agriculture news in Marathi policy for export of non basmati rice Maharashtra | Agrowon

बिगर बासमती तांदळाच्या निर्यातवाढीसाठी धोरण हवेः शहा

टीम अॅग्रोवन
मंगळवार, 7 जुलै 2020

संपूर्ण जगाला बासमती पुरवणारा एकमेव देश असल्याने निर्यात टिकून राहिली; परंतु बिगर बासमती तांदळाचे दर इतर देशांच्या तुलनेत खूप जास्त होते. त्यामुळे चीन, इंडोनेशिया, मलेशियासारख्या देशांनी कमी दरात बिगर बासमतीची निर्यात केली. परिणामी, भारताची निर्यात घटली. चालू वर्षात बिगर बासमती तांदळाची निर्यात वाढवायची असेल तर धोरण आखणे गरजेचे आहे.
- राजेश शहा, वरिष्ठ उपाध्यक्ष ‘फाम’ आणि प्रमुख निर्यातदार

पुणे: तांदळाच्या जागतिक बाजारपेठेतील स्पर्धेत यंदा चीन, इंडोनेशिया, मलेशियासारख्या देशांनी भारतापेक्षा कमी दरात बिगर बासमतीची निर्यात केल्याने, भारतातून होणाऱ्या निर्यातीत मोठी घट झाली. चालू वर्षात बिगर बासमती तांदळाची निर्यात वाढवायची असेल, तर सरकारने याकडे लक्ष देत धोरण आखणे गरजेचे आहे, असे मत फेडरेशन ऑफ असोसिएशन ऑफ महाराष्ट्रचे (फाम) वरिष्ठ उपाध्यक्ष आणि तांदळाचे प्रमुख निर्यातदार राजेश शहा यांनी व्यक्त केले.   

बासमती आणि बिगर बासमती तांदळांच्या निर्यातीबाबत शहा म्हणाले की, गेल्या आर्थिक वर्षात (२०१९-२०) भारतातून ४४.५० लाख टन (३१ हजार २५ कोटींचा) बासमती तांदळाची निर्यात झाली. २०१८-१९ मध्ये ही निर्यात ४४.१० लाख टन (३२ हजार ८०५ कोटींची) झाली होती. याचे कारण त्या वर्षी बासमतीचे देशातील उत्पादन चांगले असल्याने दरदेखील १० ते १५ टक्क्यांनी कमी होते. भारतातून जगातील सुमारे ५० पेक्षा जास्त देशांना बासमतीची निर्यात होते. यामुळे ही निर्यात टिकून राहिल्याने मोठा फरक पडलेला नाही.

‘‘मात्र बिगर बासमतीच्या निर्यातीत मोठी घट झाली. २०१९-२० मध्ये बिगर बासमती (आंबेमोहोर, मसुरी, सोनामसुरी, बॉईल्ड राईस, इंद्रायणी इत्यादी) तांदळाच्या निर्यातीत मोठ्या प्रमाणात घट झाली. सन २०१७-१८ मधील ८६.३५ लाख टनांवरून २०१८-१९ मध्ये ७५.३५ लाख टन; तर २०१९-२० मध्ये फक्त ५०.३५ लाख टन निर्यात झाली,’’ असे शहा यांनी सांगितले.

२०१७-१८ मध्ये बिगर बासमती तांदळाची २२ हजार ९३० कोटी रुपये इतकी निर्यात झाली होती. २०१८-१९ मध्ये २० हजार ९०० कोटी; तर २०१९-२० मध्ये सर्वांत कमी १४ हजार ३५० कोटी इतकी झाली. म्हणजेच निर्यातीत ६ हजार ५५० कोटींची घट झाली. सन २०१९-२० मध्ये बिगर बासमतीची निर्यात ३३ टक्क्यांनी कमी झाली. त्यामुळे निर्यातदारांना मोठा फटका बसला.

टॅग्स

इतर अॅग्रोमनी
महागाई नियंत्रणासाठी रेपो दर 'जैसे थे' मुंबई: भारतीय रिझर्व्ह बँकेने आपले ऑगस्ट आणि...
देशभरात ‘नाफेड’कडून ८६ हजार टन कांदा...नाशिक: केंद्र सरकारच्या भाव स्थिरीकरण निधी...
कृषी सुधारणांचा वेळोवेळी आढावा घ्याः ‘...नवी दिल्लीः केंद्र सरकार ‘पीएम-किसान’...
काश्‍मिरी केशरला भौगोलिक मानांकनजम्मू: काश्‍मिरमध्ये उत्पादीत होणाऱ्या केशरला...
देशात खरिपाचा ६५ टक्के पेरा आटोपलानवी दिल्लीः देशात खरिपाखालील सरासरी क्षेत्र १...
‘स्ट्रॉबेरी‘ला बाजारपेठ विस्ताराची गरजस्ट्रॉबेरी उत्पादक पट्यात पॅकहाउस आणि शीतकरण...
भारतातून यंदा दशकातील विक्रमी साखर...कोल्हापूर: लॉकडाउनच्या संकटानंतरही साखर...
सांगली बाजारसमितीत हळद विक्रीत पाच लाख...सांगली ः सांगली बाजार समिती हळदीच्या...
शेतीमाल निर्यातीला चीन वादाचा फटका नाहीपुणे : महाराष्ट्रातून चीनला होणारी शेतीमालाची...
बिगर बासमती तांदळाच्या निर्यातवाढीसाठी...पुणे: तांदळाच्या जागतिक बाजारपेठेतील स्पर्धेत...
हिंगोलीत ई-नामअंतर्गत ६२२ क्विंटल हळद...हिंगोली ः हिंगोली कृषी उत्पन्न बाजार समितीच्या...
ब्राझीलच्या साखरेमुळे दर घसरलेकोल्हापूर : गेल्या हंगामाच्या तुलनेत यंदा...
साखर दरात सुधारणा कोल्हापूर ः देशात सुरू झालेली अनलॉकची प्रक्रिया व...
पुणे बाजार समितीचा पॅटर्न राज्यभर चर्चेतपुणे बाजार समितीमध्ये गेल्या काही वर्षांत अनेक...
आगामी हंगामावर शिल्लक साखरेचा दबाव कोल्हापूर: कोरोनामुळे यंदा देशात साखरेची विक्री...
साखर निर्यात अनुदानाचे साडेसात हजार...कोल्हापूर: गेल्या दोन वर्षात देशातील कारखान्यांनी...
देशातील साखर उद्योगही येईल पूर्वपदावर;...कोल्हापूर  : कोविडच्या संकटामुळे ठप्प झालेली...
साखर उत्पादनात उत्तर प्रदेशची झेपकोल्हापूर: यंदा उत्तर प्रदेशने साखर उत्पादनात...
ब्राझीलचे साखर उत्पादन भारताला अडचणी ?कोल्हापूर : यंदा ब्राझीलने इथेनॉलऐवजी साखर...
साखर विक्रीची मुदत १० जूनपर्यंत वाढवा...कोल्हापूर : इंडियन शुगर मिल्स असोसिएशनने (इस्मा)...