agriculture news in Marathi, person who ditch trader caught in Delhi, Maharashtra | Agrowon

नाशिकच्या कांदा व्यापाऱ्याला फसविणाऱ्यास दिल्लीतून अटक
टीम अॅग्रोवन
शुक्रवार, 11 ऑक्टोबर 2019

नाशिक : लाखलगाव येथील कांदा व्यापाऱ्यास दोन कोटी रुपयांना गंडा घालणाऱ्यास दिल्लीतून अटक केली आहे. अली हुसैन मोहंमद हुसेन ( रा. दरियागंज, दिल्ली) असे संशयिताचे नाव असून गुन्हे शाखेच्या युनिट एकच्या पथकाने त्यास अटक केली आहे. या प्रकरणी गेल्या ऑगस्ट महिन्यात आडगाव पोलिसात फसवणुकीचा गुन्हा दाखल आहे. 

नाशिक : लाखलगाव येथील कांदा व्यापाऱ्यास दोन कोटी रुपयांना गंडा घालणाऱ्यास दिल्लीतून अटक केली आहे. अली हुसैन मोहंमद हुसेन ( रा. दरियागंज, दिल्ली) असे संशयिताचे नाव असून गुन्हे शाखेच्या युनिट एकच्या पथकाने त्यास अटक केली आहे. या प्रकरणी गेल्या ऑगस्ट महिन्यात आडगाव पोलिसात फसवणुकीचा गुन्हा दाखल आहे. 

मुनाफ अब्दुल रहेमान सौदागर (रा. लाखलगाव, ता.जि. नाशिक) यांच्या फिर्यादीनुसार, ते कांद्याचे व्यापारी आहेत. संशयित अली हुसैन याने सईद के. वारसी असे खोटे नाव सांगून, दिल्लीतील के. एस. व्हेजिटेबल ॲण्ड फुड गुडगाव या कंपनीचा व्यवस्थापक असल्याचे कांदा व्यापारी मुनाफ सौदागर यांना सांगितले होते. त्यानंतर त्याने त्यांच्याकडून कांदा खरेदी केला.

सुरवातीला त्याने रोख व्यवहार करीत कांदा व्यापाऱ्याचा विश्‍वास संपादन केला. त्यानंतर त्याच विश्‍वासाने संशयिताने १९ डिसेंबर २०१८ ते ४ एप्रिल २०१९ यादरम्यान ४२ ट्रक व ३५ कंटेनरमधून २ कोटी ५० लाख ६१ हजार ७७८ रुपयांचा कांदा खरेदी केला. हा कांदा श्री. सौदागर यांनी संशयितावर विश्‍वास ठेवून जैद ओनियन एजन्सी, ओखला मंडी दिल्ली, राज ओनियन एजन्सी, सियालदा पश्‍चिम बंगाल या ठिकाणी पाठविला. त्याबदल्यात संशयिताने फक्त ५० लाख रुपये श्री. सौदागर यांना दिले. उर्वरित दोन कोटी रुपयांची रक्कम संशयिताने दिली नाही. त्यानंतर त्याचा संपर्कही होत नव्हता.
 
अखेरिस फसवणूक झाल्याचे लक्षात येताच गेल्या २६ ऑगस्ट रोजी आडगाव पोलिसात याप्रकरणी गुन्हा दाखल करण्यात आला होता. आडगाव पोलिसात दाखल गुन्ह्याचा तपास गुन्हेशाखेच्या युनिट एककडून सुरू असताना, कांदा व्यापाऱ्यास गंडा घालणारा संशयित दिल्लीत असल्याची खबर मिळाली होती. पोलिस निरीक्षक आनंदा वाघ, सहाय्यक निरीक्षक महेश कुलकर्णी यांच्या मार्गदर्शनाखाली उपनिरीक्षक बलराम पालकर, हवालदार संजय मुळक, संतोष कोरडे, सचिन अजबे यांचे पथक शनिवार (ता.५) दिल्लीकडे रवाना झाले. रविवार (ता. ६) दुपारी सव्वा वाजता संशयित अली हुसैन यास अटक केली.

दिल्लीतील तीस हजारी न्यायालयात हजर करून नाशिकमध्ये आणले आहे. संशयिताच्या चौकशीतून आणखीही व्यापाऱ्यांच्या फसवणूक केल्याचे प्रकार उघडकीस येण्याची शक्‍यता आहे.

इतर अॅग्रो विशेष
महाबळेश्वरात स्ट्रॉबेरी लागवडीस वेगसातारा  ः जिल्ह्यातील महाबळेश्वर, जावळी, वाई...
संत्र्याच्या आंबिया बहराला गळती; भाव...अकोला : संत्र्याच्या आंबिया बहाराला गळती...
तुरळक ठिकाणी पावसाची शक्यतापुणे ः परतीचा मॉन्सून देशातून परतल्यानंतर...
दुधाचे थकीत अनुदान देण्याच्या हालचालीपुणे: राज्यातील डेअरी उद्योगांचे अडकलेले...
अमरावती विभागात सोयाबीन उत्पादकता घटलीअमरावती  ः गेल्या काही वर्षांत कापसाला...
‘महाॲग्री ते महाॲग्रीटेक’ एक स्वप्नरंजन राज्यात शेतकऱ्यांची सर्व कामे ऑनलाईन होतील असे एक...
शेण पावडरपासून कलात्मक वस्तूंची...सुमारे ३८ देशी गायींचे संगोपन करीत नागपूर येथील...
शेततळ्यातील पाण्यावर फुलले शेडनेटमधील...पावसाचे कायम दुर्भिक्ष, त्यामुळे शेती अर्थकारणाला...
राज्यात गाजर ११०० ते ८००० रुपये...जळगावात ११०० ते १८०० रुपये दर जळगाव कृषी...
ऋतुचक्र बदलया वर्षीचा मॉन्सून अनेक बाबींनी वैशिष्ट्यपूर्ण...
प्रतिष्ठेचं वलय होतंय द्राक्ष...द्राक्ष शेतीने राष्ट्रीय आणि आंतरराष्ट्रीय...
उडीद, मूग, सोयाबीन ऑनलाइन नोंदणीला...औरंगाबाद: हमीदराने उडीद, मूग, सोयाबीन...
सांगली जिल्ह्यात डाळिंबावर रसशोषक...सांगली : मृग हंगाम धरलेल्या बहाराच्या डाळिंबाच्या...
कडधान्य आयातीला मुदतवाढीचा प्रस्तावनवी दिल्लीः देशात यंदा खरिप काडधान्य पिकांची...
राज्यात हलक्या पावसाचा अंदाजपुणे: वाढलेल्या उन्हामुळे राज्यात चटका वाढला आहे...
परतीचा मॉन्सून आठ दिवसात माघारीपुणे : नैर्ऋत्य मोसमी वाऱ्यांनी (मॉन्सून)...
आदर्श वनसंवर्धनातून ग्रामविकास साधलेले...वनसंपत्तीचे संवर्धन, वनविकासासह शेतीतही दिशादर्शक...
येतो मी... मॉन्सूनने घेतला देशाचा निरोप...पुणे : नैर्ऋत्य मोसमी वाऱ्यांनी (मॉन्सून) बुधवारी...
शेतकऱ्यांच्याच कपाळावर पुन्हा ‘मिऱ्या’दिनांक ३ जुलै २०१९ रोजी केरळचे खासदार डीन...
आश्वासनांचा पाऊसराज्यात विधानसभा निवडणुकीचा प्रचार आता अंतिम...