agriculture news in Marathi permission for rahuri university soybean variety Maharashtra | Page 2 ||| Agrowon

राहुरी कृषी विद्यापीठाचा सोयाबीन वाण प्रसारित 

टीम अॅग्रोवन
गुरुवार, 25 मार्च 2021

राहुरीच्या महात्मा फुले कृषी विद्यापीठांतर्गत असलेल्या कसबे डिग्रज (जि. सांगली) येथील कृषी संशोधन केंद्राने विकसित केलेले ‘केडीएस-९९२’ हा सोयाबीन वाण राष्ट्रीय पातळीवर प्रसारित करण्यात आला आहे.

नगर ः राहुरीच्या महात्मा फुले कृषी विद्यापीठांतर्गत असलेल्या कसबे डिग्रज (जि. सांगली) येथील कृषी संशोधन केंद्राने विकसित केलेले ‘केडीएस-९९२’ हा सोयाबीन वाण राष्ट्रीय पातळीवर प्रसारित करण्यात आला आहे. दक्षिण भारतातील महाराष्ट्र, कर्नाटक, तमिळनाडू, तेलंगणा व आंध्र प्रदेश या पाच राज्यांत या वाणाच्या लागवडीसाठी शिफारस करण्यात आली आहे. 

राज्यात बहुतांश जिल्ह्यांत सोयाबीनचे उत्पादन घेतले जाते. त्या अनुषंगाने उत्पादनात वाढ व्हावी यासाठी महात्मा फुले कृषी विद्यापीठांतर्गत असलेल्या कसबे डिग्रज येथील कृषी संशोधन केंद्राने सोयाबीन वानावर संशोधन करून ‘केडीएस-९९२’ हा वाण विकसित केला आहे. आतापर्यंत राज्यात १५ पेक्षा जास्त वाण आहेत. कृषी संशोधन केंद्राचे संशोधक व सोयाबीन पैदासकार डॉ. मिलिंद देशमुख यांच्यासह सहकाऱ्यांनी साधारण आठ ते दहा वर्षे संशोधन करून ‘केडीएस-९९२’ हा वाण सोयाबीन वाण विकसित केला आहे. 

केंद्रीय सोयाबीन वाण ओळख व प्रसार समितीची बैठक नुकतीच इंदोर येथे भारतीय कृषी संशोधन परिषदेचे उपमहासंचालक डॉ. टी. आर. शर्मा यांच्या अध्यक्षतेखाली झालेल्या बैठकीला सोयाबीन संशोधन संस्था, इंदोरच्या संचालक डॉ. नीता खांडेकर, भारतीय कृषी संशोधन परिषदेचे सहाय्यक संचालक डॉ. संजीव गुप्ता व इतर मान्यवर सदस्य या वेळी उपस्थित होते. 

महात्मा फुले कृषी विद्यापीठाचे कुलगुरू डॉ. प्रशांतकुमार पाटील, संशोधन तथा विस्तार शिक्षण संचालक डॉ. शरद गडाख आणि अधिष्ठाता डॉ. अशोक फरांदे यांनी कसबे डिग्रज कृषी संशोधन केंद्राचे प्रभारी अधिकारी डॉ. दिलीप कटमाळे, सोयाबीन पैदासकार डॉ. मिलिंद देशमुख आणि त्यांच्या सर्व सहकाऱ्यांचे स्वागत केले आहे. 

प्रसारित वाणाचे वैशिष्ट्य 

  • ‘केडीएस-९९२’ या सोयाबीन वाणाची उत्पादकता ६ क्विंटल अधिक आहे. 
  • हा वाण दक्षिण भारतात पाने खाणार्या अळीसाठी काही प्रमाणात सहनशील, तर तांबेरा रोगास कसबे डिग्रज येथे मध्यम प्रतिकारक्षम असल्याचे संशोधनातून स्पष्ट झाले आहे. 
  • या वाणाचे दाणे मोठ्या आकाराचे असून, १०० ते १०५ दिवसांत हा वाण पक्व होतो. 
  • बदलत्या वातावरणावर काही अंशी मात करणारा हा वाण आहे. 
  • मल्टी पल्पर सीड (दाण्यावरील ठिपके) या रोगालाही काही प्रमाणात हा वाण प्रतिकार,करतो. 

प्रतिक्रिया
देशात व राज्यात सोयाबीनचे उत्पादन मोठ्या प्रमाणात घेतले जाते. उत्पादन वाढ आणि बदलत्या वातावरणावर मात करण्याच्या दृष्टीने ‘केडीएस-९९२’ हा सोयाबीन वान विकसित केला आहे. आठ ते दहा वर्षे त्यावर संशोधन केले. पाच राज्यात लागवडीसाठी शिफारस झाली आहे. 
- डॉ. मिलिंद देशमुख, सोयाबीन पैदासकार, कसबे डिग्रज, जि. सांगली 


इतर अॅग्रो विशेष
हिंमत, परिश्रमातून पूर्णाबाईंनी साधली...शिरेगाव (जि. नगर) येथील अल्पभूधारक पूर्णाबाई होन...
मानवनिर्मित आपत्ती!राज्यात बेफामपणे कोसळणाऱ्या पावसाने सगळीकडे एकच...
दोन लाख हेक्टरवरील पिकांचे नुकसानपुणे : राज्यातील बहुतांश भागांत पावसाने उघडीप...
मका पिकात अमेरिकन लष्करी अळीचा...शिरपूर, जि. धुळे : जिल्ह्यात अनेक भागांत मका...
कोकणात पावसाची शक्यता पुणे : बंगालचा उपसागरात तयार झालेल्या कमी दाब...
कोल्हापुरात नद्यांचे पाणी ओसरण्याऐवजी...कोल्हापूर : सलग दुसऱ्या दिवशी पावसाने विश्रांती...
शेतकरी संसदेत आज ‘महिला राज’ नवी दिल्ली ः मोदी सरकारचे तीन कृषी कायदे रद्द...
आंदोलनादरम्यान एकही शेतकरी मृत्यूची...नवी दिल्ली ः केंद्राच्या कृषी कायद्यांविरोधात...
थेट कृषिमंत्र्यांचीच केली दिशाभूल; ‘...अमरावती : विमा कंपनीच्या प्रतिनिधीने खोटी माहिती...
सर्वंकष आढावा घेऊन नुकसान भरपाई जाहीर...रत्नागिरी : ‘‘तुम्हाला पायावर उभे करण्यासाठी...
बहुपीक पद्धतीतून साधले नफ्याचे सूत्रकोल्हापूर जिल्ह्यातील शेंडूर (ता. कागल) येथील...
पावसाची उघडीप; पूरस्थिती कायम पुणे : कोकण, सातारा, कोल्हापूर, सांगली, पुण्यासह...
सांगलीत चौदा हजार जनावरांचे स्थलांतरसांगली : जिल्ह्यात अतिवृष्टीमुळे पूर पट्यातील...
कोसळलेला प्रसंग मोठा; तुमचं पुनर्वसन...मुंबई ः तुमच्यावर कोसळलेला प्रसंग मोठा आहे....
पावसाचा जोर पंधरा दिवस कमी राहण्याची...पुणे : मुसळधार पावसाने रत्नागिरी, रायगडसह,...
नऊ जिल्हे अतिवृष्टिबाधित मुंबई ः कोकण आणि पश्‍चिम महाराष्‍ट्रातील ९ जिल्हे...
वाशीम जिल्ह्यात ६९९ कोटींचे पीककर्ज वाटपवाशीम : जिल्ह्यात या खरीप हंगामासाठी शेतकऱ्यांना...
कोल्हापुरात पुराची भीती कायम कोल्हापूर : पावसाने शनिवारी (ता.२४) दुपारपर्यंत...
उपलोकायुक्त, सचिव, आयुक्तांनी सांगूनही...पुणे ः जलयुक्त शिवार अभियानावर खर्च दाखवलेल्या...
शेतीला मिळाली दुग्ध प्रक्रियेची जोडघोटावडे (ता. मुळशी, जि. पुणे) प्रियांका जालिंदर...