agriculture news in Marathi permission for maize procurement Maharashtra | Agrowon

मका खरेदीला मंजुरी

टीम अॅग्रोवन
शुक्रवार, 11 जून 2021

गेल्या अनेक दिवसांपासून होत असलेली मका खरेदीची मागणी मान्य झाली असून, राज्यात आधारभूत किंमत खरेदी योजनेअंतर्गत मका खरेदीस सुरुवात करण्याचे आदेश देण्यात आले आहेत.

बुलडाणा ः गेल्या अनेक दिवसांपासून होत असलेली मका खरेदीची मागणी मान्य झाली असून, राज्यात आधारभूत किंमत खरेदी योजनेअंतर्गत मका खरेदीस सुरुवात करण्याचे आदेश देण्यात आले आहेत. यंत्रणांना ही खरेदी ३० जूनपर्यंत संपवावी लागणार आहे. जिल्ह्यात ६० हजार क्विंटलचे उद्दिष्ट देण्यात आलेले असून १४ केंद्रांवरून ही खरेदी प्रक्रिया राबविण्यास मंजुरीही देण्यात आल्याचे समजते. 

गेल्या अनेक दिवसांपासून मका खरेदी सुरू करण्याची मागणी केली जात होती. राज्यात मका विक्रीसाठी हजारो शेतकऱ्यांनी ऑनलाइन नोंदणी करून ठेवलेली आहे. बुलडाणा जिल्ह्यात आठ हजारांवर शेतकऱ्यांनी अर्ज केलेला आहे. परंतु आजवर खरेदीचे आदेश नसल्याने अडचणी येत होत्या. त्यातच बाजारात मक्याचा दर अवघा ११०० ते १४०० पर्यंत होता. वास्तविक हा दर १८५० या आधारभूत किमतीपेक्षा बराच कमी होता. हंगाम तोंडावर आल्याने पैशांची जुळवाजुळव करण्यासाठी शेतकऱ्यांना मका विक्रीची लगबग लागलेली होती. त्यामुळे तातडीने मका खरेदी सुरू करण्याची मागणी केली जात होती. 

आता भारतीय अन्न महामंडळ या नोडल एजन्सीद्वारे ही खरेदी प्रक्रिया राबविण्यास ३० जूनपर्यंत मुदत देण्यात आली आहे. राज्यात केंद्र शासनाची ‘नोडल एजन्सी’ म्हणून भारतीय अन्न महामंडळ काम पाहणार असून, प्रत्यक्ष खरेदी प्रक्रिया बिगर आदिवासी क्षेत्रात ‘महाराष्ट्र स्टेट को-ऑप.मार्केटिंग फेडरेशन मुंबई’ व आदिवासी क्षेत्रात ‘आदिवासी विकास महामंडळ नाशिक’ या संस्थांमार्फत करण्यात येणार आहे. 

जिल्ह्याला ६० हजार 
क्विंटलचे उद्दिष्ट 
या हंगामात उत्पादित झालेला ६० हजार क्विंटल मका आधारभूत किमतीने खरेदी केला जाणार आहे. जिल्हा मार्केटिंग फेडरेशनच्या माध्यमातून तालुकास्तरावर १४ केंद्रांवर ही खरेदी प्रक्रिया राबवली जाईल. या खरेदीस पालकमंत्र्यांच्या अध्यक्षतेखाली असलेल्या समन्वय समितीने मंजुरी दिली आहे. खरेदीचे आदेशही प्रशासनाने काढले आहेत. जिल्ह्यात सुमारे ८४०० शेतकऱ्यांनी नोंदणी केलेली आहे. या शेतकऱ्यांचा ६० हजार क्विंटल मका शासनाकडून घेतल्या जाईल. 

--------------- 
प्रतिक्रिया 
मका खरेदीचे आदेश आलेले असून जिल्हास्तरावरूनही पालकमंत्री डॉ. राजेंद्र शिंगणे, जिल्हाधिकारी एस. रामामूर्ती यांच्याकडून खरेदीबाबत सूचना देण्यात आल्या. त्यानुसार १४ केंद्रावर ही खरेदी तातडीने सुरू केली जात आहे. नोंदणी केलेल्या शेतकऱ्यांचा मका १८५० रुपये एवढ्या हमीदराने खरेदी केला जाईल. 
- पी. एस. शिंगणे, जिल्हा मार्केटिंग अधिकारी, बुलडाणा 


इतर बातम्या
फळपीक विमा योजनेत त्रुटी, गोंधळसोलापूर ः पुनर्रचित हवामान आधारित फळपीक विमा...
पूर्व विदर्भात मुसळधार शक्य पुणे : कोकण ते केरळ दरम्यान असलेले कमी दाबाचे...
पूर्वहंगामी द्राक्षाचे विमा कवच चारपट...नाशिक : गेल्या काही वर्षांत नैसर्गिक आपत्तीमुळे...
‘एचटीबीटी’ बियाण्याची पाळेमुळे...पुणे ः देशात अवैध तणनाशक सहनशील ‘एचटीबीटी’ कापूस...
डाळिंब विमा अर्जासाठी १४ जुलैपर्यंत...सांगली : पंतप्रधान पीकविमा योजनेअंतर्गत पुनर्रचित...
उसासाठी यंदाची ‘एफआरपी’ जाहीर कराकोल्हापूर : यंदाच्या गळीत हंगामातील उसाची एफआरपी...
कांदा व्यापाऱ्याकडून शेतकऱ्याला मारहाण नाशिक : जिल्ह्यातील बाजार समित्यांमध्ये कांद्याची...
शेतीला आधुनिक तंत्रज्ञानाची जोड  ...नाशिक : राज्यात खरीप हंगामास सुरुवात झाली असून,...
अमरावती जिल्हा परिषदेची सभा...अमरावती : पीकविमा भरपाई, समृद्धी महामार्गाच्या...
संत्रा आयात शुल्क कपातीसाठी प्रयत्न करा...नागपूर : विदर्भाचे मुख्य फळपीक असलेल्या...
दूधदरप्रश्‍नी वैजापूर बाजार समितीच्या...औरंगाबाद : दूध उत्पादकांच्या मागण्याच्या...
खेडमध्ये बटाटा लागवडीस वेगचास, जि. पुणे : खेड तालुक्यात बटाटा लागवडीस...
स्थानिक काजूची आवक आजरा तालुक्यात...आजरा, जि. कोल्हापूर : आजरा बाजारपेठेत स्थानिक...
लाभार्थी शेतकऱ्यांचे अनुदान तातडीने अदा...बुलडाणा : शासन शेतकऱ्यांचा जीवनस्तर उंचविण्यासाठी...
पुणे बाजार समितीची ‘प्रादेशिक’ अधिसूचना...पुणे : पुणे बाजार समितीची निवडणूक टाळून सत्ता एका...
कांद्याची २५ दिवसांत विक्रमी अकरा लाख...नाशिक : जिल्ह्यातील कृषी उत्पन्न बाजार...
खानदेशात युरियाप्रश्नी प्रशासनाची धावपळजळगाव :  खानदेशात खरिपाला सुरवात होत असतानाच...
‘डीएससी’त अडथळे  आणल्यास कारवाई करापुणे ः राज्यातील सरपंच व ग्रामसेवकांचे संगणकीय...
खानदेशात बाजार समित्यांचे कामकाज पूर्ववतजळगाव :  खानदेशात बाजार समित्यांचे कामकाज...
विधिमंडळाचे पावसाळी अधिवेशन ५, ६ जुलै... मुंबई : कोरोना संकटाची सध्याची स्थिती पाहता आणि...