चाराटंचाई संपविण्यासाठी चारा लागवड

जिल्ह्यात अंदाजे १४ लाख मेट्रिक टन एवढा चारा उपलब्ध आहे. तो मार्चपर्यंत पुरेल. चारा लागवडीसाठी जिल्हा नियोजन समितीतर्फे पशुसंवर्धन विभागाला ५० लाख रुपये देण्यात येतील. त्यापैकी ३५ लाख रुपयांचे वितरण झाले आहे. बियाणे वाटप व खत वाटपही होईल. - डॉ. राजेंद्र भोसले, जिल्हाधिकारी, सोलापूर
चाराटंचाई संपविण्यासाठी चारा लागवड
चाराटंचाई संपविण्यासाठी चारा लागवड

सोलापूर : सोलापूर जिल्ह्यात झालेल्या कमी पाऊसमानामुळे यंदा दुष्काळाची स्थिती गंभीर झाली आहे. त्यात जनावरांच्या चाऱ्याचा प्रश्‍न ऐरणीवर आला आहे. त्यासाठी या संभाव्य चाराटंचाईचा सामना करण्यासाठी पशुसंवर्धन विभाग, आत्मा व कृषी विभागाने खास चारा लागवड मोहीम आखली असून, जिल्ह्यात १५०० एकर क्षेत्रावर चारा लागवडीचे प्रकल्प राबवण्यात येणार आहेत.

जिल्ह्यातील प्रत्येक तालुकानिहाय ‘आत्मा''मार्फत काही शेतकरी गट, कंपन्या यांच्या मदतीने हा कार्यक्रम व्यापक स्तरावर राबवण्यात येणार आहे. त्यासाठी मका, ज्वारी, नेपिअरच्या बेण्याची निवड चारा लागवडीसाठी करण्यात आली आहे. ‘आत्मा''च्या माध्यमातून जिल्ह्यातील एक हजार ५०० एकरांवर चारा लागवडीचे नियोजन करण्यात आले आहे. त्यासाठी कृषी विभागाच्या माध्यमातून तालुका कृषी अधिकारी कार्यालयाच्या वतीने आफ्रिकन टॉल जातीच्या मक्‍याची लागवड ७५० एकरांवर आणि मालदांडी ज्वारीची लागवड ७५० एकरांवर अशी केली जाणार आहे.

पाणी उपलब्ध असलेल्या शेतकऱ्यांना जिल्हा प्रशासनाच्या वतीने बियाणे, खते पुरविली जाणार आहेत. तालुका बीज गुणन क्षेत्रावर नेपिअर जातीच्या ठोंबाची लागवड केली जाणार आहे. या ठोंबापासून होणाऱ्या चाऱ्याचे वाटप लगतच्या शेतकऱ्यांना होईल.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com