संसदेच्या अर्थसंकल्पीय अधिवेशनास ३१पासून प्रारंभ

महिनाअखेरीस संसदेच्या अधिवेशनास प्रारंभ
महिनाअखेरीस संसदेच्या अधिवेशनास प्रारंभ

नवी दिल्ली : संसदेचे अर्थसंकल्पी अधिवेशन ३१ जानेवारीपासून सुरू होणार आहे. अर्थमंत्री निर्मला सीतारामन १ फेब्रुवारीला अर्थसंकल्प लोकसभेत सादर करतील. अधिवेशनाचा पूर्वार्ध जेमतेम एका आठवड्याचा म्हणजे ७ फेब्रुवारीपर्यंत असेल, असे सांगितले जात आहे. त्यानंतर सुमारे महिनाभराच्या सुटीनंतर संसद अधिवेशनाचा दीर्घ उत्तरार्ध सुरू होईल. राष्ट्रपती रामनाथ कोविंद यांच्या अभिभाषणाने सुरू होणारे संसदेचे अर्थसंकल्पीय अधिवेशन २६ जानेवारीनंतर सुरू होते. मात्र पंतप्रधान नरेंद्र मोदी सरकारने अर्थसंकल्प सादर होण्याची तारीख २०१५ मध्ये महिनाभराने अलीकडे आणल्यानंतर गेली पाच वर्षे १ फेब्रुवारीला अर्थसंकल्प सादर केला जात आहे. गतवर्षी लोकसभा निवडणुका असल्याने हंगामी अर्थसंकल्प आणि मोदी सरकार पुन्हा सत्तेवर आल्यावर पूर्ण अर्थसंकल्प सादर केला गेला होता. यंदा अधिवेशन ३१ तारखेला सुरू होईल व राष्ट्रपतींचे अभिभाषण व लेखानुदान एकाच दिवशी सादर होईल. राष्ट्रपती रामनाथ कोविंद दोन्ही सभागृहांच्या संयुक्त बैठकीस संबोधित करतील. अर्थसंकल्प १ फेब्रुवारीला सादर होणे अपेक्षित असले तरी त्या दिवशी शनिवार आहे. संसदेचा आठवडा पाच दिवसांचा असतो व शुक्रवारीच खासदारांना आपापल्या मतदारसंघांत जाण्याचे वेध लागतात. या पार्श्‍वभूमीवर यंदा अर्थसंकल्प ३ फेब्रुवारीला म्हणजे सोमवारी सादर करावा काय, असाही एक मतप्रवाह सत्तारूढ पक्षात होता व आहे. मात्र सरकारच्या सर्वोच्च नेतृत्वाने अर्थसंकल्पाचा मुहूर्त एक दिवसच काय, पण एका तासानेही अलीकडे आणला जाणार नाही, असे बजावल्याचे समजते. त्यानुसार अधिवेशनाचा पहिला भाग ७ फेब्रुवारीपर्यंत चालेल. त्या काळात किमान अभिभाषणावरील चर्चा व त्याला पंतप्रधानांचे उत्तर दोन्ही सभागृहांत पूर्ण व्हावे, असे सरकारचे प्रयत्न असतील.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com