agriculture news in Marathi, permission for vice director office in Aurangabad , Maharashtra | Agrowon

औरंगाबाद रेशीम उपसंचालक कार्यालयाला अखेर मान्यता

टीम अॅग्रोवन
शनिवार, 21 सप्टेंबर 2019

​रेशीम कोषाला अनुदान, मराठवाड्यात उपसंचालक कार्यालय देण्याच्या आश्वासनाची पूर्ती झाली. आर्थिक उन्नतीची प्रचंड क्षमता असलेल्या रेशीम उद्योगाकडे जास्त पाणी लागणारा ऊस उत्पादक शेतकरी वळेल अशी आशा आहे. विविध विषय, शेतकऱ्यांच्या अडचणी तातडीने मार्गी लावण्यास कार्यालयाची मदत होईल.
- अर्जुन खोतकर, वस्त्रोद्योग राज्यमंत्री 

औरंगाबाद : मराठवाड्याची राजधानी औरंगाबाद येथे नागपूर येथील मुख्यालयातील उपसंचालक (तुती) हे पद औरंगाबाद येथील प्रादेशिक रेशीम कार्यालयात स्थलांतरित करण्याला शासनाने मान्यता दिली आहे. बुधवारी (ता. १८) या संबंधीचा शासन आदेश निर्गमित झाला आहे. वस्त्रोद्योग राज्यमंत्री अर्जुन खोतकर यांनी जालना येथे झालेल्या रेशीम दिन कार्यक्रमात याविषयीची घोषणा केली होती. 

औरंगाबाद विभागातील आठही जिल्ह्यांत रेशीम उद्योगाला मिळणारा प्रतिसाद मोठा आहे. राज्यात एकूण १९७८३ एकरवर तुतीचे क्षेत्र आहे. त्यापैकी औरंगाबाद विभागातील आठ जिल्ह्यात ११३७३ एकर क्षेत्र आहे. हे क्षेत्र राज्याच्या एकूण क्षेत्राच्या निम्म्याहून अधिक आहे. त्या अनुषंगाने या विभागात रेशीम उद्योगासाठी पायाभूत सुविधा लक्षात घेता औरंगाबाद येथील प्रादेशिक रेशीम कार्यालयाचे मजबुतीकरण करून या विभागात उपसंचालक पदावरील प्रादेशिक अधिकारी नियुक्‍त करण्याची बाब शासनाच्या विचाराधीन होती. ज्या भागात रेशीम उद्योगाखालील क्षेत्र कमी आहे. अशा भागातील रेशीम कर्मचारी हे ज्या भागात क्षेत्र जास्त आहे, त्या क्षेत्रात स्थलांतरित करून प्रशासकीय कामकाज पार पाडणे व्यावहारिक असल्याची बाब शासन निर्णयासाठी विचारात घेण्यात आली. 

औरंगाबाद विभागात उपसंचालक स्वतंत्र रेशीम कार्यालय सुरू करण्याबाबतच्या प्रस्तावावर संचालक (रेशीम) यांनी ३० ऑगस्ट २०१९ च्या पत्राद्वारे त्यांचा अभिप्राय सादर केला होता. औरंगाबाद विभागात स्वतंत्र रेशीम कार्यालय सुरू करण्यासाठी राजपत्रित, अराजपत्रित मिळून १२ पदे नव्याने निर्माण करण्याचा प्रस्ताव रेशीम संचालनालयाने सादर केला होता. शिवाय वस्त्रोद्योग धोरणांतर्गत राज्यात वस्त्रोद्योग आयुक्तालयांतर्गत रेशीम संचालनालयाचा समावेश करून त्यासाठीचा एकत्रित आकृतिबंध तयार करण्याची बाब स्वतंत्रपणे विचाराधीन असल्याचे शासन आदेशात नमूद आहे.

नागपूर येथील रेशीम संचालनालयातील उपसंचालक (तुती) हे पद औरंगाबाद येथील प्रादेशिक रेशीम कार्यालयात स्थलांतरित करण्यास शासनाने मान्यता दिली. शिवाय सहायक संचालक प्रादेशिक रेशीम कार्यालय औरंगाबाद हे पद रेशीम संचालनालय नागपूर येथे स्थलांतरित करण्यात यावे, सोबतच या पदाला यापुढे सहायक संचालक (तुती) असे ओळखण्याचेही शासन आदेशात नमूद आहे. 

या शासन निर्णयामुळे  मराठवाड्यात सहायक संचालक (रेशीम) या पदावर उत्तम कामगिरी केलेले दिलीप हाके पुन्हा उपसंचालक (तुती)या पदावर रुजू होण्यास सांगण्यात आले असून, औरंगाबादच्या सहायक संचालकपदी नियुक्‍ती मिळालेले एम. बी. ढवळे यांना नागपूर येथे रुजू होण्याचेही शासन निर्णयात स्पष्ट करण्यात आले आहे. औरंगाबाद सहायक संचालक कार्यालयात कार्यरत अधिकारी व कर्मचारी यापुढे उपसंचालक औरंगाबाद यांच्या अधिनस्त कार्यरत राहतील. तर रेशीम संचालनालयातील रेशीम उपसंचालक (तुती) यांच्या अधिनस्त सर्व कर्मचारी यापुढे सहायक संचालक (तुती) यांच्या अधिनस्त काम पाहतील असे शासन आदेशात नमूद करण्यात आले आहे. 

प्रतिक्रिया

तातडीने निर्णय घेतला याचा आनंद आहे. यामुळे तुतीचा क्षेत्रविस्तार व शेतकऱ्यांच्या योजना, प्रकल्प जलदगतीने मार्गी लागण्यास मदत होईल. 
- विजय अण्णा बोराडे, विश्वस्त मराठवाडा शेती साह्य मंडळ. 

शेतकऱ्यांसाठीच्या योजनांना गती मिळून अंडीपुंज निर्मिती केंद्र, स्टोरेज, शेतकरी प्रशिक्षण केंद्र, रेशीम हब आदी भविष्यातील योजनांविषयीची काम गतीने होतील. 
- दीपक बुनगे, रेशीम कोष उत्पादक, रामगव्हाण, जि. जालना.
 


इतर अॅग्रो विशेष
७२ तासांची सक्ती नको ः आयुक्तपुणे ः विमा कंपन्यांनी कामकाजात तातडीने सुधारणा...
पीकविमा योजनेच्या मूळ उद्देशालाच हरताळपुणे ः पंतप्रधान पीकविमा योजनेच्या माध्यमातून...
अखेर ‘इफ्को टोकियो’ विरोधात गुन्हा दाखलअमरावती : राज्य शासनाने केलेल्या करारानुसार इफ्को...
पळवाटांमुळे पीकविमा भरपाई दुरापास्तशेतकऱ्यांकडून पीकविम्याचा हप्ता भरतेवेळी...
विमा कंपन्यांबाबत सरकारची बोटचेपी भूमिकापीकविमा योजनेमुळे शेतकऱ्यांऐवजी पीकविमा कंपन्याच...
मराठवाड्यात एक लाख हेक्टरवर पीकनुकसानऔरंगाबाद : मराठवाड्यातील आठपैकी सहा जिल्ह्यांत...
पावसाची उसंत, सावरण्याची धडपड सुरु पुणे : पावसासाठी पोषक वातावरण नसल्याने पावसाचा...
विमा कंपन्यांचा राज्यभर सावळागोंधळ पुणे ः पंतप्रधान पीकविमा योजनेतील खासगी विमा...
कोकणात मुसळधारेची शक्यता पुणे : कोकणसह संपूर्ण राज्यात पावसाचा जोर कमी...
सोयाबीनने गाठला दहा हजारांचा ऐतिहासिक...अकोला/लातूर ः गेले काही महिने सोयाबीनला चांगला दर...
विदर्भात कृषी अधिकाऱ्यांनीच घेतले विमा...नागपूर ः जिल्हास्तरावर आमचे कार्यालय आहे, हे...
मराठवाड्यात पीकविम्याबाबत शेतकऱ्यांसमोर...औरंगाबाद : पीकविमा उतरविण्याची सोय त्यासाठी जागर...
खानदेशात पीकविमा कंपनीचे कार्यालयच नाही जळगाव : खानदेशात पंतप्रधान पीकविमा योजनेंतर्गत...
केव्हीकेने दाखवली ‘वीडर’ची पॉवर, छोट्या...मजूरटंचाई व वाढलेले मजूरदर लक्षात घेऊन ममुराबाद (...
दिशा कार्यक्षम पूर व्यवस्थापनाची!महाराष्ट्र देशी सध्या अतिवृष्टी आणि ...
लातूरला सोयाबीन ९१४१ रुपये !लातूर ः येथील लातूर उच्चत्तम कृषी उत्पन्न  ...
कोकण, मध्य महाराष्ट्रात मुसळधार पावसाचा...पुणे : बंगालच्या उपसागराच्या उत्तर भागात चक्रिय...
पीक विम्यात चुकीचे प्रकार खपवून घेणार ...नाशिक: पीकविमा कंपन्यांकडून पाच पाच जिल्ह्यांसाठी...
केंद्राच्या काळ्या कायद्यांची आम्हाला...नवी दिल्ली ः कायद्याच्या प्रक्रियेतून न आलेल्या...
धरण क्षेत्रात पावसाची हजेरी पुणे : तीन दिवसांपासून राज्यातील धरणक्षेत्रात...