Agriculture news in Marathi papaya on the spot per kg 18 rupees | Page 2 ||| Agrowon

पपईला जागेवरच १८ रुपये प्रतिकिलो दर

टीम अॅग्रोवन
मंगळवार, 3 डिसेंबर 2019

जळगाव ः खानदेशात पपईचा हंगाम सुरू झाला असून, काढणी अनेक भागात सुरू झाली आहे. सुरवातीलाच पपईचे दर टिकून असून, शेतकऱ्यांना जागेवरच प्रतिकिलो १८ रुपयांचा दर मिळत आहे.

पपईची लागवड खानदेशात नंदुरबार जिल्ह्यातील शहादा, नंदुरबार व तळोदा भागात अधिक होते. यापाठोपाठ जळगावमधील चोपडा, यावल, रावेर, मुक्ताईनगर आणि धुळ्यातील शिरपूर, धुळे व शिंदखेडा तालुक्‍यातही पपईचे पीक घेतले जाते. 

जळगाव ः खानदेशात पपईचा हंगाम सुरू झाला असून, काढणी अनेक भागात सुरू झाली आहे. सुरवातीलाच पपईचे दर टिकून असून, शेतकऱ्यांना जागेवरच प्रतिकिलो १८ रुपयांचा दर मिळत आहे.

पपईची लागवड खानदेशात नंदुरबार जिल्ह्यातील शहादा, नंदुरबार व तळोदा भागात अधिक होते. यापाठोपाठ जळगावमधील चोपडा, यावल, रावेर, मुक्ताईनगर आणि धुळ्यातील शिरपूर, धुळे व शिंदखेडा तालुक्‍यातही पपईचे पीक घेतले जाते. 

मागील वर्षी उन्हाळ्यात दुष्काळ भीषण होता. यामुळे पपई लागवडीवर अनेक भागात परिणाम झाला. लागवड सुमारे एक ते दीड हजार हेक्‍टरने कमी झाली होती. सुमारे तीन हजार हेक्‍टरवर पपई आहे. तापी व पांझरा, अनेर नदीच्या लाभक्षेत्रासह सातपुडा पर्वतालगतच्या भागात मात्र शेतकऱ्यांनी पाण्याचा काटकसर करून वापर करून हे पीक जगविले. आजघडीला नंदुरबार, जळगाव, धुळे जिल्ह्यात पीक जोमात आहे. पपईची काढणी आठ दिवसांपूर्वी जोमात सुरू झाली. 

खरेदीसाठी राजस्थान, मध्य प्रदेश, जळगाव जिल्ह्यातील रावेर, धुळ्यातील शिंदखेडा व नंदुरबारमधील शहादा येथील व्यापारी कार्यवाही करीत आहेत. थेट शेतात जाऊन व्यापारी खरेदी करीत आहेत. आठ ते दहा दिवसांपूर्वी प्रतिकिलो २० रुपये दर होता. सध्या प्रतिकिलो कमाल १८ रुपये दर आहे. आगाप लागवडीच्या पपई बागांमधील काढणी वेगात सुरू आहे. दोन-तीनदा आगाप पपई बागांमध्ये काढणी झाली आहे. 

पपईची मागणी राजस्थान, दिल्ली, मध्य प्रदेश, गुजरात व राज्यातही आहे. बाजार समित्यांमध्ये पपईची आवक फारशी नाही. सध्या दर्जेदार फळे निघत असून, थंडी वाढली तर मागणी आणखी वाढेल, असे शेतकरी रोहित पटेल (वडछील, जि. नंदुरबार) म्हणाले.


इतर अॅग्रोमनी
पाडव्याच्या मुहूर्तावर कोल्हापुरात...कोल्हापूर  : कोल्हापूर कृषी उत्पन्न बाजार...
अर्थशास्त्राला शेती, शेतकऱ्यांचे प्रश्न...सन २०१९ चे अर्थशास्त्राचे नोबेल भारतीय वंशाचे...
मका, हळद, हरभऱ्याच्या किमतीत वाढीचा कलरब्बी मक्याच्या बाजारातील स्पॉट किमती सध्याच्या...
पावसामुळे कोल्हापुरात गुळाची आवक घटलीकोल्हापूर  : गेल्या चार दिवसांपासून सुरू...
उत्तर प्रदेशात उसाला प्रतिक्विंटल ३०...नवी दिल्लीः उत्तर प्रदेशातील साखर...
मका, हळद, गव्हाच्या किमतीत वाढीची शक्यतारब्बी मक्याच्या बाजारातील स्पॉट किमती सध्या...
मध्य प्रदेश बाजारात कापसाला ५४०० रुपये...जळगाव  ः गेल्या पंधरा दिवसांपासून सुरू...
औरंगाबाद, जालना, बीडमध्ये ज्वारी,...औरंगाबाद : यंदाच्या रब्बी हंगामासाठी...
रब्बी मका, गहू, हरभऱ्याच्या दरात वाढीची...सध्या बाजारपेठेत आवकेची कमतरता आणि अति पावसामुळे...
वाॅलमार्ट कोळंबी आयातीसाठी वापरणार...नवी दिल्ली: आंध्र प्रदेशातून कोळंबीची अमेरिकेसह...
दसरा, दिवाळीत बेदाणा दर वधारण्याची...सांगली  ः गेल्यावर्षीपेक्षा बेदाण्याचे...
आंतरपिकाच्या योग्य नियोजनातून लबडे ...पेरूच्या प्रत्यक्ष उत्पादनाला वर्ष- दीड वर्ष...
सागरी मत्स्य उत्पादनात महाराष्ट्र...मुंबई  ः सागरी मत्स्य उत्पादनात महाराष्ट्र...
सेंद्रिय शेतमालाचा आता ‘वनामती ब्रँड'नागपूर ः राज्यात सेंद्रिय शेतीचे दिशाहीन वारे...
मंदीतून सावरण्यासाठी उद्योग क्षेत्राला...पणजी : देशावर मंदीचे सावट असतानाच उद्योग जगताला...
हळद, गहू, हरभऱ्याच्या फ्युचर्स किमतींत...हळदीच्या डिसेंबर २०१९ च्या फ्युचर्स किमती...
शेतमालाच्या किमतीत स्थिरतेचा कलचीनकडून शेतमालाची आयात अजून वाढलेली नाही....
कृषी अर्थव्यवस्थेसाठीही मार्गदर्शक...ज्यांचे मोठेपण त्यांच्या हयातीतच समाजाला प्रतीत...
देशात मक्याची ७५ लाख हेक्टरवर लागवड नवी दिल्ली ः मागील आठवड्यात दक्षिण आणि मध्य...
सोयाबीन, हळद, गव्हाच्या फ्युचर्स...सोयाबीन फ्युचर्स किमती या सप्ताहात ५ टक्क्यांनी...