agriculture news in Marathi people migrated from flood area Maharashtra | Agrowon

सांगलीत नदीकाठच्या नागरिकांचे स्थलांतर 

टीम अॅग्रोवन
शनिवार, 24 जुलै 2021

चांदोली धरणक्षेत्रात अतिवृष्टी सुरू असल्याने धरणातून २२ हजार क्युसेकने पाणी सोडण्यात आले आहे. त्यातच कोयना धरणातूनही पाण्याचा विसर्ग सुरू आहे.

सांगली ः चांदोली धरणक्षेत्रात अतिवृष्टी सुरू असल्याने धरणातून २२ हजार क्युसेकने पाणी सोडण्यात आले आहे. त्यातच कोयना धरणातूनही पाण्याचा विसर्ग सुरू आहे. वारणा आणि कृष्णा नद्यांचे पाणी पात्राबाहेर आले असून नदीकाठच्या गावांत शिरले आहे. त्यामुळे २०१९ मध्ये आलेल्या महापुराची पुनरावृत्ती होते की काय, अशी भीती निर्माण झाली आहे. 

वाळवा तालुक्यासह मिरज तालुक्यात कृष्णा आणि वारणा नदीकाठच्या गावातील लोकांनी स्थलांतर करण्यास सुरुवात केली आहे. तर सांगली शहरातील कापडपेठ, शिवाजी मंडई, गणपतीपेठ या भागांतील दुकानातील साहित्याची बांधाबांध करून सुरक्षित ठिकाणी ठेवण्याची धांदल सुरू आहे. जिल्ह्यात एनडीआरएफचे एक पथक दाखल झाले असून, दुसरे पथक रात्रीपर्यंत येणार आहे. 

जिल्ह्यातील वाळवा, पलूस, कडेगाव, मिरज, शिराळा या तालुक्यांत संततधार पाऊस सुरू आहे. पावसामुळे शेतीला तळ्याचे स्वरूप आले आहे. खरीप हंगामातील पिके पाण्याखाली गेली असून, पिकांचे नुकसान होण्याची शक्यता वर्तवली जाते आहे. प्रशासनाने गुरुवारपासून पूरपट्ट्यातील गावांना पुराचा इशारा दिला होता. त्यामुळे काही प्रमाणात लोकांनी वाळवा तालुक्यात गुरुवारी (ता. २२) रात्रीपासून कुटुंबांनी स्थलांतर करण्यास सुरुवात केली असून, जनावरेदेखील सुरक्षित स्थळी घेऊन जाऊ लागले आहेत. सांगली शहरातील लोकांनी सकाळपासून स्थलांतर करण्यास सुरुवात केली आहे. 

कोयना आणि चांदोली धरणांतून पाण्याचा विसर्ग सुरू असल्याने कृष्णा व वारणा नदीच्या पाण्याच्या पातळीत झपाट्याने वाढ होते आहे. आयर्विन पुलाजवळ कृष्णेच्या नदीची पाणीपातळी दुपारी दोनपर्यंत ४३ फुटांपर्यंत पोहोचली आहे. पाण्याचा विसर्ग असाच राहिला, तर आयर्विन पुलाजवळ पाण्याची पातळी ५० ते ५२ फूट इतकी होईल. दरम्यान, पालकमंत्री तथा जलसंपदामंत्री अलमट्टी धरण प्रशासनाशी संपर्क करून विसर्ग वाढण्याबाबत समन्वय करत असल्याचे प्रशासनाने सांगितले आहे. तसेच नागरिकांनी अफवांवर विश्‍वास ठेवू नये, असेही सांगण्यात येत आहे. 

बाजारात शिरले पाणी
सांगली शहरातील गणपतीपेठ, कापडपेठ, मारुती रोड या परिसरांत विविध दुकाने आहेत. २०१९ मध्ये या दुकानांचे मोठे नुकसान झाले होते. त्यामुळे मोठा आर्थिक फटका बसला होता. यंदाही पूरपरिस्थिती निर्माम झाली आहे. त्यामुळे दुकान मालकांनी दुकानातील साहित्य भरण्याचे काम सकाळपासून सुरू केले आहे. रस्त्यावर वाहतूक करणारे ट्रक, टेम्पोमध्ये साहित्य भरून सुरक्षित स्थळी ठेवण्यासाठी धांदल सुरू आहे. रस्त्यावर हमाल, दुकानमालक यांची साहित्य भरण्यासाठी गर्दी झाली आहे. 


इतर अॅग्रो विशेष
देशभरात सोयाबीन ५५०० ते ७३००च्या दरम्यानपुणे : सध्या बाजारात येणाऱ्या सोयाबीनपैकी ज्या...
राज्यात पावसाचा जोर वाढणारपुणे : काहीशा विश्रांतीनंतर राज्यात पावसाला...
द्राक्ष बागायतदार संघाचे आजपासून ६१ वे...नाशिक : महाराष्ट्र राज्य द्राक्ष बागायतदार संघाचे...
मूग, सोयाबीन पिकाला कोंब फुटण्याची...पुणे : राज्यात काही दिवसांच्या विश्रांतीनंतर...
साखरनिर्यातीचे १८०० कोटींचे अनुदान मंजूरकोल्हापूर : केंद्राने २०२०-२१ या हंगामात निर्यात...
सामाजिक, मानसिक स्वास्थ्यासाठी...पुणे ः ‘‘बदलत्या परिस्थितीत सामाजिक आणि मानसिक...
द्राक्ष पिकातील कलम वर्षभर यशस्वी...महाराष्ट्रात द्राक्ष, आंबा व अन्य फळपिकांचे कलम...
दोन आठवडे अगोदरच खरीप कांदा बाजारातनाशिक : जिल्ह्यातील चांदवड,देवळा, मालेगाव, येवला...
‘व्हीएसआय’च्या जालना केंद्रासाठी ३० कोटीपुणे ः विदर्भ, मराठवाड्याला मार्गदर्शक ठरणाऱ्या...
पेरणी ते काढणी- जपला यांत्रिकीकरणाचा वसागरज ही शोधाचा जननी असते. त्यातूनच निंभोरा बोडखा (...
जोरदार वारे, मेघगर्जना, विजांसह पावसाचा...पुणे : राज्यात पुढील दोन दिवस जोरदार वारे,...
पुण्यात साकारतेय देशी गाय संशोधन आणि...पुणे ः देशी गायींच्या संवर्धनातून त्यांची...
विमा कंपन्यांना आठ हंगामांत १२ हजार...पुणे ः देशातील खासगी विमा कंपन्यांनी गेल्या आठ...
द्राक्ष हंगामात नियोजन आणि बाजारपेठेचे...अधिक परतावा देणारी पिके म्हणजे जोखीमही मोठी असते...
मागणीमुळे हरभरा दर हमीभावाच्या वर टिकूनपुणे : गेल्या आठवडाभरात हरभऱ्याला चांगली मागणी...
महुद ग्रामस्थांची एकजूट कौतुकास्पद :...सोलापूर ः वसुंधरा आणि पृथ्वीच्या रक्षणासाठी...
उच्चशिक्षित दांपत्याची पोल्‍ट्रीत...वाशीम जिल्हयात मुठ्ठा या छोट्या गावात नीलेश व...
भरीताच्या वांग्यासह केळी अन कांद्याची...नशिराबाद (ता.. जि.. जळगाव) येथील लालचंद व यशवंत...
मध केंद्र योजनेंतर्गत साहित्य  स्वरूपात...नाशिक : महाराष्ट्र राज्य खादी व ग्रामोद्योग...
ठिबक अनुदान वाटपाच्या  प्रक्रियेवर...पुणे : प्रधानमंत्री कृषी सिंचन योजनेतून अनुदान...