Agriculture news in Marathi, Parbhani district has below average rainfall in 20 circlesy' | Agrowon

परभणी जिल्ह्यातील २० मंडळांमध्ये सरासरीपेक्षा कमी पाऊस

टीम अॅग्रोवन
मंगळवार, 12 नोव्हेंबर 2019

परभणी ः दोन वर्षांच्या खंडानंतर परभणी जिल्ह्यात यंदा पावसाने वार्षिक सरासरी ओलांडली आहे. परंतु जिल्ह्यातील ३९ पैकी २० मंडळांमध्ये वार्षिक सरासरीपेक्षा कमी पाऊस झाला आहे. उर्वरित १९ मंडळांमध्ये मात्र वार्षिक सरासरीपेक्षा कमी पाऊस झाला. चारठाणा (ता. जिंतूर) मंडळामध्ये सर्वांत कमी ४५.८ टक्के, तर पाथरी मंडळाध्ये सर्वाधिक १५८.८ टक्के पाऊस झाला.

परभणी ः दोन वर्षांच्या खंडानंतर परभणी जिल्ह्यात यंदा पावसाने वार्षिक सरासरी ओलांडली आहे. परंतु जिल्ह्यातील ३९ पैकी २० मंडळांमध्ये वार्षिक सरासरीपेक्षा कमी पाऊस झाला आहे. उर्वरित १९ मंडळांमध्ये मात्र वार्षिक सरासरीपेक्षा कमी पाऊस झाला. चारठाणा (ता. जिंतूर) मंडळामध्ये सर्वांत कमी ४५.८ टक्के, तर पाथरी मंडळाध्ये सर्वाधिक १५८.८ टक्के पाऊस झाला.

परभणी जिल्ह्याची पावसाची वार्षिक सरासरी ७७४.६२ मिलिमीटर आहे. या वर्षी आॅक्टोबरअखेरपर्यंत ७२१.७१ मिलिमीटर म्हणजेच वार्षिक सरासरीच्या (८०.८४ टक्के) पाऊस झाला. २०१२ मध्ये ६३५.७ मिलिमीटर (८२.०८ टक्के), २०१३ मध्ये ८८१.२० मिलिमीटर (११३.८५ टक्के), २०१४ मध्ये ३५७.७० मिलिमीटर (४८.१८ टक्के), २०१५ मध्ये ३४०.४६ मिलिमीटर (४३.९५ टक्के), २०१६ मध्ये ८३८.०९ मिलिमीटर (१०८.२६ टक्के), २०१७ मध्ये ५२९.५० मिलिमीटर (६८.३५ टक्के), २०१८ मध्ये ४६३.०१ मिलिमीटर (५९.७७ टक्के) पाऊस झाला आहे.

२०१९ मध्ये ७९७.७१ मिलिमीटर (१०२.९७ टक्के) म्हणजेच वार्षिक सरासरीपेक्षा २.९७ टक्के जास्त पाऊस झाला. आॅक्टोबर महिन्यात परभणी जिल्ह्यात ५२.९१ मिलिमीटर पाऊस अपेक्षित असताना यंदा प्रत्यक्षात २२१.९४ मिलिमीटर (४१९.५ टक्के) पाऊस झाला.

जिंतूर तालुक्यातील चारठाणा मंडळाची वार्षिक पावसाची सरासरी ८११.७० मिलिमीटर आहे. परंतु यंदा या मंडळात ३७२ मिलिमीटर म्हणजेच ४५.८ टक्के एवढा पाऊस झाला. पाथरी मंडळाची वार्षिक सरासरी ७६८ मिलिमीटर आहे. परंतु यंदा या मंडळात १२२० मिलिमीटर म्हणजेच १५८.८ टक्के पाऊस झाला.

सरासरीपेक्षा जास्त पाऊस झालेली मंडळे ः झरी (१०३.६ टक्के), पालम  (११९.९ टक्के), चाटोरी (१२२.८ टक्के), बनवस (१३९.९ टक्के), पूर्णा (१२८.३ टक्के), ताडकळस (१११.३ टक्के), चुडावा (१५२.८ टक्के), गंगाखेड (१२६.१ टक्के), राणीसावरगाव (१०४.६ टक्के), माखणी (१०३ टक्के), सोनपेठ (१२३.१ टक्के), सेलू (१२२.८ टक्के), देऊळगाव (१४१.४ टक्के), पाथरी (१५८.८ टक्के), हदगाव (१२७ टक्के), सावंगी म्हाळसा (१११.१ टक्के), बामणी (१०७.२ टक्के), मानवत (१२०.१ टक्के), कोल्हा (१०८.५ टक्के).

सरासरीपेक्षा कमी पाऊस झालेली मंडळे ः परभणी शहर (६९.४ टक्के), परभणी ग्रामीण (६०.५ टक्के), सिंगणापूर (७३.२ टक्के), दैठणा (६३.४ टक्के), पेडगाव (७०.५ टक्के), पिंगळी (७६.७ टक्के), जांब (६३.८ टक्के), लिमला (९५.२ टक्के), कात्नेश्वर (८६.८ टक्के), महातपुरी (९९.६ टक्के), आवलगाव (८५.५ टक्के), कुपटा (७८.१ टक्के), वालूर (८४.१ टक्के), चिकलठाणा (८४.१ टक्के), बाभळगाव (८२ टक्के), जिंतूर (६३.८ टक्के), बोरी (६९.१ टक्के), चारठाणा (४५.८ टक्के), आडगाव (७८.६ टक्के), केकरजवळा (८०.३ टक्के).


इतर ताज्या घडामोडी
खानदेशात कांदेबाग केळी लागवडीची तयारी...जळगाव : खानदेशात कांदेबाग केळी लागवडीची तयारी...
औरंगाबाद, जालना, परभणीत बहुतांश मंडळांत...औरंगाबाद : औरंगाबाद, जालना, परभणी या तीनही...
नाशिक बाजार समितीतील कर्मचारी...नाशिक : नाशिक कृषी उत्पन्न बाजार समितीच्या...
सोलापूर जिल्हा परिषदेत सेसफंड, करनिधी...सोलापूर  ः कोरोनामुळे कधी नव्हे, ती सहा-सात...
नगर जिल्ह्यात शेततळ्यांच्या कामांची...नगर ः दुष्काळी परिस्थितीत शेततळ्याच्या पाण्यावर...
पूर्णा नदी काठच्या गावांना सतर्कतेचा...हिंगोली  ः ‘‘जिल्ह्यातील पूर्णा नदीवरील...
वाखारी येथे शेतकरी, शेतमजुरांना कौशल्य...पुणे ः कृषी तंत्रज्ञान व्यवस्थापन यंत्रणा व...
नांदेड, परभणी, हिंगोली जिल्ह्यात १४२...नांदेड : नांदेड, परभणी, हिंगोली जिल्ह्यातील १४२...
दहिवडीत शेतीकामांच्या मजुरीदरांसह...नाशिक : कोरोनाच्या पार्श्वभूमीवर शेतीव्यवस्था...
औरंगाबाद, जालना जिल्ह्यात दीड लाख...औरंगाबाद  : दोन जिल्ह्यांतील साडेचार हजारावर...
उजनीची पाणीपातळी २८ टक्केवर सोलापूर  ः पुणे जिल्ह्यातील पावसाच्या...
वरखेडीतील पशुधनाचा बाजार उद्यापासून...पाचोरा, जि.जळगाव  ः वरखेडी (ता.पाचोरा) येथील...
जळगाव जिल्ह्यात शेतकऱ्यांवर लिंबं...भडगाव, जि.जळगाव  ः जिल्ह्यात लिंबू पिकासाठी...
कृषी महाविद्यालयाच्या जागेचा प्रश्न...भंडारा : कृषी महाविद्यालयाच्या प्रस्तावित...
परभणी जिल्ह्यात कपाशी बियाण्याच्या साडे...परभणी : जिल्ह्यात यंदा खरीप हंगामात विविध...
सिंधुदुर्ग जिल्ह्यातील ७०...वैभववाडी, जि. सिंधुदुर्ग ः ऑगस्ट महिन्यात मुदत...
चंद्रपूर जिल्ह्यात कापूस कोंडीत भर...चंद्रपूर : येत्या  हंगामातील कापूस खरेदीसाठी...
पंधरा शेतकऱ्यांच्या सौरकृषी पंपात...चंद्रपूर : मुख्यमंत्री सौर कृषी पंप योजनेअंतर्गत...
जलालखेडा येथील दीडशे शेतकरी...नागपूर : खरीप कर्जाचे वाटप शनिवार (ता. १५) पर्यंत...
सांगली जिल्ह्यात डाळिंब संकटांच्या...सांगली ः वातावरणातील बदलाने डाळिंबावर तेलकट डाग...