परभणीत पशुवैद्यक विद्यार्थ्यांचे आंदोलन सुरूच

परभणीत पशुवैद्यक विद्यार्थ्यांचे आंदोलन सुरूच
परभणीत पशुवैद्यक विद्यार्थ्यांचे आंदोलन सुरूच

परभणी ः किमान शैक्षणिक पात्रता दहावी असलेल्या पशुधन सहायकांना पशुधन विकास अधिकारी(गट ब)पदी पदोन्नती देण्यात आल्यामुळे भारतीय पशुवैद्यक परिषदेच्या नियमांचे उल्लंघन झाले आहे. पशुवैद्यक व पशुविज्ञान पदवीधर, पदव्युत्तर, पी.एचडीच्या विद्यार्थ्यांवर अन्याय होत आहे. तसेच लोकसभा निवडणुकीच्या आदर्श आचारसंहितेचा भंगदेखील झाला आहे. त्यामुळे पशुधन विकास अधिकारी गट ‘क’च्या पदोन्नतीचे आदेश रद्द करावेत, या मागणीसाठी पशुवैद्यक विद्यार्थ्यांनी बेमुदत संप पुकारला आहे. 

गुरुवारी (ता. १४) येथील पशुवैद्यक व पशुविज्ञान महाविद्यालयास ठोकण्यात आलेले टाळे शुक्रवारी (ता. १५) कायम होते. विद्यार्थ्यांनी महाविद्यालयाच्या प्रवेशद्वारावर ठिय्या आंदोलन सुरू केले आहे.

दरम्यान, शनिवारी (ता. १६) पशुवैद्यक व पशुविज्ञान महाविद्यालच्या तपासणीसाठी येणाऱ्या नागपूर येथील महाराष्ट्र पशू व मत्स्य विज्ञान विद्यापीठाच्या (माफसू) वरिष्ठ अधिकाऱ्यांना आंदोलक विद्यार्थी त्यांना घेराव घालून पदोन्नतीचा निर्णय रद्द करण्याची मागणी करणार आहेत. पशुधन सहायकांच्या (पशुधन विकास अधिकारी गट) पशुधन विकास अधिकारी गट ब वर पदोन्नतीचे आदेश सोमवारी (ता. ११) देण्यात आलेले आहेत. 

याप्रकरणी विद्यार्थ्यांनी जिल्हाधिकारी पी. शिवशंकर यांच्याकडे तक्रार केली आहे. यासंदर्भात चौकशी करून योग्य ती कार्यवाही केली जाईल, असे आश्वासन विद्यार्थ्यांना देण्यात आले. परंतु कोणताही ठोस तोडगा न निघाल्यामुळे दुसऱ्या दिवशी विद्यार्थ्यांचे ठिय्या आंदोलन सुरू होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com