परभणीत वाटाण्याला २००० ते ३००० रुपये

परभणी : येथील पाथरी रस्त्यावरील फळे भाजीपाला मार्केटमध्ये शुक्रवारी (ता. १०) वाटण्याची १२५ क्विंटल आवक झाली. त्याला प्रतिक्विंटलला २००० ते ३००० रुपये दर मिळाले, अशी माहिती मार्केटमधील सूत्रांनी दिली.

पालेभाज्यांमध्ये मेथीच्या ४० हजार जुड्यांची आवक होऊन प्रतिशेकड्याला २०० ते २५० रुपये दर मिळाले. पालकाची २० क्विंटल आवक होऊन प्रतिक्विंटलला ५०० ते १००० रुपये दर मिळाले. शेपूची २० क्विंटल आवक झाली. दर प्रतिक्विंटलला ८०० ते १५०० रुपये  मिळाले. चुक्याची ६ क्विंटल आवक होऊन प्रतिक्विंटलला १२०० ते २००० रुपये दर मिळाले. कोथिंबिरीची ९० क्विंटल आवक झाली. प्रतिक्विंटलला ५०० ते १००० रुपये दर मिळाले. वेलवर्गीय भाज्यांमध्ये दोडक्याची ७ क्विंटल आवक होऊन प्रतिक्विंटलला ३५०० ते ५००० रुपये दर मिळाले.

कारल्याची १० क्विंटल आवक झाली. त्यांना प्रतिक्विंटलला २००० ते २५०० रुपये दर मिळाले. दुधी भोपळ्याची १५ क्विंटलला आवक होऊन प्रतिक्विंटलला ५०० ते १००० रुपये दर मिळाले. काकडीची ५० क्विंटल आवक झाली. दर ७०० ते १००० रुपये मिळाले. शेंगवर्गीय भाज्यांमध्ये गवारीची ५ क्विंटल आवक होऊन प्रतिक्विंटलला ४००० ते ६००० रुपये दर मिळाले.

चवळीची ५ क्विंटल आवक झाली. दर ३००० ते ४००० रुपये मिळाले. वालाची १० क्विंटल आवक झाली. दर २००० ते २५०० रुपये मिळाले. पातीच्या कांद्याची १० क्विंटल, तर दर १५०० ते २५०० रुपये दर मिळाले. वांग्यांची ४५ क्विंटल आवक होऊन प्रतिक्विंटलला १२०० ते २००० रुपये दर मिळाले. 

ढोबळ्या मिरचीला २००० ते २५०० रुपये

ढोबळ्या मिरचीची ८ क्विंटल आवक होऊन प्रतिक्विंटलला २००० ते २५०० रुपये दर मिळाले.फ्लॅावर ची ४० क्विंटल आवक होऊन प्रतिक्विंटलला १२०० ते २००० रुपये दर मिळाले. कोबीची ५० क्विंटल आवक होऊन प्रतिक्विंटलला १२०० ते २००० रुपये मिळाले. भेंडीची १२ क्विंटल आवक होऊन प्रतिक्विंटलला २५०० ते ३५०० रुपये दर मिळाले. लिंबांची २५ क्विंटल आवक होऊन प्रतिक्विंटल ४०० ते ८०० रुपये दर मिळाले. बीट रूटची ७ क्विंटल आवक होऊन प्रतिक्विंटलला १२०० ते २००० रुपये दर मिळाले. गाजराची ३०० क्विंटल आवक होऊन प्रतिक्विंटलला ७०० ते १५०० रुपये दर मिळाले.

ताज्या बाजार भावासाठी क्लिक करा