agriculture news in marathi pending fertilizer subsidy goes thirty three thousand crore | Agrowon

थकीत खत अनुदान ३३ हजार कोटींवर

वृत्तसेवा
मंगळवार, 10 डिसेंबर 2019

खत उत्पादन उद्योगाचे प्रतिनिधित्व करणाऱ्या फर्टिलायजर्स असोसिएशन ऑफ इंडिया (एफएआय)ने केंद्र सरकारकडून खत अनुदानाची रक्कम चुकती करण्यात उशीर होत असल्याबद्दल चिंता व्यक्त केली आहे. सध्या थकीत खत अनुदानाची रक्कम ३३ हजार ६९१ कोटी रुपये असून चालू आर्थिक वर्षाच्या अखेरीस ती ६० हजार कोटी रुपयांवर जाण्याची शक्यता आहे.

केंद्र सरकारने तातडीने ही थकीत अनुदानाची रक्कम खत उत्पादक कंपन्यांना अदा करावी, अशी मागणी ‘एफएआय’चे महासंचालक सतिश चंदर यांनी केली आहे. हे अनुदान थकल्यामुळे कंपन्यांकडील रोख तरलता कमी झाल्याने अडचणीची स्थिती उद्भवली असल्याचे त्यांनी सांगितले.

खत उत्पादन उद्योगाचे प्रतिनिधित्व करणाऱ्या फर्टिलायजर्स असोसिएशन ऑफ इंडिया (एफएआय)ने केंद्र सरकारकडून खत अनुदानाची रक्कम चुकती करण्यात उशीर होत असल्याबद्दल चिंता व्यक्त केली आहे. सध्या थकीत खत अनुदानाची रक्कम ३३ हजार ६९१ कोटी रुपये असून चालू आर्थिक वर्षाच्या अखेरीस ती ६० हजार कोटी रुपयांवर जाण्याची शक्यता आहे.

केंद्र सरकारने तातडीने ही थकीत अनुदानाची रक्कम खत उत्पादक कंपन्यांना अदा करावी, अशी मागणी ‘एफएआय’चे महासंचालक सतिश चंदर यांनी केली आहे. हे अनुदान थकल्यामुळे कंपन्यांकडील रोख तरलता कमी झाल्याने अडचणीची स्थिती उद्भवली असल्याचे त्यांनी सांगितले.

केंद्र सरकार युरियाची कमाल विक्री किंमत (एमआरपी) निश्चित करते आणि खत उत्पादकाला एमआरपी आणि प्रत्यक्षातील उत्पादनखर्च यातील फरकाची रक्कम अदा करते. तर बिगर युरिया खतांच्या बाबतीत केंद्र सरकार पोषणद्रव्य आधारित अनुदान देते. २५ खत उत्पादक कंपन्यांनी दिलेल्या माहितीनुसार १ नोव्हेंबर, २०१९ पर्यंत खत अनुदानाची थकीत रक्कम ३३ हजार ६९१ कोटी रुपये इतकी आहे. यातील २० हजार ८५३ कोटी रुपयांची रक्कम थेट लाभार्थी हस्तांतरण (डीबीटी) मधील आहे, तर उर्वरित १२ हजार ८३८ कोटी रुपये डीबीटी व्यतिरिक्त इतर योजनेतील आहे.

केंद्रीय खते व रसायने मंत्रालयाने पुरवणी मागण्यांच्या माध्यमातून अतिरिक्त निधीची व्यवस्था केली नाही तर मार्च पर्यंत थकीत अनुदानाची रक्कम ६० हजार कोटी रुपयांवर जाईल, असे चंदर यांनी सांगितले.

केंद्र सरकारने खत अनुदानासाठी सुमारे ८० हजार कोटी रुपयांची तरतूद केली आहे. त्यातील सुमारे ५६ हजार कोटी रुपये युरियासाठी तर उर्वरित २६ हजार कोटी रुपये पोषणद्रव्य आधारित अनुदानासाठी मंजूर करण्यात आले आहेत.
दरम्यान, विश्लेषकांनी दिलेल्या माहितीनुसार देशात गेल्या अनेक वर्षांपासून खत उत्पादक कंपन्यांऐवजी थेट शेतकऱ्यांना खत अनुदान देण्याचा प्रस्ताव चर्चेत आहे. परंतु, सरकारकडून खत अनुदान चुकते करण्यात विलंब होत असल्यामुळेच थेट शेतकऱ्यांना अनुदान देण्याचा प्रस्ताव स्वीकारला जात नसल्याचे त्यांनी सांगितले.


इतर अॅग्रोमनी
खाद्यतेल आयात शुल्क कमी कराः ग्राहक...नवी दिल्ली: देशांतर्गत वाढलेले खाद्यतेलाचे...
खाद्यतेल बाजारात सटोडियांकडून खोड्याचा...पुणे : खाद्यतेलासह तेलबिया वायदे बाजारात सध्या...
नव्या बेदाण्यास १७५ रुपये दर तासगाव, जि. सांगली ः तासगाव कृषी उत्पन्न बाजार...
कापड गिरण्या बाजारातून कापूस खरेदीस...मुंबई ः साउथ इंडियन मिल्स असोसिएशनने केंद्रीय...
देशात साखर उत्पादनात २६ टक्के घटनवी दिल्ली ः देशात १५ जानेवारीपर्यंत ४४० साखर...
साखर दराची दुहेरी पद्धत ठरवाकोल्हापूर : साखर उद्योगाला बळकटी आणण्यासाठी...
जालन्यात रेशीम कोषाला मिळाला ५०० रुपये...जालना : येथील बाजार समितीच्या आवारात रेशीम कोष...
तादंळाच्या आफ्रिकेतील बाजारपेठेवर चीनचा...नवी दिल्ली : तांदळाची आयात करणारा देशच आता...
खान्देशची केळी निर्यातीत आघाडीकेळीने जगात जळगावला मोठी ओळख दिली आहे. ही ओळख...
कोल्हापुरात गुळाच्या आवकेत तीस टक्क्‍...कोल्हापूर: येथील बाजार समितीत गेल्या हंगामाच्या...
हळद, कापसाच्या फ्युचर्स किमतीत वाढया सप्ताहात बहुतेक सर्वच पिकांच्या मागणीत वाढ...
खाद्यतेल आयात शुल्कात कपात करू नयेः एसईएनवी दिल्ली: आग्नेय आशियातील देशांबरोबर...
देशात आगाप रब्बी कांदा लागणीत १७...पुणे : डिसेंबरच्या पहिल्या आठवड्याअखेर प्रमुख...
उत्तम शेतीसोबत पूरक उद्योगातून वाढवले...लातूर जिल्ह्यातील भोईसमुद्रगा गावातील रावसाहेब...
अन्न सुरक्षेत कृषी अर्थशास्त्रज्ञांची...परभणी : शेतकऱ्यांचे उत्पन्न दुप्पट...
केंद्र सरकार कडधान्याचा पुरवठा करणार;...नवी दिल्ली: खरिप हंगामात कडधान्याचे उत्पादन...
कापूस, मक्याला वाढती मागणी या सप्ताहात सर्वच पिकांच्या मागणीत वाढ झाली,...
परभणी कृषी विद्यापीठात शनिवारपासून...परभणी : वसंतराव नाईक मराठवाडा कृषी विद्यापीठातील...
साखर निर्यात अनुदान सहा महिन्यांपासून...कोल्हापूर : साखर निर्यातीला प्रोत्साहन देण्यासाठी...
साखर उत्पादनात उत्तरप्रदेशच राहणार...कोल्हापूर : यंदाच्या गाळप हंगामात साखर उत्पादनात...