परभणी जिल्हा बॅंकेतर्फे मुख्यमंत्री सहाय्यता निधीसाठी ११ लाख रुपये

परभणी : जिल्हा बॅंकेतर्फे मुख्यमंत्री सहाय्यता निधीसाठी ११ लाख रुपयांची मदत देण्यात आली. आमदार सुरेश वरपुडकर, बॅंकेचे अध्यक्ष पंडितराव चोखट यांनी मदतीचा धनादेश विभागीय आयुक्त सुनिल केंद्रेकर यांच्याकडे सुपुर्द केला. 

यावेळी जिल्हाधिकारी दीपक मुगळीकर, प्रभारी मुख्य कार्यकारी अधिकारी व्हि. आर. कुरुंदकर, व्यवस्थापक एन. एस. शिंदे यावेळी उपस्थित होते.

देशात तसेच राज्यात ‘कोविड - १९’ विषाणुमुळे उद्भभवलेल्या परिस्थितीत राज्य शासनाकडून युध्द पातळीवर मदत कार्य सुरु आहे. मुख्यमंत्री सहाय्यता निधीसाठी मदत करण्यासाठी केलेल्या आवाहनानुसार जिल्हा बॅंकेकडून संचालक मंडळ सदस्यांचा सभेचा भत्ता, बॅंक कर्मचाऱ्यांचा एक दिवसाचा पगार असा एकूण ११ लाख रुपयांचा निधी देण्यात आला, असे सूत्रांनी सांगितले.