agriculture news in marathi, Please tell the Mayabap government to do something | Agrowon

दुष्काळ जाहीर केलाय म्हणे; पण आमच्या पोतर अजून तर काही आलं नाही
सूर्यकांत नेटके
शुक्रवार, 7 डिसेंबर 2018

नगर : ‘औंदा पाऊस नाही, उसनवार करून लावलेल्या कपाशी, तुरीची वाट लागली; पण ती पिकं हातची गेली, गुरंढोरं जगायची चिंता, प्यायला पाणी नाही. आता जगायचे वांधे झालेत, सरकारने दुष्काळ जाहीर केलाय म्हणे; पण आमच्या पोतर अजून तर काही आलं नाही. साहेब तुम्ही तरी मायबाप सरकारला चांगलं काही तरी करायला सांगा. सरकारनं आधार दिला नाही, तर जनावराचं काय, माणसं बी जगत्याल का नाही, हे सांगता येत नाही.’ दुष्काळाची सर्वाधिक तीव्रता असलेला नगर जिल्ह्यामधील शेवगाव, पाथर्डी तालुक्‍यातील नागरिकांनी दुष्काळाची पाहणी करण्यासाठी आलेल्या पथकासमोर आपल्या व्यथा मांडताना हतबलता व्यक्त केली.

नगर : ‘औंदा पाऊस नाही, उसनवार करून लावलेल्या कपाशी, तुरीची वाट लागली; पण ती पिकं हातची गेली, गुरंढोरं जगायची चिंता, प्यायला पाणी नाही. आता जगायचे वांधे झालेत, सरकारने दुष्काळ जाहीर केलाय म्हणे; पण आमच्या पोतर अजून तर काही आलं नाही. साहेब तुम्ही तरी मायबाप सरकारला चांगलं काही तरी करायला सांगा. सरकारनं आधार दिला नाही, तर जनावराचं काय, माणसं बी जगत्याल का नाही, हे सांगता येत नाही.’ दुष्काळाची सर्वाधिक तीव्रता असलेला नगर जिल्ह्यामधील शेवगाव, पाथर्डी तालुक्‍यातील नागरिकांनी दुष्काळाची पाहणी करण्यासाठी आलेल्या पथकासमोर आपल्या व्यथा मांडताना हतबलता व्यक्त केली.

नगर जिल्ह्यामधील शेवगाव, पाथर्डी, जामखेड आणि कर्जत तालुक्‍यातील गावांत बुधवारी (ता. ५) केंद्रीय पथकाने परिस्थितीची पाहणी केली. औरंगाबाद जिल्ह्यातून हे पथक दुपारी उशिरा नगर जिल्ह्यामधील शेवगाव तालुक्‍यातील कऱ्हेटाकळी येथे आले. तेथे त्यांनी पाहणी करून तळणी येथील वयोवृद्ध शेतकरी विष्णू सातपुते यांच्याशी त्यांनी संवाद साधला. त्यानंतर हे पथक बेलगावला गेले. तेथे पथकातील केंद्रीय भारतीय खाद्य निगमचे सहसंचालक सुभाषचंद्र मीना, अन्न व सार्वजनिक वितरण विभागाचे उपमहाव्यवस्थापक एम. एच. टेंभुर्णे व विजय ठाकरे यांनी सारंगधर आनंतपुरी, रामनाथ घनवट, रमेश पोकळे, अंबादास तनपुरे या शेतकऱ्यांच्या शेतात कपाशी व तुरीची पाहणी केली. त्या वेळी काही शेतकऱ्यांनी पथकातील अधिकाऱ्यांचे अक्षरशः पाय धरून आपल्या व्यथांना मोकळी वाट करून दिली. शेवगावांत धावती पाहणी करून पथक पाथर्डी तालुक्‍यातील रांजणीत पोचले.

जनावरांचा चारा आणि हाताला काम नाही. कसं जगणार?...मायबाप सरकारनं आमच्याकडे पाहावं...,’ अशी विनवणी तालुक्‍यातील रांजणी येथील साठ वर्षांच्या चतुराबाई घोडके या शेतकरी महिलेने केंद्रीय पथकासमोर मांडली. पथकाने कोरड्या पडलेल्या शिरसाटवाडी पाझर तलावाची पाहणी केली. केळवंडी येथील चतुराबाई घोडके यांच्या शेतातील बाजरी व कपाशीच्या शेताला भेट दिली. अंबादास घोडके, बाबासाहेब घोडके व प्रभुनाथ घोडके हे शेतकरी उपस्थित होते. पथकाने केळवंडी येथील रामदास कोठे यांच्या पाण्याअभावी जळून चाललेल्या कांद्याच्या शेताची पाहणी केली. पाथर्डी तालुक्‍यातून हे पथक जामखेड तालुक्‍यातील आरणगावला तीन तास उशिरा पोचले. येथील मारुती शिंदेंच्या शेतातील जळालेल्या लिंबाच्या बागेची, कापूस व तुरीच्या पिकाची पाहणी केली आणि पंधरा मिनिटांत पथक आरणगावला गेले. येथील युवक अंकुश शिंदे यांच्याशीही संवाद साधला. धावत्या भेटीनंतर पथक कर्जत तालुक्‍यातील टाकळी खांडेश्‍वरीत पोचले. तेथे पवार वस्तीवर भेट देऊन पाहणी केली. माहिजळगावला लोक थांबले होते, मात्र पथक तेथे थांबले नाही. नगर जिल्ह्यातील प्रत्येक ठिकाणी नागरिकांनी हतबलता व्यक्त केली. पथकासमवेत कृषी आयुक्त सचिंद्रप्रताप सिंह, जिल्हाधिकारी राहुल द्विवेदी, जिल्हा परिषदेचे मुख्य कार्यकारी अधिकारी विश्वजित माने यांच्यासह अधिकारी उपस्थित होते.

राज्य व केंद्र सरकारने दुष्काळाचे संकट गांभीर्याने घेतलेले आहे. राज्य सरकारने सात हजार कोटींचा आराखडा तयार करून केंद्राला पाठविला आहे. आता केंद्राच्या पथकाने पाथर्डीतील शिरसाटवाडी, रांजणी, केळवंडी येथे पाहणी केली आहे. जनावरांना छावण्या व फळबागांना अनुदान, रोजगार हमी योजनेतून कामे सुरू करण्यासंबंधीचे निर्णय सरकारने घेतलेले आहेत.
- राम शिंदे, पालकमंत्री

पाथर्डी-शेवगावमध्ये दुष्काळाची तीव्रता अधिक आहे. पथकाने दुष्काळाची पाहणी केली. राज्य सरकार जनतेच्या सोबत आहे. टॅंकरने पाणीपुरवठा केला जात आहे. जनतेला दुष्काळात मदत करण्याचे आमचे कर्तव्य आहे. मुख्यमंत्री देवेंद्र फडणवीस व ग्रामविकासमंत्री पंकजा मुंडे, पालकमंत्री राम शिंदे यांच्या माध्यमातून दुष्काळासाठीचा निधी आणून पिण्याच्या पाणीयोजना मार्गी लावू.
- मोनिका राजळे, आमदार, शेवगाव-पाथर्डी मतदारसंघ

 

इतर बातम्या
वणव्यामुळे पतंग, वनस्पतींच्या प्रजाती...जंगलामध्ये लागणाऱ्या वणव्याचे परागीकरण करणाऱ्या...
दुष्काळी स्थितीमुळे संत्रा बागांचे...शेलूबाजार जि. वाशीम ः निसर्गाच्या दुष्टचक्रामुळे...
नांदेड, परभणी जिल्ह्यांतील अकरा मंडळांत...नांदेड :  नांदेड, परभणी जिल्ह्यांतील ११...
कोल्हापूर जिल्ह्यातील धरणे निम्मी भरली कोल्हापूर : जिल्ह्यात पावसाचा जोर कमी झाला असला...
सांगली जिल्हा दुष्काळाच्या छायेतसांगली : पावसाळ्याचा दीड महिन्याचा कालावधी लोटला...
नाशिक जिल्ह्यात पावसाचे पुनरागमननाशिक : जिल्ह्यात पावसाने उघडीप दिल्यामुळे...
वाशीम जिल्ह्यात ‘सुजलाम सुफलाम’मधून २९७...वाशीम ः सुजलाम सुफलाम दुष्काळमुक्त महाराष्ट्र...
रत्नागिरीतील आठ धरणांची होणार तपासणीरत्नागिरी : ‘‘तिवरे धरण फुटल्यानंतर जिल्ह्यातील...
साक्री तालुक्यात दुष्काळाची शक्यतासाक्री, जि. धुळे : पाण्याचे स्रोत आटत आहेत. पाऊस...
मराठवाड्यातील २६६ मंडळांमध्ये पाऊसऔरंगाबाद/नांदेड ः मराठवाड्यातील ८ जिल्ह्यांतील ६३...
पावसाच्या आगमनाने नाशिकमधील शेतकरी...नाशिक : जिल्ह्यात पावसाने दडी मारल्याने...
पशुसंवर्धन विकासासाठी ७०० कोटींचा निधी...कोल्हापूर  : राज्यातील पशुसंवर्धन विकासाला...
मराठवाड्यातील पावणेनऊ लाखांवर शेतकरी...औरंगाबाद : मराठवाड्यातील आठही जिल्ह्यांतील...
विद्यार्थी, शेतकरीप्रश्नी ‘स्वाभिमानी’...बुलडाणा  : जिल्ह्यातील शेतकरी अनेक समस्यांना...
बारामतीत मुसळधार पाऊसपुणे  : जिल्ह्याच्या कोरडवाहू भागात असलेल्या...
नगर जिल्ह्यातील सहा महसूल मंडळांत...नगर : जिल्ह्यातील ३५ महसूल मंडळांत शनिवारी जोरदार...
कोणत्याही तंत्रज्ञानाचा डोळस स्वीकार...औरंगाबाद   : कोणत्याही तंत्रज्ञानाचा...
विधानसभा निवडणुकीत महायुतीने  २२० जागा...मुंबई  : आगामी विधानसभा निवडणुकीत महायुतीने...
सोलापूर जिल्ह्यात १७ हजार हेक्टर...सोलापूर ः गेल्या दोन वर्षांपासून सोलापूर जिल्हा...
नाशिक जिल्ह्यातील ४१ हजार हेक्टरवरील...नाशिक : जिल्ह्यात लष्करी अळीचा प्रादुर्भाव...