‘वनामकृवि’च्या रोपवाटिकेत कलमे, रोपे विक्रीसाठी उपलब्ध 

परभणी ः वसंतराव नाईक मराठवाडा कृषी विद्यापीठातील परभणी येथील मध्‍यवर्ती रोपवाटिकेत विविध फळपिकांची दर्जेदार कलमे आणि रोपटे विक्रीकरिता उपलब्‍ध आहेत, अशी माहिती मध्‍यवर्ती रोपवाटिकेचे प्रभारी अधिकारी डॉ. संतोष बरकुले यांनी दिली.
plants and seedlings available for sale in Vanamkrivi's nursery
plants and seedlings available for sale in Vanamkrivi's nursery

परभणी ः वसंतराव नाईक मराठवाडा कृषी विद्यापीठातील परभणी येथील मध्‍यवर्ती रोपवाटिकेत विविध फळपिकांची दर्जेदार कलमे आणि रोपटे विक्रीकरिता उपलब्‍ध आहेत, अशी माहिती मध्‍यवर्ती रोपवाटिकेचे प्रभारी अधिकारी डॉ. संतोष बरकुले यांनी दिली. 

कृषी विद्यापीठाच्या रोपवाटिकेत केशर आब्याची १२ हजार कलमे, सीताफळाच्‍या बालानगर जातीची १२ हजार कलमे, करवंदाच्‍या कोकण गोल्‍ड जातीची ४ हजार कलमे, चिकुच्‍या कालीपत्‍ती, पेरूच्‍या सरदार आणि ललित वाणाची, मोसंबीच्‍या न्‍यूसेलर, लिंबाच्‍या साई शरबती, फुले शरबतीची, विक्रम, शोभीवंत झाड पाल्‍म रोपे उपलब्‍ध आहेत. येत्या जून, जुलै महिन्‍यात पेरू, डाळिंब, जांभुळ, संत्रा, लिंबू, मोंसबी, अंजीर, चिंच आदी फळपिकांची रोपे आणि कलमे उपलब्‍ध होणार आहेत. 

रोपटे आणि कलमे खरेदी तसेच बुकिंगकरिता शेतकऱ्यांनी डॉ. बरकुले यांच्‍या (९८३४२२५७९९) या मोबाईल क्रमांकावर संपर्क साधावा. वसंतराव नाईक मराठवाडा कृषी विद्यापीठाअंतर्गत मराठवाडा विभागात विविध फळांचे संशोधन केंद्र, कृषी विज्ञान केंद्राच्‍या प्रक्षेत्रावर स्‍वतंत्र्य रोपवाटिका आहेत. यात परभणी येथे मध्‍यवर्ती रोपवाटिका आहे. औरंगाबाद येथे फळ संशोधन केंद्र आणि कृषी विज्ञान केंद्राची स्‍वतंत्र रोपवाटिका आहे. 

बदनापूर येथील मोसंबी संशोधन केंद्र, अंबेजोगाई येथे सीताफळ संशोधन केंद्र येथे ही स्‍वतंत्र्य रोपवाटिका आहेत. कुलगुरू डॉ. अशोक ढवण यांच्या संकल्पनेतून शेतकऱ्यांना संबंधित जिल्‍ह्यातील रोपवाटिकेतून विद्यापीठाची रोपटी उपलब्‍ध करून दिली जाणार आहेत. त्‍यानुसार संशोधन केंद्राच्या प्रक्षेत्रावर संशोधन संचालक डॉ. दत्‍तप्रसाद वासकर यांच्या मार्गदर्शनाखाली विविध ठिकाणच्या संशोधन केंद्राच्या प्रक्षेत्रावर तसेच विस्तार शिक्षण संचालक डॉ. डी. बी. देवसरकर यांच्या मार्गदर्शनाखाली कृषी विज्ञान केंद्रांच्या प्रक्षेत्रावरील रोपवाटिकेत ही रोपटी उपलब्‍ध करून देण्‍याचा विद्यापीठातर्फे प्रयत्न केले जातील, असे सूत्रांनी सांगितले. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com