परभणीत फ्लॉवर प्रतिक्विंटल २००० ते ४००० रुपये

परभणी ः येथील पाथरी रस्त्यावरील फळे भाजीपाला मार्केटमध्ये शुक्रवारी (ता. २९) फ्लॅावरची २० क्विंटल आवक होऊन प्रतिक्विंटल २००० ते ४००० रुपये दर मिळाले, अशी माहिती मार्केटमधील सूत्रांनी दिली.

शेंगवर्गीय भाज्यांमध्ये शेवग्याची ४० क्विंटल आवक होऊन प्रतिक्विंटल ८०० ते २००० रुपये दर मिळाले. वालाची ७ क्विंटल आवक होऊन प्रतिक्विंटल २५०० ते ३००० रुपये दर मिळाले. गवारीची १० क्विंटल आवक होऊन प्रतिक्विंटल ३००० ते ४५०० रुपये दर मिळाले. 

पालेभाज्यांमध्ये पालकाची २० क्विंटल आवक होऊन प्रतिक्विंटल ५०० ते ८०० रुपये दर मिळाले. चुक्याची १५ क्विंटल आवक होऊन प्रतिक्विंटल ८०० ते १५०० रुपये दर मिळाले. शेपूची २० क्विंटल आवक होऊन प्रतिक्विंटल ५०० ते १००० रुपये दर मिळाले. कोथिंबिरीची ९० क्विंटल आवक होऊन प्रतिक्विंटल ७०० ते १५०० रुपये दर मिळाले. वांग्याची ४० क्विंटल आवक होऊन प्रतिक्विंटल १२०० ते २००० रुपये दर मिळाले.

टोमॅटोची ७०० क्विंटल आवक होऊन प्रतिक्विंटल ८०० ते १५०० रुपये रुपये दर मिळाले. हिरव्या मिरचीची ७० क्विंटल आवक होऊन प्रतिक्विंटल २८०० ते ४००० रुपये दर मिळाले. ढोबळ्या मिरचीची ७ क्विंटल आवक होऊन प्रतिक्विंटल ३००० ते ४००० रुपये दर मिळाले. भेंडीची १८ क्विंटल आवक होऊन प्रतिक्विंटल ३००० ते ४००० रुपये दर मिळाले. कोबीची ३० क्विंटल आवक होऊन प्रतिक्विंटल १२०० ते २००० रुपये दर मिळाले. वेलवर्गीय भाज्यांमध्ये कारल्याची २० क्विंटल आवक होऊन प्रतिक्विंटल ३५०० ते ४००० रुपये दर मिळाले. दोडक्याची १५ क्विंटल आवक होऊन प्रतिक्विंटल २५०० ते ४००० रुपये दर मिळाले.

काकडीची ५० क्विंटल होऊन प्रतिक्विंटल ७०० ते १५०० रुपये दर मिळाले. दुधी भोपळ्याची १५ क्विंटल आवक होऊन प्रतिक्विंटल ६०० ते १५०० रुपये दर मिळाले. गोल भोपळ्याची ३ क्विंटल आवक होऊन प्रतिक्विंटल १५०० ते २५०० रुपये दर मिळाले. कंदवर्गीय भाज्यांमध्ये बीट रुटची ६ क्विंटल आवक होऊन प्रतिक्विंटल ८०० ते १५०० रुपये दर मिळाले. 

पातीच्या कांद्याची १५ क्विंटल आवक असताना प्रतिक्विंटल ५०० ते ८०० रुपये दर मिळाले. गाजराची १० क्विंटल आवक असताना प्रतिक्विंटल ३००० ते ४५०० रुपये दर मिळाले. लिंबांची २० क्विंटल आवक होऊन प्रतिक्विंटल २५०० ते ४००० रुपये दर मिळाले. कैरीची २०० क्विंटल आवक असताना प्रतिक्विंटल २००० ते ४००० रुपये दर मिळाले.