक्तीचा आगळा अनुभव प्रत्ययास येत होता. टाळ-मृदंगांचा गजर आणि हरिनामाच्या जयघोषानाने उत्साहाला भरते आले होते. पंढरी समीप आल्याने वारकऱ्यांच्या चेहऱ्यावरील विठुरायाच्या भेटीची ओढ अनिवार झाल्याचे दिसत होते. भंडीशेगावातील मुक्काम आटोपून संत ज्ञानेश्‍वर महाराजांच्या पालखी सोहळ्याने पुढे मार्गक्रमण केले. दुपारी बाजीराव विहिरीनजीक सोहळ्यातील महत्त्वाचे असे उभे रिंगण पार पडले. त्यानंतर गोल रिंगणही झाले. 

संत तुकोबाराय, संत सोपानकाका यांच्या पालख्याही या मार्गावर आल्या. आता गुरुवारी (ता. ११) दुपारी या सर्व पालख्या पंढरपुरात प्रवेश करणार आहेत. दरम्यान, पंढरपुरातही संत मुक्ताबाई, संत एकनाथ महाराज, संत निवृत्तिनाथ महाराज यांच्या पालख्याही दाखल झाल्या आहेत. त्यामुळे वेगळे चैतन्य पंढरीत निर्माण झाले आहे. उद्याच्या आषाढी वारीतील चंद्रभागेचे स्नान आणि विठुरायाच्या दर्शनासाठी पंढरपुरात सुमारे चार लाखांहून अधिक वारकरी दाखल झाले आहेत. 

पंढरीत वारकऱ्यांची रीघ
आषाढी वारीचा मुख्य सोहळा शुक्रवारी होणार असला तरी, बुधवारपासूनच (ता. १०) पंढरपुरात वारकऱ्यांची रीघ लागली आहे. रेल्वे, एसटी आणि खासगी वाहने पंढरपूरच्या चोहोबाजूंनी दिसत आहेत.


इतर अॅग्रो विशेष
फळबागांच्या माध्यमातून प्रगतिपथावर वडकी पुणे शहरापासून जवळ असलेले वडकी हे दुष्काळी गाव...
गाई, म्हशीच्या सुलभ प्रसूतीसाठी ‘शुभम’...माळेगाव, जि. पुणे ः शेती, पशुपालन करताना येणाऱ्या...
विदर्भात गारपिटीची शक्यतापुणे ः पावसाला पोषक वातावरण तयार झाल्याने...
कांद्यानंतर 'या' पिकावर साठा मर्यादा...नवी दिल्ली: देशात यंदा कडधान्याचे उत्पादन...
‘पीजीआर’साठी जाचक नियमावली नकोपुणे : बिगर नोंदणीकृत जैव उत्तेजकांना (...
अपरिपक्व कांदा आवकेचा दरवाढीवर परिणामनवी दिल्ली: उन्हाळी आणि खरीप कांदा उत्पानातील...
भांडवली शेतीचा विळखा बघता बघता हरितक्रांतीला पन्नास वर्षे झाली. तसे,...
पशुखाद्य : नियोजन अन् नियंत्रणमहाराष्ट्रात २०१२ च्या दुष्काळापासून दुग्ध...
मराठवाड्यात साडेदहा हजार एकरांवर तुतीऔरंगाबाद : मराठवाड्यात यंदा ३० नोव्हेंबर...
विधीमंडळाचे हिवाळी अधिवेशन सहा दिवस...मुंबई : राज्य विधिमंडळाचे हिवाळी अधिवेशन येत्या...
विठ्ठल मंदिरात मोबाईल बंदीपंढरपूर, जि. सोलापूर ः श्री विठ्ठल मंदिराच्या...
धानासाठी क्विंटलला पाचशे रुपये अनुदानमुंबई: राज्यातील धान उत्पादक शेतकऱ्यांना दिलासा...
‘पीजीआर’ला मान्यतेचा मार्ग मोकळापुणे ः देशभरात शेतीसाठी वापरल्या जाणाऱ्या बिगर...
इथेनॉलसाठी मान्यता; पण प्रकल्पांसाठी...पुणे  : थेट साखरेपासून इथेनॉल तयार करण्यास...
उत्कृष्ट व्यवस्थापनातून पपईत मिळवली ओळखनंदुरबार जिल्ह्यात धमडाई येथील सुभाष व प्रनील या...
उद्या तुरळक ठिकाणी पावसाची शक्यतापुणे ः बंगाल उपसागराच्या आग्नेय भागात कमी दाबाचे...
परिश्रमपूर्वक व्यवस्थापनातून...पुणे जिल्ह्यातील रिहे येथील सुनील शिंदे...
किरकोळ व्यापाऱ्यांकरिता कांदासाठा...मुंबई ः देशात कांद्याचे उत्पादन घटल्याने...
सर्वाधिक दर मोजक्याच कांद्यालानगर ः वाढलेल्या कांदादराचा गेल्या महिनाभरापासून...
पशुखाद्य दर गगणाला भिडलेसांगली ः दुष्काळ व अतिवृष्टीचा फटका पशुखाद्य...