परभणीत ढोबळी मिरची १००० ते १५०० रुपये प्रतिक्विंटल

परभणी : येथील पाथरी रस्त्यावरील फळे भाजीपाला मार्केटमध्ये शुक्रवारी (ता.५) ढोबळ्या मिरचीची १० क्विंटल आवक झाली. तिला प्रतिक्विंटल १००० ते १५०० रुपये दर मिळाले, अशी माहिती मार्केटमधील सूत्रांनी दिली.

वेलवर्गीय भाज्यांमध्ये दोडक्याची ८ क्विटल आवक झाली. त्यांना प्रतिक्विंटल १००० ते १५०० रुपये दर मिळाले. कारल्याची १५ क्विंटल आवक झाली. त्यांना प्रतिक्विंटल १००० ते १८०० रुपये दर मिळाले. दुधी भोपळ्याची १० क्विंटल आवक होऊन प्रतिक्विंटल ५०० ते ८०० रुपये दर मिळाले. काकडीची २० क्विंटल आवक झाली. त्यांना प्रतिक्विंटल २०० ते ५०० रुपये दर मिळाले.

पालेभाज्यांमध्ये मेथीच्या ५ हजार जुड्यांची आवक झाली. त्यांना प्रतिशेकडा ८०० ते १५०० रुपये दर मिळाले. पालकाची ७ क्विंटल आवक होऊन प्रतिक्विंटल १००० ते २००० रुपये दर मिळाले. शेपूची १५ क्विंटल आवक होऊन प्रतिक्विंटल १००० ते २००० रुपये दर मिळाले. चुक्याची ६ क्विंटल आवक झाली. त्यांना प्रतिक्विंटल १००० ते ३००० रुपये दर मिळाले.

कोथिंबिरीची २५ क्विंटल आवक, तर  दर प्रतिक्विंटल १००० ते १५०० रुपये दर मिळाले. शेंगवर्गीय भाज्यांमध्ये गवारीची २० क्विंटल आवक झाली. त्यांना प्रतिक्विंटल १००० ते १२०० रुपये दर मिळाले. चवळीची ५ क्विंटल आवक झाली. तिला प्रतिक्विंटल १८०० ते २००० रुपये दर मिळाले. शेवग्याची ७ क्विंटल आवक होऊन प्रतिक्विंटल २००० ते ३००० रुपये दर मिळाले.

वांग्याची ४५ क्विंटल आवक होऊन प्रतिक्विंटल २००० ते ३००० रुपये दर मिळाले. टोमॅटोची १२०० क्रेट आवक झाली. त्यांना प्रतिक्रेट १५० ते २५० रुपये रुपये दर मिळाले. 

हिरव्या मिरचीची २० क्विंटल आवक झाली. तिला प्रतिक्विंटल १००० ते १५०० रुपये दर मिळाले. फ्लॅावरची १० क्विंटल आवक होऊन प्रतिक्विंटल १००० ते २००० रुपये दर मिळाले. कोबीची १० क्विंटल आवक झाली. तिला प्रतिक्विंटल २००० ते २५०० मिळाले. भेंडीची १५ क्विंटल आवक झाली. तिला प्रतिक्विंटल १००० ते १५०० रुपये दर मिळाले.

कंदवर्गीय भाज्यामध्ये मुळ्याची २ हजार नग आवक झाली. त्यांना  प्रतिशेकडा १०० ते २०० रुपये दर मिळाले. लिंबांची १० क्विंटल आवक होऊन प्रतिक्विंटल ३००० ते ५००० रुपये दर मिळाले, अशी माहिती बाजारातील सूत्रांनी दिली.