agriculture news in marathi, pink ballworm Increased worry of farmers | Agrowon

बोंडअळीच्या प्रादुर्भावाने वाढली शेतकऱ्यांची चिंता
टीम अॅग्रोवन
सोमवार, 20 नोव्हेंबर 2017

अमरावती (प्रतिनिधी) ः अमरावती विभागातील अनेक जिल्ह्यांत कपाशीवरील बोंडअळीने डोके वर काढल्याने शेतकऱ्यांसमोरील अडचणीत वाढ झाली आहे. यवतमाळच्या तुलनेत इतर जिल्ह्यांमध्ये प्रादुर्भाव कमी असला तरी कृषी विभागाकडून याची कोणतीच दखल घेतली जात नसल्याचा शेतकऱ्यांचा आरोप आहे.

अमरावती (प्रतिनिधी) ः अमरावती विभागातील अनेक जिल्ह्यांत कपाशीवरील बोंडअळीने डोके वर काढल्याने शेतकऱ्यांसमोरील अडचणीत वाढ झाली आहे. यवतमाळच्या तुलनेत इतर जिल्ह्यांमध्ये प्रादुर्भाव कमी असला तरी कृषी विभागाकडून याची कोणतीच दखल घेतली जात नसल्याचा शेतकऱ्यांचा आरोप आहे.

अमरावती जिल्ह्यात पाच हजार हेक्‍टरपेक्षा अधिक क्षेत्रावरील कपाशीवर बोंडअळीचा प्रादुर्भाव झाला आहे. त्यासोबतच अकोला जिल्ह्यातील बार्शीटाकळी, अकोट, तेल्हारा, पातूर या भागांतदेखील बोंडअळीचा प्रादुर्भाव वाढता असल्याचे शेतकरी सांगत आहेत. बार्शीटाकळी तालुक्‍यात सिंचनाची सुविधा असलेल्या महान परिसरातील अनेक गावांमध्ये बोंडअळीचा प्रादुर्भाव वाढल्याने अनेक शेतकऱ्यांनी कपाशी पिकावर नांगर फिरविला.

निंभारा येथील दादाराव नानोटे (पाटील) यांनी टप्प्याटप्प्याने आपली कपाशी काढण्यावर भर दिला. यापूर्वी प्रादुर्भावग्रस्त कपाशीची बोंडे घरच्या बैलाने खाल्ल्याने त्याची प्रकृती बिघडल्याचे निरीक्षण त्यांनी नोंदविले. परंतु जनावरांना कापून ठेवलेली कपाशीची झाडे व त्यावरील बोंड खाण्याचा मोह सुटत नसल्याचेही ते म्हणाले. सुमारे पाच एकरांवर त्यांची कपाशीची लागवड असून, हे संपूर्ण क्षेत्र बोंडअळीने पोखरल्याने उत्पादकता खर्चाची भरपाईदेखील शक्‍य नसल्याचे ते सांगतात.

गावातील इतर शेतकऱ्यांच्या शिवारातदेखील बोंडअळीने शिरकाव केल्याने शेतकऱ्यांमध्ये अस्वस्थता निर्माण झाली आहे. अकोला जिल्ह्यातदेखील सहा ते सात हजार हेक्‍टर क्षेत्र प्रादुर्भावग्रस्त असल्याचा दावा केला जात आहे. गणपत नानोटे, बाळू नानोटे व इतर शेतकऱ्यांनीदेखील बोंडअळीमुळे नुकसान झाल्याचे सांगितले. अमरावती, अकोला, वाशीम, बुलडाणा, यवतमाळ जिल्ह्यात बोंडअळीचा प्रादुर्भाव वाढत असल्याने प्रशासनाकडून या संदर्भाने सर्वेक्षण व्हावे, अशी अपेक्षा शेतकरी व्यक्‍त करीत आहेत.

 

इतर अॅग्रो विशेष
शेळीपालन ते दुग्ध प्रक्रिया ः महिलांनी...नाशिक जिल्ह्यातील सिन्नर हा अवर्षणप्रवणग्रस्त...
सरकारला एवढी कसली घाई?विविध मंत्रालयांसाठी अर्थसंकल्पात केल्या जाणाऱ्या...
एक पाऊल पोषणक्रांतीच्या दिशेनेशे तकऱ्यांचे कष्ट, शास्त्रज्ञांचे प्रयत्न आणि...
आधुनिक तंत्रासह काटेकोर धोरणाने अमेरिकन...पुणेः विविध जागतिक संस्थांनी एकत्र येऊन आफ्रिकी,...
मक्याच्या तुटवड्यामुळे अंडी आणि चिकन...पुणे : दक्षिण भारतासह महाराष्ट्र व मध्य प्रदेशात...
लष्करी अळीमुळे राज्यभरातील शेतकरी त्रस्तपुणेः गेल्या वर्षी भीषण दुष्काळाचा सामना करणाऱ्या...
लष्करी अळी नियंत्रणाचे जागतिक प्रयत्नपुणे : स्पोडोप्टेरा फ्रुगीपर्डा म्हणजेच...
मक्यावरील अमेरिकन लष्करी अळीचे आव्हान...पुणे ः गेल्या हंगामातील दुष्काळाच्या चटक्यानंतर...
राज्यात सर्वदूर पावसाचा अंदाजपुणे : मॉन्सून पुन्हा सक्रिय झाल्याने राज्यात...
शेतकरी कंपन्या स्थापन करण्यासाठी करारपुणे ः नाबार्डच्या कंपनी विकास फंडातून...
कर्नाटकात गुऱ्हाळघरातून थेट व्यापार...सांगली ः कर्नाटकमध्ये हमाली आणि अडत कमी असल्याने...
पीकविम्याचे ३२५ कोटी कंपन्यांना वितरितमुंबई ः गेल्यावर्षीच्या खरिपातील पीकविमा योजनेचा...
ग्रामविकासावर खर्च झालेल्या निधीची...मुंबई: आपल्या ग्रामपंचायतीला गावातील...
दुष्काळातही कडवंचीत शेतीतून ७२ कोटींचे...जालना : ‘महाराष्ट्राचे इस्राईल’ म्हणून नावलौकिक...
राज्यात सहामाहित तेराशे शेतकऱ्यांची...मुंबई ः सततची दुष्काळी स्थिती, नैसर्गिक संकटे,...
कोकण, मध्य महाराष्ट्र, मराठवाड्यात...पुणे : मॉन्सून पुन्हा सक्रीय झाल्याने...
परीक्षा शुल्क परतीचा खर्च सात लाख रुपयेयवतमाळ ः परीक्षा रद्द झाल्यानंतर उमेदवारांचे पैसे...
दुबार पेरणीसाठी सरकारची तयारीः डाॅ....पुणे: पावसाचा काही प्रमाणात खंड पडला आहे....
डोणगावात होणार खजूर लागवडअकोला ः पारंपरिक पिकांना पर्याय शोधण्यासाठी...
रक्तक्षय दूर करण्यासाठी लोहयुक्त तांदूळनाशिक : दैनंदिन आहारातून अत्यल्प प्रमाणात लोह...