Agriculture news in marathi In Parbhani, the lending of nationalized, private banks stalled | Agrowon

परभणीत राष्ट्रीयकृत, खासगी बॅंकाचे कर्जवाटप रखडले

टीम अॅग्रोवन
गुरुवार, 17 सप्टेंबर 2020

परभणी : जिल्ह्यात यंदा खरिपात मंगळवार (ता.१५) पर्यंत विविध बॅंकांनी १ लाख १३ हजार १५७ शेतकऱ्यांना ६९६ कोटी ७९ लाख रुपये (४२.१०) टक्के पीक कर्जवाटप केले.

परभणी : जिल्ह्यात यंदा खरिपात मंगळवार (ता.१५) पर्यंत विविध बॅंकांनी १ लाख १३ हजार १५७ शेतकऱ्यांना ६९६ कोटी ७९ लाख रुपये (४२.१०) टक्के पीक कर्जवाटप केले. गतवर्षी (२०१९) च्या तुलनेत यंदा दुप्पटीहून अधिक वाटप झाले असले, तरी उद्दिष्टपुर्तीसाठी निम्म्याहून अधिक टप्पा पार करायचा राहिला आहे. राष्ट्रीयकृत बॅंकांचे वाटप २५ टक्केच्या आत, तर खासगी बॅंकांचे ४० टक्केच्या आतच रखडले आहे. 

महाराष्ट्र ग्रामीण बॅंकेने उद्दिष्टाचा टप्पा ओलांडला आहे. जिल्हा बॅंक कर्जवाटपात दुसऱ्या क्रमांकावर आहे. मात्र रब्बी हंगाम उंबरठ्यावर येऊन पोचललेला असताना राष्ट्रीयकृत बॅंका खरिपाचे पीककर्ज देण्यास चालढकल करत आहेत. त्यामुळे शेतकऱ्यांना बॅंकांत हेलपाटे मारावे लागत आहेत.

बॅंकांना एकूण १ हजार ६५५ कोटी २० लाख रुपयांचे पीक कर्जवाटपाचे उद्दिष्ट आहे. त्यात राष्ट्रीयकृत बॅंकांना १ हजार १५ कोटी ९९ लाख रुपये, खासगी बॅंका ८४ कोटी ६६ लाख रुपये, महाराष्ट्र ग्रामीण बॅंक २२५ कोटी २९ लाख रुपये, जिल्हा बॅंक १८६ कोटी २६ लाख रुपये उद्दिष्ट आहे.

मंगळवार (ता.१५) पर्यंत राष्ट्रीयकृत बॅंकांनी ३२ हजार १८ शेतकऱ्यांना  २८५ कोटी ३९ लाख रुपये, खासगी बॅंकांनी १ हजार ७२४ शेतकऱ्यांना २८ कोटी ९८ लाख रुपये, महाराष्ट्र ग्रामीण बॅंकेने ३३ हजार १९१ शेतकऱ्यांना २३६ कोटी ६० लाख रुपये, जिल्हा बॅंकेने ४६ हजार २२४ शेतकऱ्यांना १४५ कोटी ५८२ रुपयांचे पीक कर्जवाटप केले.

आजवर ७२ हजार ९५० शेतकऱ्यांनी ३४१ कोटी ९३ लाख रुपये रकमेच्या पीककर्जाचे नुतनीकरण करुन घेतले. तर, ४० हजार २०७ नवीन शेतकऱ्यांना ३४५ कोटी ८६ लाख रुपयांचे पीककर्ज वितरित करण्यात आले. जिल्हा बॅंकेने नवीन शेतकऱ्यांना पीककर्जाचे वाटप केले नाही.

गतवर्षी (२०१९) याच तारखेला ४७ हजार ९५५ शेतकऱ्यांना २६५ कोटी ८३ लाख रुपये (१८.०८ टक्के) पीककर्ज वाटप केले होते. गतवर्षीच्या तुलनेत यंदा पीक कर्जवाटपाच्या गती दुपटीहून अधिक असली, तरी उद्दिष्टपुर्ती मात्र अजून कोसोदूर आहे.


इतर बातम्या
कोल्हापुरात कांद्याचे सौदे शेतकऱ्यांनी...कोल्हापूर : कांद्याच्या दरात घसरण झाल्याने...
बार्शी तालुक्‍यात सोयाबीनचे मोठे नुकसानवैराग, जि. सोलापूर : बार्शी तालुक्‍यात...
`पांगरी परिसरातील पीक नुकसानीचा अहवाल...पांगरी : पांगरी (ता.बार्शी) भागात गेल्या दहा,...
परभणी जिल्ह्यात दीड लाख हेक्टर कपाशी...परभणी : यंदाच्या खरिप हंगामात जिल्ह्यात ५ लाख १९...
खानदेशात सव्वालाख क्विंटल हरभरा...जळगाव : खानदेशात रब्बी हंगामाची तयारी लवकरच सुरू...
खानदेशात केळीची उधारीने खरेदीजळगाव : खानदेशात कांदेबाग केळीची पुन्हा कमी दरात...
साखर कारखान्यांनी कामगारांची जबाबदारी...कोल्हापूर : राज्यातील साखर कामगारांची आरोग्याची...
नाशिक जिल्ह्यात पिकांचे ३७ हजार...नाशिक : चालू महिन्याच्या मध्यापासून जिल्ह्यात...
मराठवाड्यात पाऊस खरीप पिकांची पाठ सोडेनाऔरंगाबाद : जिल्ह्यात बहुतांश भागात हलका ते जोरदार...
मराठवाड्यात औरंगाबाद जिल्ह्याची पीक...औरंगाबाद ः मराठवाड्यात खरीप पीक कर्जवाटपात...
कांदा निर्यातबंदी उठवा; नगर जिल्हा...नगर : केंद्राने कांदा निर्यातबंदीचा निर्णय...
लातूर विभागात १५ लाख हेक्टरवर रब्बीचे...लातूर : येथील विभागीय कृषी सहसंचालक...
नांदेडमध्ये पावसाने ८३ हजार हेक्टर...नांदेड : अतिवृष्टी, पूरामुळे जिल्ह्यातील...
वऱ्हाडात पावसाचा पुन्हा धुमाकूळअकोला ः वऱ्हाडातील अकोला, बुलडाणा व वाशीम या...
शेतकरी विधवांकडून कंगना राणावतच्या...यवतमाळ : केंद्र सरकारच्या कृषी संबंधित नव्या...
सिंधुदुर्गाच्या काही भागात मुसळधार सुरूचसिंधुदुर्ग ः जिल्ह्याच्या काही भागात पावसाचा जोर...
सांगलीत रब्बीसाठी ३३ हजार क्विंटल बियाणेसांगली ः सांगली जिल्ह्यात रब्बी हंगामात युरियासह...
निळवंडे धरण तुडुंबअकोले, जि. नगर : उत्तर नगर जिल्ह्याला वरदान...
कोकण, खानदेशात पावसाचा धुमाकूळ पुणे ः कोकण आणि खानदेशला पावसाने झोडपून काढले....
आदिवासी बेरोजगारांसाठी औषधी वनस्पतीवरील...कर्जत, जि. रायगड : आदिवासींच्या उत्कर्षासाठी...