‘खरिपातील पीकविम्याची भरपाई तत्काळ द्या’

‘खरिपातील पीकविम्याची भरपाई तत्काळ द्या’
‘खरिपातील पीकविम्याची भरपाई तत्काळ द्या’

बुलडाणा  ः गेल्या खरीप हंगामात पीकविम्याचा भरणा केलेल्या आणि पिकांच्या नुकसानीचे पंचनामे सादर केलेल्या शेतकऱ्यांना पीकविम्याची नुकसानभरपाई तत्काळ मिळावी, अशी मागणी स्वाभिमानी शेतकरी संघटनेचे युवा जिल्हा अध्यक्ष सतिश मोरे यांनी जिल्हा अधीक्षक कृषी अधिकाऱ्यांकडे केली आहे. २४ जानेवारीपर्यंत मदत न मिळाल्यास आंदोलन करण्याचा इशारा देण्यात आला.  याबाबत श्री. मोरे यांनी म्हटले, की बुलडाणा जिल्ह्यातील हजारो शेतकऱ्यांनी खरीप हंगामात पेरणी केलेल्या सोयाबीन, मका, कपाशी यासह अन्य पिकांच्या पीकविम्याचा हप्ता पीकविमा कंपनीकडे भरला होता. खरीपाच्या शेवटी झालेल्या अतिवृष्टीमुळे शेतातील सोयाबीन, मका, कपाशी यांसह अन्य पिकांची मोठे नुकसान झाल्याने शेतकऱ्यांना मोठा आर्थिक फटका बसलेला आहे. कृषी विभाग आणि पीकविमा कंपनीच्या आवाहनानंतर सदर नुकसानग्रस्त शेतकऱ्यांनी पिकांच्या फोटोसह पीकविमा मागणीचे अर्ज कृषी विभाग आणि पीकविमा कंपनीकडे सादर केले आहेत. सदर पीकविमाधारक नुकसानग्रस्त शेतकऱ्यांना पीकविमा कंपनीकडून अद्यापपर्यंत पीकविम्याच्या हप्त्याचा परतावा देण्यात आलेला नाही. हा एकप्रकारे शेतकऱ्यांवर होणारा अन्याय आहे. तरी आपण सदर प्रकरणात लक्ष घालून पीकविम्याचा भरणा केलेल्या नुकसान ग्रस्त शेतकऱ्यांना पीकविमा कंपनीने तत्काळ भरपाई देण्याचे आदेश द्यावेत. अन्यथा स्वाभिमानी शेतकरी संघटनेच्या वतीने जिल्हा अधीक्षक कृषी अधिकारी कार्यालयासमोर २४ जानेवारीला लोकशाही मार्गाने शिट्टी बजाव आंदोलन करण्‍यात येईल, असे म्हटले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com