agriculture news in Marathi permission for cotton seed sell from 1st June Maharashtra | Agrowon

कापूस बियाणे विक्री एक जूनपासून 

टीम अॅग्रोवन
बुधवार, 5 मे 2021

राज्यात कापूस बियाणे विक्रीवर यंदा देखील निर्बंध लागू करण्यात आले आहेत. बियाणे उत्पादक कंपन्या १० मेपासून वितरकांना पुरवठा करतील.

पुणे ः राज्यात कापूस बियाणे विक्रीवर यंदा देखील निर्बंध लागू करण्यात आले आहेत. बियाणे उत्पादक कंपन्या १० मेपासून वितरकांना पुरवठा करतील. मात्र बोंड अळीचा धोका विचारात घेता शेतकऱ्यांना बियाण्यांची प्रत्यक्ष विक्री एक जूनपासून सुरू होईल. 

राज्यात गेल्या खरीप हंगामात २१ मेपूर्वी कापूस बियाणे विक्री करण्यास निर्बंध घालण्यात आले होते. मात्र तत्कालीन कृषी आयुक्त सुहास दिवसे यांनी निर्बंध अचानक शिथिल केले व एक मेपासून बियाणे विक्रीला मान्यता दिली होती. गेल्या हंगामाच्या तुलनेत यंदा मात्र बियाणे विक्री एक महिना उशिरा चालू होणार आहे. 

महाराष्ट्र कापूस बियाणे (पुरवठा वितरण विक्री व विक्रीच्या किमतीचे निश्‍चितीकरण यांचे विनियमन) कायदा २००९ मधील तरतुदींचा आधार घेत कृषी विभागाने या तारखा निश्‍चित केल्या आहेत. मात्र या तारखांचे उल्लंघन झाल्यास कंपनी, वितरक, किरकोळ विक्रेत्यांना कारवाईला सामोरे जावे लागेल, असे आदेशात स्पष्ट करण्यात आले आहे. 

राज्यात २०१७ मध्ये गुलाबी बोंड अळीची मोठी साथ आली होती. बियाणे लवकर उपलब्ध झाल्यास त्याची लागवड देखील लवकर होते. त्यामुळे पुढे लागवडीचे वेळापत्रक थेट बोंड अळीच्या जीवनचक्राला पोषक ठरते. त्यामुळेच २०१८, २०१९ आणि २०२० या तीनही हंगामांत राज्यात अभियान हाती घेण्यात आले होते. यंदा देखील बोंड अळीसाठी प्रतिबंधात्मक उपाय करावे लागतील, असे कृषी विभागाचे म्हणणे आहे. 

कंपन्यांकडून १० मेपासून वितरकांना पुरवठा 
कपाशी बियाणे उत्पादक कंपन्या १० मेपासून वितरकांना पुरवठा करण्यास सुरुवात करतील. वितरकांना १५मे पूर्वी कोणत्याही किरकोळ विक्रेत्याला या बियाण्यांचा पुरवठा करता येणार नाही. तसेच, पूर्वहंगामी कपाशी लागवड टाळण्यासाठी किरकोळ विक्रेत्यांना एक जूनपूर्वी शेतकऱ्यांना बियाणे विकता येणार नाही, असे आदेश कृषी विभागाने जारी केले आहेत. 

प्रतिक्रिया
राज्यात कपाशीचे बियाणे मुबलक आहे. मात्र गुलाबी बोंड अळीचा प्रादुर्भाव रोखण्यासाठी उपाययोजना कराव्या लागतात. त्यामुळेच बियाणे विक्री एक जूनपूर्वी न करण्याचे आदेश देण्यात आले आहेत. 
- दिलीप झेंडे, कृषी संचालक (निविष्ठा व गुणनियंत्रण विभाग) 


इतर अॅग्रो विशेष
७२ तासांची सक्ती नको ः आयुक्तपुणे ः विमा कंपन्यांनी कामकाजात तातडीने सुधारणा...
पीकविमा योजनेच्या मूळ उद्देशालाच हरताळपुणे ः पंतप्रधान पीकविमा योजनेच्या माध्यमातून...
अखेर ‘इफ्को टोकियो’ विरोधात गुन्हा दाखलअमरावती : राज्य शासनाने केलेल्या करारानुसार इफ्को...
पळवाटांमुळे पीकविमा भरपाई दुरापास्तशेतकऱ्यांकडून पीकविम्याचा हप्ता भरतेवेळी...
विमा कंपन्यांबाबत सरकारची बोटचेपी भूमिकापीकविमा योजनेमुळे शेतकऱ्यांऐवजी पीकविमा कंपन्याच...
मराठवाड्यात एक लाख हेक्टरवर पीकनुकसानऔरंगाबाद : मराठवाड्यातील आठपैकी सहा जिल्ह्यांत...
पावसाची उसंत, सावरण्याची धडपड सुरु पुणे : पावसासाठी पोषक वातावरण नसल्याने पावसाचा...
विमा कंपन्यांचा राज्यभर सावळागोंधळ पुणे ः पंतप्रधान पीकविमा योजनेतील खासगी विमा...
कोकणात मुसळधारेची शक्यता पुणे : कोकणसह संपूर्ण राज्यात पावसाचा जोर कमी...
सोयाबीनने गाठला दहा हजारांचा ऐतिहासिक...अकोला/लातूर ः गेले काही महिने सोयाबीनला चांगला दर...
विदर्भात कृषी अधिकाऱ्यांनीच घेतले विमा...नागपूर ः जिल्हास्तरावर आमचे कार्यालय आहे, हे...
मराठवाड्यात पीकविम्याबाबत शेतकऱ्यांसमोर...औरंगाबाद : पीकविमा उतरविण्याची सोय त्यासाठी जागर...
खानदेशात पीकविमा कंपनीचे कार्यालयच नाही जळगाव : खानदेशात पंतप्रधान पीकविमा योजनेंतर्गत...
केव्हीकेने दाखवली ‘वीडर’ची पॉवर, छोट्या...मजूरटंचाई व वाढलेले मजूरदर लक्षात घेऊन ममुराबाद (...
दिशा कार्यक्षम पूर व्यवस्थापनाची!महाराष्ट्र देशी सध्या अतिवृष्टी आणि ...
लातूरला सोयाबीन ९१४१ रुपये !लातूर ः येथील लातूर उच्चत्तम कृषी उत्पन्न  ...
कोकण, मध्य महाराष्ट्रात मुसळधार पावसाचा...पुणे : बंगालच्या उपसागराच्या उत्तर भागात चक्रिय...
पीक विम्यात चुकीचे प्रकार खपवून घेणार ...नाशिक: पीकविमा कंपन्यांकडून पाच पाच जिल्ह्यांसाठी...
केंद्राच्या काळ्या कायद्यांची आम्हाला...नवी दिल्ली ः कायद्याच्या प्रक्रियेतून न आलेल्या...
धरण क्षेत्रात पावसाची हजेरी पुणे : तीन दिवसांपासून राज्यातील धरणक्षेत्रात...