Agriculture news in marathi Peaceful voting for Gram Panchayats across the state | Agrowon

राज्यभरात ग्रामपंचायतींसाठी शांततेत मतदान 

टीम अॅग्रोवन
शनिवार, 16 जानेवारी 2021

राज्यात ग्रामपंचायतींसाठी शुक्रवारी (ता. १५) काही अपवाद वगळता शांततेत मतदान झाले. काही ठिकाणी मतदान यंत्र बंद पडल्याच्या घटना घडल्या. ग्रामीण भागात शेतकऱ्यांनी मतदान करूनच शेतावर जाणे पसंत केले. 

पुणे : राज्यात ग्रामपंचायतींसाठी शुक्रवारी (ता. १५) काही अपवाद वगळता शांततेत मतदान झाले. काही ठिकाणी मतदान यंत्र बंद पडल्याच्या घटना घडल्या. मात्र काही वेळानंतर पुन्हा मतदान सुरू झाले. ग्रामीण भागात शेतकऱ्यांनी मतदान करूनच शेतावर जाणे पसंत केले. विदर्भात गारठा वाढला होता. परिणामी दुपारपर्यंत मतदान संथगतीने सुरू होते. नक्षलग्रस्त गडचिरोली जिल्ह्यात सुमारे ७० टक्के मतदान झाले.

राज्यात सरासरी सुमारे ६० टक्के मतदान झाले. मतदानादरम्यान हाणामाऱ्या किंवा हिंसक घटना घडल्या नसल्याची माहिती ठिकठिकाणच्या प्रतिनिधींनी कळविले आहे. आता सोमवारी (ता.१८) होणाऱ्या मतमोजणीकडे सर्वांच्या नजरा लागल्या आहेत. 

विदर्भात ग्रामपंचायतींसाठी सरासरी पन्नास टक्के मतदान झाले. विदर्भातील इतर जिल्ह्यांच्या तुलनेत नक्षलप्रवण म्हणून ओळखल्या जाणाऱ्या गडचिरोली जिल्ह्यात मतदारांचा ग्रामपंचायत निवडणुकीत उत्स्फूर्त प्रतिसाद अनुभवास मिळाला. सायंकाळपर्यंत ७० टक्के मतदानाची नोंद येथे झाली. गडचिरोलीतील बारा तालुक्यांपैकी पहिल्या टप्प्यात सहा तालुक्यांमध्ये मतदान घेण्यात आले.

गडचिरोली, आरमोरी, देसाईगंज, कुरखेडा, कुरखेडा, धानोरा या सहा तालुक्यांमध्ये मतदान प्रक्रिया पार पडली. दुपारी दीड वाजेपर्यंत ७० टक्के मतदान झाले होते. उर्वरित सहा तालुक्यांमध्ये २० जानेवारी रोजी मतदान होणार आहे. 
यवतमाळ जिल्ह्यातील अर्जुना येथे मतदान यंत्रात बिघाड झाल्याने मतदान प्रक्रिया प्रभावित झाली होती. त्यामुळे मतदारांना बराच वेळ ताटकळत राहावे लागले.

महागाव तालुक्यातील सवना येथे उमेदवाराला दारू वाटप करताना पकडण्यात आले. या प्रकरणी महागाव पोलिसात गुन्हा दाखल करण्यात आला आहे. पाडेगाव येथे पोलिसांनी मतदारांना वाटण्यासाठी असलेला दारूसाठा जप्त केला. या घटना अपवाद वगळता यवतमाळ जिल्ह्यात मतदान शांततेत पार पडले. भंडारा जिल्ह्यात ७९ टक्के मतदानाची नोंद झाली होती. चंद्रपूर, अमरावती जिल्ह्यात मतदान प्रक्रिया शांततेत पार पडली.

वऱ्हाडातील ८९३ ग्रामपंचायतींसाठी मतदान प्रक्रिया राबविण्यात आली. सर्वाधिक ५२७ ग्रामपंचायतींसाठी बुलडाण्यात मतदान झाले. दुपारी दोन वाजेपर्यंत सरासरी ४० टक्यांपेक्षा अधिक मतदान झाले होते. दुपारी मतदान करण्यासाठी एकच गर्दी झाली होती. 

सांगलीत जिल्ह्यातील १४३ गावांतील कारभारी ठरवण्यासाठी शुक्रवारी (ता. १५) सकाळी साडेसात वाजल्यापासून मतदान अतिशय चुरशीने झाले. महाविकास आघाडी विरोधात भाजप समर्थकांमध्ये लढत झाली. काही गावात किरकोळ बाचाबाचीचे प्रकार झाले. परगावच्या मतदारांसाठी विशेष मोहीमच उमेदवारांनी राबवली होती.

सिंधुदुर्ग जिल्ह्यातील ६६ ग्रामपंचायतीच्या ४९४ जागांसाठी शुक्रवारी (ता.१५) सकाळी साडेसात वाजल्यापासून शांततेत मतदान सुरू झाले. दुपारी तीन वाजेपर्यंत सरासरी ६० टक्के मतदान झाले आहे. एका ठिकाणी मतदान यंत्रात बिघाड झाल्याचा प्रकार घडला. कोल्हापुरात सकाळपासूनच मोठ्या उत्साहात मतदान प्रक्रिया सुरू झाली होती. सकाळपासूनच मतदारांच्या रांगा लागल्या होत्या. जिल्ह्यात सरासरी ७० टक्के मतदान झाले आहे. 

नगरमध्ये चार वाजेपर्यंत ७० टक्के मतदान झाले होते. ज्येष्ठ समाजसेवक अण्णा हजारे, आदर्श सरपंच पोपटराव पवार यांनी मतदानाचा हक्क बजाविला. सातारा जिल्ह्यातील दुपारपर्यंत ५४.१० टक्के मतदान झाले होते. सकाळपासून मतदान केंद्रावर मतदारांनी रांगा लावल्या. त्यामुळे अनेक गावांत मतदान चुरशीचे झाले. या निवणुकीत उमेदवारांकडून सोशल मिडियाद्वारे प्रचारावर भर देण्यात आले.

पुणे जिल्ह्यातील दुपारी चार पर्यत सुमारे ५० टक्के मतदान झाल्याचे विविध ठिकाणांच्या बातमीदारांनी कळविले. किरकोळ प्रकार वगळता मतदान शांततेत पार पडले. सकाळपासूनच विविध मतदान केंद्रावर मतदानासाठी मतदारांनी रांगा लावल्या होत्या. कुसेगाव (ता.दौंड) येथे एक उमेदवार मतदान केंद्राबाहेर मतदाराला चिन्ह सांगत असल्याच्या संशयावरुन दोन्ही गटाच्या काही र्यकर्त्यांमध्ये किरकोळ धक्काबुक्की बाचाबाचीचा प्रकार घडला. दिवसभर तणावपुर्ण शांतता होती. परिंचे येथील गजानन रखमाजी गुरव (वय १०३) यांनी मतदानाचा अधिकार बजावला.

नांदेड, परभणी, हिंगोली जिल्ह्यांतील ९२० ग्रामपंचायतींसाठी सायंकाळी साडेपाच यावेळेत मतदान सुमारे ६५ टक्के मतदान झाले. परभणी जिल्ह्यात ५६६ पैकी ६८ ग्रामपंयातींची निवडणूक बिनविरोध झाली होती. औरंगाबाद, लातूर, बीड, जालना आदी जिल्ह्यांतही चुरशीने मतदान झाल्याने मतदानाचा टक्का वाढला. 

असे झाले मतदान 

  • राज्यात सर्वत्र शांततेत मतदान 
  • यवतमाळ, सिंधुदुर्गमध्ये ठिकाणी मतदान यंत्र बंद पडल्याच्या तक्रारी 
  • नक्षलग्रस्त गडचिरोलीत सुमारे ७० टक्के मतदान 
  • सकाळपासूनच मतदान केंद्रावर गर्दी 
  • मतदारांना केंद्रापर्यंत वाहनाची सोय 
  • कार्यकर्त्यांची मतदारांना आणण्यासाठी पळापळ 
  • काही गावात किरकोळ वादावादीचे प्रकार 
  • मतदार आणण्यासाठी पळापळ 

इतर ताज्या घडामोडी
पुणे जिल्ह्यात अवकाळीचा १०८ हेक्टरवरील...पुणे : पुणे जिल्ह्यात १८ आणि १९ फेब्रुवारीला खेड...
खानदेशात कांदा काढणी लवकरच सुरू होणार जळगाव : खानदेशात कांद्याची लागवड सुमारे १८ हजार...
सातबारा, आठ ‘अ’च्या अधिकारासह पंतप्रधान...नाशिक : केंद्र तसेच राज्य शासनाच्या विविध...
क्षारपड जमिनी सुधारण्यासाठी सातारा...सातारा : जिल्ह्यातील नदीकाठी क्षारपड जमिनी...
सर्वोच्च न्यायालयातील सुनावणीपूर्वी ...मुंबई : ‘‘मराठा आरक्षणाचा लढा हा आता अंतिम...
विठ्ठलराव शिंदे कारखान्याच्या...सोलापूर ः पिंपळनेर (ता. माढा) येथील विठ्ठलराव...
महावितरणचे राज्यात आता 'कृषी ऊर्जा...सोलापूर ः राज्य शासनाने कृषिपंप वीजजोडणी धोरण-...
...त्यानंतर वैधानिक मंडळे घोषित करू : ...मुंबई : ‘‘ज्या दिवशी राज्यपाल नियुक्त बारा...
मानोलीत रब्‍बी ज्‍वारीची पीक प्रात्‍...परभणी ः ‘‘आहारात ज्‍वारीच्‍या भाकरीस पोषणाच्‍या...
शेळ्या-मेंढ्यांना आधुनिक औषधोपचाराची...अकोला ः भारतातील बहुसंख्य अल्पभूधारक व भूमिहीन...
रानवाडी प्रकल्पाचा वनवास केव्हा संपणार?जलालखेडा, जि. नागपूर : नरखेड तालुक्यामधील पंचायत...
उन्हाळ्यासाठी चारवेळा मिळणार ‘इसापूर’चे...नांदेड : जिल्ह्याला वरदान ठरलेला ऊर्ध्व पैनगंगा...
भातगाव येथे आंबा, काजूची बाग होरपळलीगुहागर, जि. रत्नागिरी : तालुक्यातील भातगाव येथे...
‘रोहयो’तून डाळिंब लागवडीच्या...आटपाडी, जि. सांगली ः आटपाडी तालुक्‍यात तालुका...
ताकारी योजनेच्या दुसऱ्या वितरिकेची...देवराष्ट्रे, जि. सांगली ः ताकारी योजनेच्या...
नगरला शेवगा, वांग्यांचे दर टिकून;...नगर ः नगर येथील दादा पाटील शेळके कृषी...
शाश्वत शेतीसाठी रेशीम उद्योग उपयुक्त ः...जालना  : ‘‘मराठवाड्यातील शाश्वत शेतीसाठी...
औषधी वनस्पतींनी वाढवा प्रतिकारशक्तीभारत हा औषधी आणि सुगंधी वनस्पतींचे आगार आहे....
शेतकरी नियोजन : पशूपालनआम्ही अत्यंत प्रतिकूल परिस्थितीत दूध व्यवसाय...
आठवडी बाजार बंदचा भाजीपाला उत्पादकांना...जळगाव : खानदेशात कोरोनाचे संकट पुन्हा उभे राहत...