अवैध मासेमारी रोखण्यासाठी गस्ती नौका

नागपूर  : राज्यातील गोड्या पाण्याच्या तलावात मत्स्य निर्मिती करण्यासाठी मत्स्य व्यवसाय सहकारी संस्थांशी करार करण्यात येतो. अशा तलावात चोरटी मासेमारी  होऊ नये, यासाठी गस्ती नौका तैनात करण्यात आली असून, राज्यात पहिल्या गस्ती नौकेचे उद्घाटन पशुसंवर्धन व दुग्धव्यवसाय विकास मंत्री सुनील केदार यांनी  केले. तेलंगखेडी (फुटाळा) तलाव हा पंचशील मत्स्य व्यवसाय सहकारी संस्थेला कराराने देण्यात आला आहे. राज्यात सर्वत्र अशाच प्रकारच्या गस्ती नौका तलावात ठेवण्यात येणार आहे, तसेच  ढिवर (मच्छीमार) समाजाचे प्रश्नांचा पाठपूरावा करुन  त्यांना मदत करण्यात येईल, असे  केदार यांनी सांगितले.  केंदार यांनी या गस्ती नौकेतून तलावाची पाहणी केली. पंचशील मत्स्य व्यवसाय सहकारी संस्थेचे अध्यक्ष प्रकाश लोणारे, सामाजिक कार्यकर्ते नरु जिचकार, जिल्हा मजदूर संघाचे अध्यक्ष स्वप्नील लिखार, दिपक चव्हाण, नगर सेवक कमलेश चौधरी, शैलेंद्र अवस्थी, मुकेश चौधरी, राजा गोवाळे यावेळी उपस्थित होते.