agriculture news in marathi People rushes in Solapur APMCs for vegetables | Page 2 ||| Agrowon

सोलापुरात बाजार समितीत भाजीपाला खरेदीसाठी झुंबड

टीम अॅग्रोवन
बुधवार, 25 मार्च 2020

मंगळवारी (ता.24) सोलापुरात संचारबंदी असूनही ग्राहकांनी मात्र खरेदीसाठी एकच गर्दी केल्याने संचारबंदीची ऐशीतैशी झाल्याचे जाणवले. 

सोलापूर ः कोरोना विषाणूच्या पार्श्वभूमीवर राज्यभर संचारबंदी लागू करण्यात आली आहे. पण अत्यावश्यक सेवेमुळे भाजीपाला खरेदी-विक्रीला सूट देण्यात आली आहे. तरीही अनेक शेतकऱ्यांनी बाजार समितीत येण्याचे टाळत वाहनाद्वारे थेट व्यापाऱ्यांकडे परस्पर भाजीपाला विक्रीसाठी पाठवला. पण मंगळवारी (ता.24) सोलापुरात संचारबंदी असूनही ग्राहकांनी मात्र खरेदीसाठी एकच गर्दी केल्याने संचारबंदीची ऐशीतैशी झाल्याचे जाणवले. 

कोरोनाच्या संकटाचे ढग आणखीनच गडद होत आहेत. राज्याच्या विविध भागातून रोज नवी माहिती आणि आकडे समोर येत आहे. त्यामुळे गांभीर्य बाळगले जावे, अशी अपेक्षा असताना लोक सरसकट बाहेर पडत असल्याचे चित्र अन्य जिल्ह्यांप्रमाणे सोलापूर जिल्ह्यातही आहे. पण पोलिसांनी मंगळवारी अनेक भागात, प्रमुख चौकात, नाक्यावर कडक कारवाई करत उत्साही लोकांना आवरले. त्यामुळे सकाळी बेशिस्त असणारे चित्र दुपारी काहीसे शिस्तीत दिसले. दरम्यान, पुणे, मुंबईत भाजीपाला बाजार बंदची स्थिती असताना, सोलापुरात बाजार समितीने व्यवहार सुरू ठेवले. त्यामुळे पहाटेपासूनच आवारात भाजीपाल्याच्या वाहनांची आवक सुरू होती.

पण त्यात शेतकऱ्यांची संख्या अगदीच मोजकी होती. त्या तुलनेत ग्राहकांची, खरेदीदारांची झुंबड सर्वाधिक होती. त्यामुळे संचारबंदी असूनही रोजच्या व्यवहारासारखी परिस्थिती बाजारात पाहायला मिळाली. बाजार समितीच्या आवारातील सर्वच चौक ओव्हरफ्लो झाले होते. सकाळी सहा वाजलेपासून अकरा वाजेपर्यंत आवारातील सर्वच सेलहॅाल गर्दीने ओसंडून वाहत होते. पोलिसही त्यांना आवरू शकत नव्हते. त्यामुळे संचारबंदीची ऐशीतैशी झाल्याचे चित्र पाहायला मिळाले. 

किरकोळ बाजारात तेजी
बाजारात मंगळवारी विशेषतः कोथिंबीर, मेथी या भाज्यासह हिरवी मिरची, वांगी, टोमॅटो, बटाटा, फ्लॅावर, कोबी, या फळभाज्यांना सर्वाधिक उठाव राहिला. रोजच्या किंमतीपेक्षाही आज 15 ते 20 टक्क्यांनी त्यांचे दरही वाढले. पण बाहेर किरकोळ बाजारात मात्र हेच दर दीडपट ते दुपटीने लावले जात होते.


इतर ताज्या घडामोडी
कळमना बाजार समितीत व्यवहार ठप्पनागपूर  ः कळमना बाजार समितीत धान्य...
नियंत्रण आंबा फळगळीचेसद्यःस्थितीमध्ये राज्यातील बहुतांश भागामध्ये...
बागेमध्येच उपलब्ध मण्यांपासून बेदाणे...तीन वर्षापूर्वी राष्ट्रीय द्राक्ष संशोधन...
नगरला भाजी खरेदीसाठी पुन्हा लोकांची...नगर ः भाजी खरेदीसाठी लोक गर्दी करीत असल्यामुळे...
घनसावंगी तालुक्यात गारपीटीचा पुन्हा...घनसावंगी, जि.जालना : कोरोना संसर्गामुळे बंदने...
अकोला : शेतमालाची नोंदणी कृषी विभागाकडे...अकोला  ः ‘कोरोना’मुळे सर्वत्र संचारबंदी लागू...
पंढरपूर भागात ऐन बहरातील शेवग्याला कोयताकरकंब, जि. सोलापूर ः ‘कोरोना’मुळे सर्वच...
हिंगोलीत वाहन परवान्यासाठी स्वतंत्र कक्षहिंगोली ः राज्यात कोरोना विषाणूचा प्रसार होऊ नये...
नगर : काही ठिकाणी 'खासगी'कडून दूध...नगर  ः कोरोना विषाणू संसर्गाच्या...
सोलापुरात `फोन करा अन किराणा माल,...सोलापूर : कोरोना विषाणूचा संसर्ग होऊ नये, यासाठी...
अकोल्यात भाजीपाला विक्रीसाठी...अकोला ः गेल्या काही दिवसांपासून ‘कोरोना’...
विदर्भ, मराठवाड्यातील शेतकऱ्यांना...मुंबई : राष्ट्रीय अन्नसुरक्षा अधिनियम २०१३...
परभणी शासकीय दुग्धशाळेत दूध संकलनात वाढपरभणी ः ‘कोरोना’ विषाणू संसर्गाच्या पार्श्वभूमीवर...
जळगावातून उत्तर भारताकरिता केळीची...जळगाव  ः जिल्ह्यातून केळीची उत्तर भारतासह...
कऱ्हाडमध्ये मिळतोय घरपोच भाजीपाला  कऱ्हाड, जि.सातारा  :  कऱ्हाड शहरातील...
जीवनावश्यक वस्तूंचा पुरवठा सुरळीत ठेवा...सोलापूर : ‘कोरोना’ विषाणूंच्या प्रार्दुभावाला...
सोलापूरात ‘कोरोना’बाबत माहितीसाठी...सोलापूर : ‘कोरोना’ विषाणूच्या प्रतिबंधासाठी...
सोशल मीडियाच्या मदतीने ढोबळी मिरचीची...जळगाव ः कोरोना विषाणूच्या संकटामुळे परराज्यातील...
खुद्द पंतप्रधानांनी साधला नायडू...पुणे : ‘‘तुम्ही स्वतःची नीट काळजी घेत आहात ना,...
निफाडमध्ये पावसाच्या तडाख्यात...नाशिक : चालू वर्षी निसर्गाच्या लहरीपणामुळे...