परभणीत वांगी प्रतिक्विंटल १००० ते २५०० रुपये

परभणी : येथील पाथरी रस्त्यावरील फळे भाजीपाला मार्केटमध्ये शुक्रवारी (ता. १९) वांग्याची ४५ क्विंटल आवक झाली. त्यास प्रतिक्विंटल १००० ते २५०० रुपये दर मिळाला, अशी माहिती मार्केटमधील सूत्रांनी दिली.

पालेभाज्यांमध्ये पालकाची १० क्विंटल आवक होऊन त्यास प्रतिक्विंटल ८०० ते १५०० रुपये दर मिळाले. चुक्याची ६ क्विंटल आवक झाली. त्यास प्रतिक्विंटल १२०० ते २००० रुपये दर मिळाले. शेपूची १० क्विंटल आवक होऊन त्यास प्रतिक्विंटल १२०० ते २००० रुपये दर मिळाले. मेथीच्या ६ हजार जुड्यांची आवक झाली. तिला प्रतिशेकडा ३०० ते ६०० रुपयांचा दर मिळाला. कोथिंबिरीची ४० क्विंटल आवक झाली. तिला प्रतिक्विंटल २५०० ते ५००० रुपये दर मिळाले. शेंगवर्गीय भाज्यांमध्ये शेवग्याची १५ क्विंटल आवक होऊन प्रतिक्विंटल ७०० ते १२०० रुपये दर मिळाले. गवारीची १५ क्विंटल आवक झाली. तिला प्रतिक्विंटल १५०० ते ३००० रुपये दर मिळाले.

चवळीची ३ क्विंटल आवक झाली. तिला प्रतिक्विंटल २५०० ते ५००० रुपये दर मिळाले. टोमॅटोची ४०० क्विंटल आवक होऊन त्यास प्रतिक्विंटल १२०० ते १५०० रुपये रुपये दर मिळाले. हिरव्या मिरचीची २५ क्विंटल आवक झाली. तिला ४००० ते ६००० रुपयांचा दर मिळाला. ढोबळ्या मिरचीची ४ क्विंटल आवक, तर दर प्रतिक्विंटल ३००० ते ४५०० रुपये, भेंडीची २५ क्विंटल आवक, तर दर १२०० ते २००० रुपये, फ्लॅावरची १२ क्विंटल आवक, तर दर २५०० ते ५००० रुपये, कोबीची २० क्विंटल आवक, तर दर प्रतिक्विंटल ८०० ते १५०० रुपयांचा मिळाला.

वेलवर्गीय भाज्यांमध्ये कारल्याची ८ क्विंटल आवक झाली. त्यास प्रतिक्विंटल ३५०० ते ४५०० रुपये दर मिळाले. दोडक्याची ६ क्विंटल आवक होऊन त्यास प्रतिक्विंटल ३००० ते ४००० रुपयांचा दर मिळाला. काकडीची ४० क्विंटल आवक झाली. तिला प्रतिक्विंटल ७०० ते १५०० रुपयांचा दर मिळाला. कंदवर्गीय भाज्यांमध्ये बिट रुटची ४ क्विंटल आवक होऊन तिला प्रतिक्विंटल ८०० ते १५०० रुपये दर मिळाले. लिंबांची १५ क्विंटल आवक होऊन प्रतिक्विंटल ३००० ते ५००० रुपये दर मिळाले. कैरीची १५० क्विंटल आवक असताना प्रतिक्विंटल ८०० ते १५०० रुपये दर मिळाले, अशी माहिती बाजार समितीतील सूत्रांनी दिली.