agriculture news in Marathi, permission of that fodder camp cancel, Maharashtra | Agrowon

‘त्या’ चारा छावणीची मान्यता रद्द
सकाळ वृत्तसेवा
रविवार, 12 मे 2019

बीड : शेतकऱ्यांचा खोटा पुळका दाखवत सुरवातीला जनावरांसाठी चारा छावण्या सुरू करा, अशा आरोळ्या ठोकणाऱ्या काही छावणीचालकांनी जनावरांचे खोटे आकडे टाकून आणि चाऱ्याला काट मारून सुरवातीला खाबूगिरी केली. ही खाबूगिरी पचल्यानंतर आता थेट दंडाधिकारीय अधिकार असलेल्या अधिकाऱ्यांसोबत दादागिरी करण्यापर्यंत या मंडळींची मजल गेली आहे. कोल्हारवाडी (ता. बीड) येथील मत्स्यगंधा संस्थेमार्फत चालविल्या जाणाऱ्या चारा छावणीची मान्यता रद्द करून जिल्हाधिकाऱ्यांनी छावणीचालकांच्या खाबूगिरीला लगाम घातला आहे. मात्र दादागिरीचे काय, असा प्रश्न आहे.

बीड : शेतकऱ्यांचा खोटा पुळका दाखवत सुरवातीला जनावरांसाठी चारा छावण्या सुरू करा, अशा आरोळ्या ठोकणाऱ्या काही छावणीचालकांनी जनावरांचे खोटे आकडे टाकून आणि चाऱ्याला काट मारून सुरवातीला खाबूगिरी केली. ही खाबूगिरी पचल्यानंतर आता थेट दंडाधिकारीय अधिकार असलेल्या अधिकाऱ्यांसोबत दादागिरी करण्यापर्यंत या मंडळींची मजल गेली आहे. कोल्हारवाडी (ता. बीड) येथील मत्स्यगंधा संस्थेमार्फत चालविल्या जाणाऱ्या चारा छावणीची मान्यता रद्द करून जिल्हाधिकाऱ्यांनी छावणीचालकांच्या खाबूगिरीला लगाम घातला आहे. मात्र दादागिरीचे काय, असा प्रश्न आहे.

गुरुवारी (ता. नऊ) कोल्हारवाडी (ता. बीड) येथील चारा छावणी तपासणीसाठी गेलेल्या उपविभागीय अधिकारी शोभा जाधव यांना रोखण्याचे धाडस आणि अडथळा आणण्यासाठी थेट विद्युत खंडित करण्याच्या प्रकाराने प्रशासनासमोरही मोठे आव्हान निर्माण झाले आहे. 

सामान्यांनी एखाद्या कंत्राटी कर्मचाऱ्यांसोबत हुज्जत घातली, तरी त्याच्यावर शासकीय कामात अडथळ्याचा गुन्हा नोंद होतो. या ठिकाणी तर दंडाधिकारीय अधिकार असलेल्या उपविभागीय अधिकाऱ्यांना रोखण्यापर्यंत मजल मारली गेली. एवढेच नाही, तर तपासणीसाठी वरिष्ठ पोलिस अधिकारी आणि पोलिस फौजफाटा तैनात करण्याची वेळ आली, तरीही प्रशासन यावर ठोस कारवाई का करत नाही, असा प्रश्न निर्माण होत आहे. विशेष म्हणजे, छावणीचालक संघटनेनेही अशा प्रकारांना पाठीशी घातले जाणार नसून, बोगसगिरी आणि दादागिरीवर कारवाईची मागणी केली आहे.

सुरुवातीला शासनाने दावणीला चारा देण्याचा मानस व्यक्त करताच शेतकऱ्यांचे तथाकथित तारणहार पुढे आले आणि छावण्यांतूनच चारा देण्याची मागणी करू लागले. शेतकऱ्यांच्या जनावरांपेक्षा दुष्काळातून मलिदा खाण्यासाठीच ही तळमळ होती हे आता लपून नाही. सध्या जिल्ह्यात आठशेंवर चारा छावण्यांना मंजुरी असून, सहाशेंवर चारा छावण्यांत चार लाखांवर जनावरे आहेत. मात्र, यातील खरे जनावरे किती आणि कागदी किती, हा संशोधनाचा विषय आहे. 

दरम्यान, छावण्यांत चारा देण्याच्या निकषालाही फाटा देण्यात येत आहे. याबाबतच्या तक्रारीवरून खुद्द जिल्हाधिकारी अस्तिक कुमार पांडेय आणि मुख्य कार्यकारी अधिकारी अमोल येडगे यांनी चारा छावण्यांना दिलेल्या भेटीतही हा प्रकार त्यांच्या लक्षात आला. त्यामुळे गुरुवारी जिल्हाधिकाऱ्यांच्या आदेशाने पाच उपविभागीय अधिकाऱ्यांना बीड आणि आष्टी तालुक्यातील चारा छावण्यांच्या तपासणीचे आदेश देण्यात आले. 

उपविभागीय अधिकारी शोभा जाधव कोल्हारवाडीच्या चारा छावणीत पोचल्यानंतर त्यांना तपासणीपासून तब्बल तासभर रोखले. छावणी तपासणी होऊन काळंबेरं उघड होऊ नये म्हणून विद्युत पुरवठाही खंडित करण्यात आला. छावणीचालकाच्या या मुजोरीनंतर पोलिस बंदोबस्त बोलावून छावणीची तपासणी झाली. तसेच, विद्युत पुरवठा खंडित असल्याने अधिकाऱ्यांना बॅटरीच्या प्रकाशात तपासणी करावी लागली. प्रशासनाने पोलिस बंदोबस्त आणि बॅटरीचा प्रकाश वापरला असला, तरी या मुजोरीचे काय, असा प्रश्न निर्माण झाला आहे. चारा छावणीतील जनावरांतील तफावतीमुळे या छावणीची मान्यता शुक्रवारी रद्द करण्यात आली. आता प्रशासन या मंडळींची दादागिरी कशी रोखते, याकडे लक्ष लागले आहे.

बोगसगिरी, दादागिरीचे समर्थन नाही
शेतकऱ्यांच्या जनावरांना नियमानुसार चारा व पाणी भेटले पाहिजे. आमच्याही मागण्या मान्य झाल्या पाहिजेत, अशी आमची भूमिका आहे. तपासणीसाठी आलेल्या अधिकाऱ्यांना सहकार्य व्हावे. बोगसगिरी आणि दादागिरीचे छावणीचालक संघटना समर्थन करणार नाही, अशी भूमिका अध्यक्ष अशोक हिंगे यांनी मांडली.
 

इतर अॅग्रो विशेष
सरकारला एवढी कसली घाई?विविध मंत्रालयांसाठी अर्थसंकल्पात केल्या जाणाऱ्या...
एक पाऊल पोषणक्रांतीच्या दिशेनेशे तकऱ्यांचे कष्ट, शास्त्रज्ञांचे प्रयत्न आणि...
आधुनिक तंत्रासह काटेकोर धोरणाने अमेरिकन...पुणेः विविध जागतिक संस्थांनी एकत्र येऊन आफ्रिकी,...
मक्याच्या तुटवड्यामुळे अंडी आणि चिकन...पुणे : दक्षिण भारतासह महाराष्ट्र व मध्य प्रदेशात...
लष्करी अळीमुळे राज्यभरातील शेतकरी त्रस्तपुणेः गेल्या वर्षी भीषण दुष्काळाचा सामना करणाऱ्या...
लष्करी अळी नियंत्रणाचे जागतिक प्रयत्नपुणे : स्पोडोप्टेरा फ्रुगीपर्डा म्हणजेच...
मक्यावरील अमेरिकन लष्करी अळीचे आव्हान...पुणे ः गेल्या हंगामातील दुष्काळाच्या चटक्यानंतर...
राज्यात सर्वदूर पावसाचा अंदाजपुणे : मॉन्सून पुन्हा सक्रिय झाल्याने राज्यात...
शेतकरी कंपन्या स्थापन करण्यासाठी करारपुणे ः नाबार्डच्या कंपनी विकास फंडातून...
कर्नाटकात गुऱ्हाळघरातून थेट व्यापार...सांगली ः कर्नाटकमध्ये हमाली आणि अडत कमी असल्याने...
पीकविम्याचे ३२५ कोटी कंपन्यांना वितरितमुंबई ः गेल्यावर्षीच्या खरिपातील पीकविमा योजनेचा...
ग्रामविकासावर खर्च झालेल्या निधीची...मुंबई: आपल्या ग्रामपंचायतीला गावातील...
दुष्काळातही कडवंचीत शेतीतून ७२ कोटींचे...जालना : ‘महाराष्ट्राचे इस्राईल’ म्हणून नावलौकिक...
राज्यात सहामाहित तेराशे शेतकऱ्यांची...मुंबई ः सततची दुष्काळी स्थिती, नैसर्गिक संकटे,...
कोकण, मध्य महाराष्ट्र, मराठवाड्यात...पुणे : मॉन्सून पुन्हा सक्रीय झाल्याने...
परीक्षा शुल्क परतीचा खर्च सात लाख रुपयेयवतमाळ ः परीक्षा रद्द झाल्यानंतर उमेदवारांचे पैसे...
दुबार पेरणीसाठी सरकारची तयारीः डाॅ....पुणे: पावसाचा काही प्रमाणात खंड पडला आहे....
डोणगावात होणार खजूर लागवडअकोला ः पारंपरिक पिकांना पर्याय शोधण्यासाठी...
रक्तक्षय दूर करण्यासाठी लोहयुक्त तांदूळनाशिक : दैनंदिन आहारातून अत्यल्प प्रमाणात लोह...
असंमत बियाणे लागवडीला बोंडअळी कारणीभूत...नवी दिल्ली : देशात २०१८ मध्ये गुलाबी...