agriculture news in marathi, parbhani in crop insurance site slow | Agrowon

परभणीत पीकविमा वेबपोर्टलची गती धीमी

टीम अॅग्रोवन
शनिवार, 21 जुलै 2018

परभणी ः पंतप्रधान पीक विमा योजनेअंतर्गंत वेबपोर्टलवर प्रस्ताव दाखल करण्याची सुविधा धिम्या गतीने सुरू आहे. त्यामुळे शेतकऱ्यांना वैयक्तिकरित्या विमा प्रस्ताव दाखल करण्यासाठी अडचणी येत आहेत. त्यामुळे जवळच्या जनसुविधा केंद्रावर जाऊन विमा प्रस्ताव भरावा, असे आवाहन जिल्हाधिकारी पी. शिवशंकर यांनी केले. बुधवार (ता. १८) पर्यंत जिल्ह्यातील ५७ हजार ६७० शेतकऱ्यांनी पीकविमा प्रस्ताव भरले असल्याची माहिती या वेळी देण्यात आली.

परभणी ः पंतप्रधान पीक विमा योजनेअंतर्गंत वेबपोर्टलवर प्रस्ताव दाखल करण्याची सुविधा धिम्या गतीने सुरू आहे. त्यामुळे शेतकऱ्यांना वैयक्तिकरित्या विमा प्रस्ताव दाखल करण्यासाठी अडचणी येत आहेत. त्यामुळे जवळच्या जनसुविधा केंद्रावर जाऊन विमा प्रस्ताव भरावा, असे आवाहन जिल्हाधिकारी पी. शिवशंकर यांनी केले. बुधवार (ता. १८) पर्यंत जिल्ह्यातील ५७ हजार ६७० शेतकऱ्यांनी पीकविमा प्रस्ताव भरले असल्याची माहिती या वेळी देण्यात आली.

पंतप्रधान पीकविमा योजनेअंतर्गत परभणी जिल्हास्तरीय समन्वय समितीच्या बुधवारी (ता. १८) जिल्हाधिकारी कार्यालयात आयोजित बैठकीत ते बोलत होते. निवासी उपजिल्हाधिकारी अंकुश पिनाटे, जिल्हाअधीक्षक कृषी अधिकारी बाळासाहेब शिंदे, इफको टोकिओ जनरल इन्शुरन्स कंपनीचे वरिष्ठ व्यवस्थापक अभिजित नांदोडे, जिल्हा अग्रणी बँक अधिकारी सुनील हट्टेकर आदी उपस्थित होते.

श्री. शिवशंकर म्हणाले, की पीकविमा वेबपोर्टल धिम्या गतीने प्रतिसाद देत आहे. त्यामुळे शेतकऱ्यांना वैयक्तिक पातळीवर आॅनलाइन विमा प्रस्ताव भरण्यासाठी अडचणी येत आहेत. मात्र, आपले सरकार केंद्र, महा ई-सेवा केंद्र या ठिकाणी उत्तम इंटरनेट सेवा असल्याने शेतकऱ्यांनी प्राधान्याने जनसुविधा केंद्रांवर विमा प्रस्ताव भरावा. या केंद्रावर कोणतेही शुल्क घेतले जाणार नाही. शुल्क घेणाऱ्या केंद्रांविरुद्ध कडक कारवाई केली जाईल. शुल्क घेत असल्यास तत्काळ जिल्हाधिकारी कार्यालयाशी संपर्क साधावा.

बॅंकांनी पीकविमा भरून घेण्यासाठी प्राधान्य द्यावे. यंदा नियुक्त करण्यात आलेल्या इफको-टोकिओ जनरल इन्शुरन्स कंपनीने तालुकास्तरावर तसेच जिल्हास्तरावर समन्वयक नेमले आहेत. खातरजमा करून घेण्यासाठी पीकविमा संरक्षण घेतलेल्या जिल्ह्यातील किमान पाच टक्के क्षेत्रांतील शेतकऱ्यांच्या पिकांची प्रत्यक्ष पाहणी, तपासणी कृषी विभाग तसेच विमा कंपनीचे अधिकारी संयुक्तरित्या केली जाणार आहे. बिगर कर्जदार शेतकऱ्यांना २४ जुलैपर्यंत तर कर्जदार शेतकऱ्यांना ३१ जुलैपर्यंत केवळ ऑनलाइन पद्धतीने विमा अर्ज सादर करावयाचे आहेत. गैरसोय टाळण्यासाठी लवकर विमा प्रस्ताव दाखल करावेत. आजवर जिल्ह्यातील ५७ हजार ६७० शेतकऱ्यांनी विमा प्रस्ताव दाखल केले असल्याचे या वेळी सांगण्यात आले.

विमा कंपनीकडून समन्वयक नियुक्त
पंतप्रधान पीकविमा योजनेमध्ये सहभागी होणाऱ्या शेतकऱ्यांच्या सोईसाठी इफको-टोकीओ जनरल इन्शुरन्स कंपनीच्या समन्वयकांचे संपर्क क्रमांक जिल्हा समन्वयक ः दीपक कांबळे ७०८३३९५३७८, परभणी तालुका ः विकास जमधाडे ७०८३३९५३७८, जिंतूरः गजानन चाकर ९२८४१७३५९५, सेलू ः सुखदेव सावंत ७८८७५३७०२८, मानवत ः आकाश राक्षे ८९५६५६८६०२, पाथरी ः सुमेध गायकवाड ८६००६६००८२,सोनपेठ ः शेख जहीर ९९७०९३७७९६, गंगाखेड ः बाबासाहेब वाकळे ७५०७६५४५३४, पालम ः नितीन आगळे ९५२७७७४८९८, पूर्णा ः संतोष बेंद्रे ७०२८२१३५५५.


इतर ताज्या घडामोडी
शेतकऱ्यांचा उदरनिर्वाह असलेले उद्योग का...नाशिक : शासन नवीन उद्योगांची घोषणा करत आहे. मात्र...
देवळा तालुक्यात युरिया टंचाईनाशिक : देवळा तालुक्यात हंगामाच्या सुरुवातीला...
अंदरसूल उपबाजारात उन्हाळ कांदा आवकेत वाढनाशिक : वैजापूर (जि. औरंगाबाद) येथील बाजार...
खानदेशात पेरणी ९० टक्‍क्‍यांवरजळगाव ः खानदेशात पेरणी जवळपास पूर्ण होत आली आहे....
अकोला : गतहंगामातील पीक विम्यापासून...अकोला ः गेल्या हंगामात शेतकऱ्यांनी काढलेल्या...
सोयाबीन बियाणेप्रकरणी शासनाने मदत...अकोला ः जिल्ह्यात प्रत्येक तालुक्यात पेरणीनंतर...
औरंगाबाद जिल्ह्यात मागणीच्या तुलनेत आला...चिते पिंपळगाव, जि. औरंगाबाद : येथील कृषी सेवा...
सांगली जिल्ह्यात पीक कर्जवाटपात...सांगली ः जिल्हा बॅंकेने जूनअखेर ६६.८२ टक्के...
खानदेशात मुसळधार पावसाने जमिनी खरडल्याजळगाव ः खानदेशात मागील २० ते २२ दिवसांमध्ये अनेक...
तुळसवडेतील शेतात ‘रयत क्रांती संघटने’चे...राजापूर, जि. रत्नागिरी : कोरोनामुळे  ...
खतांची साठेमारी करणाऱ्यांवर कारवाई...नागपूर : जिल्ह्यात युरियाचा मुबलक साठा उपलब्ध आहे...
सांगली बाजार समितीतील सौदे राहणार चार...सांगली ः जिल्ह्यातील ग्रामीण आणि शहरी भागात...
पाचोरा बाजार समितीत लिलाव बंदजळगाव ः जळगाव, पाचोरा व अमळनेरात आठवडाभर...
सोलापुरात पीक विम्यात सुर्यफुलाचा...मंगळवेढा, जि. सोलापूर  ः पंतप्रधान पीक विमा...
नागपुरात सोयाबीन क्षेत्रात १२ हजार...नागपूर : कापूस शेतीत मजुरांची तसेच विक्रीत...
परभणी जिल्ह्यात आतापर्यंत १६.६० टक्केच...परभणी : जिल्ह्यातील सार्वजनिक, खासगी, सहकारी...
परभणी जिल्ह्यात गरजेवेळी युरियाचा तुटवडापरभणी : जिल्ह्यात यंदाच्या खरीप हंगामात युरिया...
शेतकऱ्यांनो, सेंद्रिय शेतीकडे वळा ः...परभणी : ‘‘अनेक पिकांचे देशी वाण मानवासाठी...
`व्हर्च्युअल गॅलक्‍सी'च्या देणेबाकीवर,...सोलापूर  : सोलापूर जिल्हा मध्यवर्ती सहकारी...
मराठा आरक्षणाला अंतरिम स्थगिती देण्यास...मुंबई  : मराठा आरक्षणाला विरोध करणाऱ्यांनी...