परभणी : येथील पाथरी रस्त्यावरील फळे भाजीपाला मार्केटमध्ये शुक्रवारी (ता. १) मेथीच्या ८ हजार जुड्यांची आवक झाली. त्यांना प्रतिशेकडा ६०० ते १००० रुपये दर मिळाले, अशी माहिती मार्केटमधील सूत्रांनी दिली.
शेंगवर्गीय भाज्यांमध्ये शेवग्याची २ क्विंटल आवक झाली. त्यांना प्रतिक्विंटलला ५००० ते ७००० रुपये दर मिळाले. गवारीची १२ क्विंटल आवक होऊन प्रतिक्विंटलला २००० ते ४००० रुपये दर मिळाले. चवळीची ३ क्विंटल आवक झाली. तिला ३००० ते ४००० रुपये दर मिळाले. वेलवर्गीय भाज्यांमध्ये दोडक्याची ७ क्विंटल आवक होऊन प्रतिक्विंटलला ४००० ते ६००० रुपये दर मिळाले. कारल्याची १० क्विंटल आवक झाली. त्यास प्रतिक्विंटलला २५०० ते ४००० रुपये दर मिळाले. दुधी भोपळ्याची १५ क्विंटलला आवक होऊन प्रतिक्विंटलला २००० ते २५०० रुपये दर मिळाले. काकडीची २० क्विंटल आवक झाली. तिला प्रतिक्विंटलला ८०० ते १८०० रुपये दर मिळाले.
वांग्याची २५ क्विंटल आवक झाली. त्यांना प्रतिक्विंटलला २००० ते ३००० रुपये दर मिळाले. पालेभाज्यांमध्ये पालकाची १० क्विंटल आवक होऊन प्रतिक्विंटलला १२०० ते २००० रुपये दर मिळाले. शेपूची १५ क्विंटल आवक होऊन प्रतिक्विंटलला २००० ते ३००० रुपये दर मिळाले. चुक्याची ३ क्विंटल आवक, तर दर प्रतिक्विंटलला २५०० ते ३००० रुपये मिळाले. करडईच्या भाजीची ८ क्विंटल आवक झाली. तिला प्रतिक्विंटलला २००० ते ३००० रुपये दर मिळाले. कोथिंबिरीची ३० क्विंटल आवक होऊन प्रतिक्विंटलला ४००० ते ७००० रुपये दर मिळाले.
टोमॅटोची ९०० क्रेट आवक होऊन प्रतिक्रेटला १५० ते ३०० रुपये रुपये दर मिळाले. हिरव्या मिरचीची ६० क्विंटल आवक झाली. तिला प्रतिक्विंटलला १००० ते २००० रुपये दर मिळाले. ढोबळ्या मिरचीची ८ क्विंटल आवक, तर दर २००० ते २५०० रुपये राहिले.
फ्लॅावरची २५ क्विंटल आवक होऊन प्रतिक्विंटलला २००० ते ३५०० रुपये दर मिळाले. कोबीची ३० क्विंटल आवक होऊन प्रतिक्विंटलला २००० ते २५०० रुपये मिळाले. भेंडीची १२ क्विंटल आवक झाली. तिला प्रतिक्विंटलला १५०० ते २५०० रुपये दर मिळाले. कंदवर्गीय भाज्यांमध्ये बीट रुटची ६ क्विंटल आवक झाली. त्यांना प्रतिक्विंटलला १००० ते १५०० रुपये दर मिळाले. पातीच्या कांद्याची ४ क्विंटल आवक झाली. त्यांना प्रतिक्विंटलला २००० ते ३००० रुपये दर मिळाले. लिंबांची १५ क्विंटल आवक होऊन प्रतिक्विंटल २००० ते ३००० रुपये दर मिळाले. मक्याची २० क्विंटल आवक झाली. त्यास प्रतिक्विंटलला १००० ते १५०० रुपये दर मिळाले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.