Agriculture News in Marathi Parbhani district Overcast in two circles | Page 2 ||| Agrowon

परभणी जिल्ह्यातील  दोन मंडलांत अतिवृष्टी 

टीम अॅग्रोवन
सोमवार, 27 सप्टेंबर 2021

परभणी, हिंगोली जिल्ह्यांतील ८२ मंडलांमध्ये रविवारी (ता. २६) सकाळी आठपर्यंतच्या २४ तासांमध्ये हलका ते जोरदार पाऊस झाला. परभणी जिल्ह्यातील जिंतूर, गंगाखेड या तालुक्यांतील दोन मंडलांत अतिवृष्टी झाली.

परभणी : परभणी, हिंगोली जिल्ह्यांतील ८२ मंडलांमध्ये रविवारी (ता. २६) सकाळी आठपर्यंतच्या २४ तासांमध्ये हलका ते जोरदार पाऊस झाला. परभणी जिल्ह्यातील जिंतूर, गंगाखेड या तालुक्यांतील दोन मंडलांत अतिवृष्टी झाली. रविवारी (ता. २६) दुपारी अडीचच्या सुमारास परभणी, तसेच अन्य मंडलांत ढगांच्या गडगडात जोरदार पाऊस झाला. सततच्या पावसामुळे निचरा होत नसल्यामुळे उभी पिके सडत आहेत.

कापणीची कामे खोळंबल्याने सोयाबीनच्या शेंगांना कोंब फुटले आहेत. बोंडांतून फुटलेला कापूस भिजून सरकीतून कोंब फुटत आहे. निसर्गाने तोंडचा घास हिरवून घेतल्याने शेतकरी हतबल झाले आहेत. 

परभणी जिल्ह्यातील ५२ मंडलांत सरासरी १७.२ मिमी पाऊस झाला. जिंतूर, गंगाखेड, सोनपेठ, पूर्णा तालुक्यांतील अनेक मंडलांमध्ये जोरदार पाऊस झाला. चारठाणा (ता. जिंतूर), पिंपळदरी (ता. गंगाखेड) मंडलात अतिवृष्टी झाली. हिंगोली जिल्ह्यातील ३० मंडलांमध्ये सरासरी १३ मिमी पाऊस झाला.

पालम तालुक्यात झालेल्या जोरदार पावसामुळे लेंडी नदीला आलेल्या पुरामुळे काही गावांचा संपर्क तुटला होता. निम्न दुधना धरणातील विसर्ग वाढविण्यात आल्यानंतर शेतामध्ये पाणी शिरून सेलू, मानवत तालुक्यातील नदीकाठच्या गावातील पिके हातची गेली आहेत. हिंगोली, कळमनुरी, सेनगाव तालुक्यांतील काही मंडलांत जोरदार पाऊस झाला. सिद्धेश्‍वर धरणातील विसर्गामुळे पूर्णा नदीला आलेल्या पुराचे पाणी शिरल्याने औंढा नागनाथ, वसमत तालुक्यातील पिकांचे नुकसान झाले. पाऊस उघडीप देत नसल्याने पीक नुकसानीचे सत्र सुरूच आहे. शेतमालाची प्रत खालावली आहे. 

मंडलनिहाय पाऊस (१५ मिमीच्या पुढे) 
परभणी : चारठाणा ६८.३, बामणी ३७, सेलू २१.३, चिकलठाणा ३८.३, मोरेगाव ३१.५, रामपुरी १८,सोनपेठ २०, आवलगाव २३.३, शेळगाव १५.५, वडगाव ४३.५, गंगाखेड २९, महातपुरी ३८.३,माखणी ३२.२, राणीसावरगाव ३५.३ पिंपळदरी ८०.३, चुडावा २०, पालम ४१.८, चाटोरी २१, रावराजूर ३३.३. 
हिंगोली जिल्हा : हिंगोली ४६.८, नरसी नामेदव १८.८, सिरसम ६१.५, डिग्रस कऱ्हाळे ३०.३, माळहिवरा ३२, वारंगा २९, येळेगाव २३.८, सेनगाव १५.५. 


इतर बातम्या
नांदेड जिल्ह्यात रब्बीची पेरणी सुरुनांदेड : जिल्ह्यात मागील काही दिवसांपासून थंडी...
तापमानातील तफावत वाढलीपुणे : राज्यात थंडीची चाहूल लागली असतानाच...
शेतकऱ्यांना तत्काळ कर्जासाठी कृषी कर्ज...नगर : राज्यातील शेतकऱ्यांना वेळेत व सुलभरीत्या...
तलाठ्यांच्या संपामुळे कामे खोळंबली नगर : तलाठ्यांच्या कामकाजासंदर्भात समन्वय...
तेलबिया आणा अन् खाद्यतेल घेऊन जापुणे : महात्मा फुले कृषी विद्यापीठाच्या शिवाजीनगर...
पूर्व विदर्भात करडईची होणार चार हजार...नागपूर ः देशाची खाद्यतेलाची गरज भागविण्याकरिता...
सोयाबीनच्या आवकेसह मागणीही वाढणारपुणे : देशभरातील बाजारात चालू सप्ताहात दैनंदिन...
परभणी कृषी विद्यापीठाकडून कुशल...परभणी ः वसंतराव नाईक मराठवाडा कृषी विद्यापीठ यंदा...
पुणे : रब्बीसाठी ३३,५०० क्विंटल...पुणे : पुणे जिल्ह्यात रब्बी हंगामाची तयारी सुरू...
परभणी : सव्वा लाखावर पंचनामे प्रलंबित परभणी : जिल्ह्यातील पंतप्रधान पीकविमा...
हिंगोलीत सोयाबीनचे दर  ४६५० ते ४८५०...हिंगोली : येथील कृषी उत्पन्न बाजार समितीअंतर्गत...
 कांदा दरात पुन्हा झाली घसरण नगर : दर मिळेल या आशेने गत वर्षीचा उन्हाळी,...
नागपुरात १९ हजार हेक्टरवरील पिके नष्ट नागपूर : ऑगस्ट व सप्टेंबर महिन्यादरम्यान झालेली...
कांद्याचे भाव वाढल्यावरच  का पाडले...येवला, जि. नाशिक : उन्हाळ कांद्याचे भाव वाढून...
पीक नुकसानी भरपाई मिळणार वाढीव दराने  येवला, जि. पुणे : निसर्गाच्या आपत्तीत अतिवृष्टी व...
राष्ट्रीय स्तरावरील साखर उद्योगातील...कोल्हापूर : नवी दिल्लीच्या राष्ट्रीय सहकारी साखर...
दहा वर्षांवरील हरभरा वाणांना अनुदान नाहीपुणे ः राज्यात रब्बी हंगामासाठी शेतकऱ्यांना हरभरा...
यंदा कापूस तेजीतच राहणारपुणे : महाराष्ट्र, गुजरात आणि मध्य प्रदेशात...
पावसाने वाढली सोयाबीनची आवक नागपूर ः मध्य प्रदेशात पावसाच्या शक्‍यतेमुळे...
ड्रायपोर्टमुळे संत्रा निर्यातीला चालनानागपूर : वर्धा जिल्ह्यातील सिंधी रेल्वे येथे...