येत्या निवडणुकीत जनता पुन्हा आम्हाला पसंती देईल ः मुख्यमंत्री फडणवीस

येत्या निवडणुकीत जनता पुन्हा आम्हाला पसंती देईल ः मुख्यमंत्री फडणवीस
येत्या निवडणुकीत जनता पुन्हा आम्हाला पसंती देईल ः मुख्यमंत्री फडणवीस

कोल्हापूर ः सरकारने केलेल्या कामाचा लेखाजोखा घेऊन महाजनादेश यात्रेच्या निमित्ताने लोकांच्या समोर जात आहे. येणाऱ्या निवडणुकीत जनता पुन्हा आम्हाला पसंती देईल, असा विश्‍वास मुख्यमंत्री देवेंद्र फडणवीस यांनी येथे व्यक्त केला. विधानसभेच्या तोंडावर भाजपच्या वतीने मुख्यमंत्री फडणवीस यांच्या नेतृत्त्वाखाली निघालेल्या महाजनादेश यात्रेचे मंगळवारी (ता. १७) शहरात जल्लोषात स्वागत करण्यात आले. त्या वेळी ते बोलत होते. सकाळी अकरा वाजता या यात्रेला ताराराणी चौकातील हॉटेल पंचशीलच्या दारातून सुरवात झाली. शहराच्या प्रमुख मार्गावरून ही यात्रा कळंबामार्गे राधानगरी तालुक्‍यात रवाना झाली. या महाजनादेशच्या तिसऱ्या टप्प्याला सुरवात झाली. सोमवारी रात्री इचलकरंजीहून श्री. फडणवीस यांच्या नेतृत्त्वाखाली निघालेल्या यात्रेचे ताराराणी चौकात आगमन झाले. त्यानंतर मंगळवारी सकाळी श्री. फडणवीस हे विमानाने औरंगाबादला गेले. तेथून साडेदहाच्या सुमारास त्यांचे पुन्हा कोल्हापुरातील हॉटेल पंचशील येथे आगमन झाले. अकराच्या सुमारास ढोल, ताशांचा गजर आणि कार्यकर्त्यांकडून होणारा जयघोष अशा वातावरणात हवेत भगवे-हिरवे फुगे सोडून या यात्रेची सुरवात कोल्हापुरात झाली. या वेळी मुख्यमंत्र्यांसोबत रथात पालकमंत्री व महसूलमंत्री चंद्रकांत पाटील, आमदार अमल महाडिक, पश्‍चिम महाराष्ट्र देवस्थान समितीचे अध्यक्ष महेश जाधव, माजी खासदार धनंजय महाडिक उपस्थित होते. रस्त्याच्या दुतर्फा उभारलेल्या नागरीकांनी या यात्रेचे स्वागत केले. या नागरिकांना श्री. फडणवीस यांनी अभिवादन केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com