'राज्यातील पोलीस पाटील, ग्रामसेवकांनाही विमा कवच द्या'

बुलडाणा : राज्यात कोरोना विषाणूचा प्रादुर्भाव दिवसेंदिवस वाढत आहे. कोरोना या संसर्गजन्य विषाणू सोबत लढण्याकरिता शासकीय यंत्रणा अहोरात्र काम करीत आहे. या संसर्गजन्य विषाणू सोबत लढणाऱ्या आरोग्य यंत्रणेच्या अधिकारी-कर्मचाऱ्यांना शासनाने जीवन विम्याचे सुरक्षा कवच दिले आहे. गावपातळीवर काम करणाऱ्या ग्रामसेवक तसेच पोलीस पाटील यांनाही शासनाने विमा सुरक्षा कवच लागू करावे, अशी मागणी मलकापूरचे आमदार राजेश एकडे यांनी राज्याचे मुख्यमंत्री, गृहमंत्री व ग्रामविकास मंत्र्यांकडे केली आहे.

याबाबत आ. एकडे यांनी म्हटले की, सद्य परिस्थितीत पुणे, मुंबई, औरंगाबाद, नाशिक व सुरत अशा ठिकाणी महत्त्वासाठी गेलेले ग्रामीण भागातील अनेक कुटुंब आपापल्या गावात परतले आहेत. यासर्वांचे क्वारंटाईन करून घेतले जात आहे. यामुळे पोलीस पाटील व ग्रामसेवक यांचा बाहेरून आलेल्यांशी संपर्क येत आहे. पीपीई कीट उपलब्ध नसल्याने त्यांच्या आरोग्याचा प्रश्‍न उपस्थित होत आहे. अशा स्थितीत पोलीस पाटील व ग्रामसेवकांनाही आरोग्य विम्याचे कवच देण्यात यावे, अशी मागणी एकडे यांनी दिली आहे.

असे करावे लागते काम...