परभणी ः वसंतराव नाईक मराठवाडा कृषी विद्यापीठअंतर्गंत परभणी येथे कृषी हवामान बदल संशोधन केंद्र स्थापन करण्यास महाराष्ट्र कृषी शिक्षण व संशोधन परिषदेने नुकतीच मान्यता दिली आहे. त्यामुळे आता राज्य शासनाने या केंद्राच्या स्थापनेस मंजुरी देऊन पुरेसे मनुष्यबळ आणि वेधशाळा उभारणीसाठी भरीव निधीस तत्काळ मान्यता देणे आवश्यक आहे.
जिरायती क्षेत्र बहूल मराठवाड्यातील शेतकरी दुष्काळ, अतिवृष्टी, गारपीट, वाढते तापमान या नैसर्गिक संकटांचा सामना करत शेती करत आहेत. यावर संशोधन करुन शेतकऱ्यांना गावपातळीवर वेळेवर हवामान सल्ला पोचविण्यासाठी सध्याची संशोधन, शिक्षण आणि विस्तार कार्य यंत्रणा अत्यंत तोकडी पडत आहे. या पार्श्वभूमीवर मराठवाडा विभागासाठी स्वतंत्र कृषी हवामान संशोधन केंद्राची नितांत गरज लक्षात घेऊन चार वर्षांपूर्वी परभणी येथे कृषी हवामान बदल संशोधन केंद्र स्थापन करण्यासाठी प्रस्ताव महाराष्ट्र कृषी शिक्षण व संशोधन परिषदेकडे सादर केला होता. त्यास यंदाच्या फेब्रुवारी महिन्यात कृषिमंत्री दादा भुसे यांच्या उपस्थितीत झालेल्या बैठकीत मान्यता देण्यात आली. सद्यःस्थितीतील हवामान संशोधन... सध्या हैद्राबाद येथील केंद्रीय कोरडवाहू कृषी संशोधन संस्थेअंतर्गत अखिल भारतीय कृषी हवामान समन्वित प्रकल्प आणि राष्ट्रीय संवेदनक्षम वातावरण बदल समरसता प्रकल्प या दोन प्रकल्पाअंतर्गत अल्प प्रमाणात कृषी हवामान संशोधनाचे काम चालते. भारतीय हवामान विभागाअंतर्गत ग्रामीण कृषी मौसम सेवा प्रकल्पांव्दारे परभणी जिल्ह्यात तालुका स्तरावर तर इतर जिल्ह्यात ढोबळमानाने जिल्हा स्तरावर कृषी हवामान सल्ला दिला जातो. परंतु हा सल्ला मंडळ आणि गाव स्तरावर उपयोगाचा ठरत नाही. पीक उत्पादनाचा अंदाज वर्तविणे (फसल) प्रकल्पाअंतर्गत जिल्हा स्तरावर मुख्य पिकांचा उत्पादन अंदाज काढला जातो. हवामान बदल संशोधन केंद्राची उद्दिष्टे
प्रतिक्रिया मराठवाड्यातील शेती आणि शेतकरी यांच्या हितासाठी स्वतंत्र हवामान बदल संशोधन केंद्र स्थापनेची नितांत गरज आहे. एमसीएईआरने त्यास तत्त्वतः मान्यता दिली आहे. आता शासनाने त्यासाठी आवश्यक निधीसह मंजुरी द्यावी. - डॉ. अशोक ढवण, कुलगुरू, वसंतराव नाईक मराठवाडा कृषी विद्यापीठ, परभणी.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.