Agriculture news in marathi, Plan for irrigation of Rs 21 crore 50 lacs is approved in Nanded | Page 2 ||| Agrowon

नांदेड जिल्ह्यात कृषी सिंचनाचा २१ कोटी ५० लाखांचा आराखडा मंजूर

टीम अॅग्रोवन
मंगळवार, 10 सप्टेंबर 2019

नांदेड : पंतप्रधान कृषी सिंचन योजनेअंतर्गत जिल्ह्याचा यंदाचा २१ कोटी ५० हजार रुपये तरतुदीच्या आराखडा मंजूर करण्यात आला. या योजनेअंतर्गत गतवर्षी (२०१८-१९) जिल्ह्यातील ६ हजार ६५९ शेतकऱ्यांना ठिबक आणि तुषार संचासाठी १४ कोटी ३६ लाख रुपये अनुदान वितरित आले आहे. 

नांदेड : पंतप्रधान कृषी सिंचन योजनेअंतर्गत जिल्ह्याचा यंदाचा २१ कोटी ५० हजार रुपये तरतुदीच्या आराखडा मंजूर करण्यात आला. या योजनेअंतर्गत गतवर्षी (२०१८-१९) जिल्ह्यातील ६ हजार ६५९ शेतकऱ्यांना ठिबक आणि तुषार संचासाठी १४ कोटी ३६ लाख रुपये अनुदान वितरित आले आहे. 

जिल्हाधिकारी कार्यालयामध्ये शनिवारी (ता. ७) कृषी विभागाच्या विविध योजनांची जिल्हास्तरीय आढावा बैठक घेण्यात आली. जिल्हाधिकारी अरुण डोंगरे, जिल्हा अधीक्षक कृषी अधिकारी रविशंकर चलवदे, कापूस संशोधन केंद्राचे शास्त्रज्ञ पवन ढोके, पोखर्णी कृषी विज्ञान केंद्राचे वरिष्ठ शास्त्रज्ञ देविकांत देशमुख, व्यंकट शिंदे आदी उपस्थित होते. 

जिल्ह्यातील शेतकऱ्यांना २०१८-१९ मध्ये एकात्मिक फलोत्पादन अभियानांतर्गत ४४ सामूहिक शेततळ्यांना अनुदान देण्यात आले. २०१९-२० मध्ये एकात्मिक फलोत्पादन अभियान आणि राष्ट्रीय कृषी विकास योजनेअंतर्गत एकूण १० कोटी ७ लाख रुपये खर्चाचे उद्दिष्ट प्राप्त झाले आहे. त्यामध्ये सामूहिक शेततळे, हरितगृह, शेडनेट, कांदाचाळ, कोल्ड स्टोरेज आदींचा समावेश आहे. या योजनेच्या अंमलबजावणीसाठी जिल्हाधिकारी डोंगरे यांनी मान्यता दिली.

मागेल त्याला शेततळे योजनेअंतर्गत जिल्ह्यात ४ हजार शेततळे निर्मितीचे उद्दिष्ट प्राप्त आहे. आजवर जिल्ह्यात २ हजार ६७८ शेततळ्यांची कामे पूर्ण झाली आहेत. उर्वरित शेततळ्याचे उद्दिष्ट पूर्ण करण्याचे निर्देश क्षेत्रीय अधिकारी, कर्मचाऱ्यांना देण्यात आले आहेत. प्रगत शेती समृद्ध शेतकरी मोहिमेतून यांत्रिकीकरणांतर्गत २०१८-१९ मध्ये १ हजार ४०७ शेतकऱ्यांना ९ कोटी २५ लाख रुपयांची अवजारे खरेदीसाठी अनुदान देण्यात आले.

यंदा ९ कोटी रुपये तरतूद आहे. याअंतर्गत आजवर २०० पेरणी यंत्रांसाठीचे अनुदान शेतकऱ्यांना वितरित करण्यात आले. उर्वरित यंत्र ट्रॅक्टर, मळणीयंत्र, रोटाव्हेटर आदी यंत्राची शेतकऱ्यांनी खरेदी केल्यानंतर अनुदानाची रक्कम बँक खात्यावर वर्ग करण्यात येईल. राष्ट्रीय शाश्वत शेती अभियानांतर्गत कोरडवाहू क्षेत्र विकास कार्यक्रमांतर्गत २०१९-२० मध्ये जिल्ह्यातील ६ गावांची निवड करण्यात आली. १ कोटी ३७ लाख १४ हजार रुपयाच्या आराखड्यास मंजुरी देण्यात आली. 

आत्मांतर्गत नाळेश्वर येथील आदिशक्ती महिला शेतकरी गटाला १ लाख रुपयांच्या रोपवाटिका, महिला सक्षमीकरणासाठी फुलशेती प्रात्यक्षिकास मंजुरी देण्यात आली. गटशेतीस चालना देण्याच्या योजनेंतर्गत २०१७-१८ मधील मंजूर गटांचा प्रगतीचा आढावा घेण्यात आला. 

२०१८-१९ मधील प्राथमिक निवड करण्यात आलेल्या गटांच्या प्रकल्प अहवालाचे सादरीकरण झाले. उमरी जहागीर (ता. हदगाव) येथे एकाच गावात ६० शेततळी तयार केल्याबद्दल तालुका कृषी अधिकारी आर. डी. रणवीर यांचा, तर गटशेतीमध्ये उत्कृष्ट काम केल्याबद्दल विजय किनाळकर यांचा सत्कार करण्यात आला.


इतर ताज्या घडामोडी
खानदेशात कांदा लागवड १४ हजार हेक्‍टरवरजळगाव  ः खानदेशात रब्बी हंगामातील कांदा...
‘कर्जमुक्ती योजनेसाठी येणाऱ्या...अकोला  ः  महात्मा ज्योतिराव फुले शेतकरी...
द्राक्षपट्ट्यासह आदिवासी भागात खुलली...नाशिक  : स्ट्रॉबेरी लागवडीसाठी महाबळेश्वरची...
सांगलीत हळदीच्या उत्पादनात घटसांगली : जिल्ह्यात ऑगस्ट महिन्यात आलेला महापूर...
चांद्यात फ्लॉवरच्या निकृष्ट...नगर : तेलंगण राज्यातील एका बियाणे कंपनीचे...
'थेट जनतेतून सरपंच निवडीचा निर्णय कायम...सोलापूर  ः राज्य सरकारने थेट जनतेतून सरपंच...
औरंगाबाद जिल्ह्यातील टंचाई...औरंगाबाद : जिल्ह्यातील संभाव्य पाणीटंचाईचे...
लातूर विभागातील दोन हजार हेक्टरवर फळबाग...नांदेड : कृषीच्या लातूर विभागांतर्गतच्या परभणी,...
अकोला बाजार समितीचे गरजूंना पाठबळअकोला ः कृषी उत्पन्न बाजार समितीच्या पुढाकाराने...
उशिराच्या गव्हाला वाढत्या तापमानाचा...जळगाव  ः खानदेशात गहू पिकाची स्थिती...
पपई दरांचा नंदुरबारात पुन्हा तिढाशहादा, जि. नंदुरबार  : सध्या मंदी असल्याने...
पीकविमा भरपाई न मिळाल्यास तीव्र आंदोलन...अमरावती  ः जिल्ह्यात खरीप व रब्बी हंगामात...
गडचिरोली : 'आयसीएआर'ची काजू पीक...गडचिरोली  ः भात उत्पादक पूर्व विदर्भात...
ऐन फेब्रुवारीतच उन्हाळ्याच्या झळा पुणे : राज्यात कमाल तापमानात मोठी वाढ झाल्याने...
वनबंधू योजना सुरू करण्यासाठी केंद्राकडे...नाशिक : आदिवासी विभागाच्या वनबंधू योजनेअंतर्गत १४...
मराठवाड्यातील रेशीम प्रकल्पाला ग्रीन...औरंगाबाद : झपाट्याने विस्तारत असलेल्या रेशीम...
`गोवर-रुबेला'त सोलापूर जिल्ह्यात...सोलापूर : केंद्र शासनाच्या महत्त्वाकांक्षी ‘गोवर-...
सांगली जिल्ह्यात शेत, पाणंद रस्त्यांचे...लेंगरे, जि. सांगली : शेत आणि पाणंद रस्त्यांचे...
पाणीवाटप संस्थेद्वारे मिळणार ‘ताकारी’चे...सांगली : ताकारी उपसा सिंचन योजनेच्या लाभ...
मका संशोधन केंद्राचे भिजत घोंगडेऔरंगाबाद : कार्यकारी परिषदेच्या ठरावानंतर...