agriculture news in Marathi pomegranate crop insurance date till 14 july Maharashtra | Agrowon

डाळिंब विमा अर्जासाठी १४ जुलैपर्यंत मुदत 

टीम अॅग्रोवन
बुधवार, 23 जून 2021

पंतप्रधान पीकविमा योजनेअंतर्गत पुनर्रचित हवामान आधारित फळपीक विमा योजनेत मृग बहर २०२१-२२ विमा अर्ज भरण्याला सुरुवात झाली आहे. द्राक्ष, पेरू, लिंबू व चिकूसाठी ३० जून आणि डाळिंबासाठी १४ जुलै २०२१ पर्यंत मुदत आहे.

सांगली : पंतप्रधान पीकविमा योजनेअंतर्गत पुनर्रचित हवामान आधारित फळपीक विमा योजनेत मृग बहर २०२१-२२ विमा अर्ज भरण्याला सुरुवात झाली आहे. द्राक्ष, पेरू, लिंबू व चिकूसाठी ३० जून आणि डाळिंबासाठी १४ जुलै २०२१ पर्यंत मुदत आहे. शेतकऱ्यांनी विमा योजनेत सहभागी व्हावे, असे आवाहन जिल्हा अधीक्षक कृषी अधिकारी बसवराज मास्तोळी यांनी केले आहे. 

कर्जदार, बिगर कर्जदारांसाठी विमा योजना ऐच्छिक आहे. भाडेपट्टीने शेती करणारेही योजनेसाठी पात्र आहेत. फळपिकासाठी ४ हेक्टरपर्यंत मर्यादा आहे. मृग अथवा आंबिया बहरापैकी एकाच हंगामासाठी विमा अर्ज करता येईल. केवळ उत्पादनक्षम फळबागांनाच विमा कवच लागू असेल. उत्पादनक्षम अधिसूचित वय डाळिंब, द्राक्ष २ वर्षे, पेरू ३ वर्षे, लिंबू ४ वर्षे, व चिकू ५ वर्षांपेक्षा कमी वयाच्या फळबागा लागवडीस विमा संरक्षण घेतल्याचे निदर्शनास आल्यास विमा संरक्षण संपुष्टात येईल. 

...अशी आहे मुदत 
पुनर्रचित हवामान आधारित फळपीक विमा योजनेसाठी विमा हप्ता भरण्यासाठी नव्या आदेशानुसार तारखाही जाहीर करण्यात आल्या असून, त्यात शेतकऱ्यांनी (कर्जदार वा बिगर कर्जदार) योजनेतील सहभागासाठी यंदाच्या मृग बहरासाठी द्राक्षासह संत्रा, पेरू, लिंबू, मोसंबी, चिकू या फळांसाठी ३० जून ही अंतिम तारीख आहे. तर डाळिंबासाठी १४ जुलै ही तारीख आहे. आंबिया बहारासाठी द्राक्षासाठी १५ ऑक्टोबर, मोसंबी, केळी, पपईसाठी ३१ ऑक्टोबर, संत्रा, काजू, आंब्यासाठी (कोकण विभाग) ३० नोव्हेंबर अंतिम तारीख असेल. तर इतर जिल्ह्यातील आंब्यासाठी ३१ डिसेंबर आणि डाळिंब, स्ट्रॉबेरीसाठी १४ ऑक्टोबर ही तारीख अंतिम असेल. 

फळपीकनिहाय संरक्षित रक्कम आणि शेतकरी हप्ता (हेक्टरी) 

पीक संरक्षित रक्कम शेतकरी हप्ता
चिकू ६० हजार ३ हजार 
द्राक्ष ३.२० लाख १६ हजार 
डाळिंब १.३० लाख ६,५०० 
लिंबू ७० हजार ६,३०० 
पेरू ६० हजार ३ हजार

...असा करा अर्ज 
सहभागी होऊ इच्छिणाऱ्यांनी बॅंक खाते असणाऱ्या जवळच्या प्राधिकृत बँका, प्राथमिक कृषी पतपुरवठा सहकारी संस्था, संबंधित विमा कंपनीची कार्यालये किंवा विमा प्रतिनिधींशी संपर्क साधून विमा प्रस्ताव विहित प्रपत्रात योग्य त्या विमा हप्त्यासह, ७/१२ खाते उतारा, आधार कार्ड, बँक खात्याचे तपशील, घोषणापत्र, बागेबाबत छायाचित्र अक्षांश- रेखांश पत्र आदी कागदपत्रांसह विहित वेळेत जमा करावे. 

प्रतिक्रिया
योजनेअंतर्गत विहित मुदतीत नुकसानभरपाई देण्याची जबाबदारी व दायित्व विमा कंपन्यांची असून नुकसानभरपाई देण्याची कोणतेही दायित्व शासनावर नाही. योजनेच्या अधिक माहितीसाठी नजीकच्या कृषी विभाग कार्यालयाशी संपर्क साधावा. 
- बसवराज मास्ताळी, जिल्हा अधीक्षक कृषी अधिकारी, सांगली 


इतर बातम्या
पशुचिकित्सा व्यवसायी आंदोलनाने पशुसेवा...नगर : पशुचिकित्सा व्यवसायी (डिप्लोमा, पदविकाधारक...
अमरावती जिल्ह्यात १८३ जणांना ...अमरावती ः २०१७-१८ मध्ये फवारणीदरम्यान विषबाधेत...
पीकविम्यातील सूचनांचा केंद्राकडून...पुणे ः पंतप्रधान पीकविमा योजनेत विमा कंपन्यांच्या...
पूरग्रस्तांच्या मदतीसाठी साडेअकरा हजार...मुंबई ः राज्यातील विविध जिल्ह्यांत अतिवृष्टीमुळे...
कोकणात काही ठिकाणी मुसळधार पुणे : कोकणात तुरळक ठिकाणी मध्यम स्वरूपाचा पाऊस...
निविष्ठा वितरणातील अडचणींत लक्ष घालणार...पुणे ः राज्यात निविष्ठा वितरणात अडचणी येत असल्यास...
मराठवाड्यात सव्वा लाख हेक्टरवरील...औरंगाबाद : मराठवाड्यातील सात जिल्ह्यांतील १००३...
गोंदिया जिल्ह्यात विमाधारक शेतकरी...गोंदिया : गेल्या वर्षी जिल्ह्यात ऑगस्ट महिन्यात...
साखरेचे किमान विक्री मूल्य तातडीने...कोल्हापूर : सध्या साखर उद्योग संकटात असून,...
वर्धा : पीककर्जप्रकरणी १६ बॅंकांना नोटीसवर्धा : पीककर्ज वाटपात दरवर्षी प्रमाणे या वर्षी...
आपद्‌ग्रस्त कुटुंबांना मिळणार पाच हजाररत्नागिरी : अतिवृष्टीचा सर्वाधिक तडाखा चिपळूण,...
पूरबाधित कर्जदारांना सहकार्याची भूमिका...कोल्हापूर : जिल्ह्यात पूर परिस्थितीमुळे नागरिक व...
सेंद्रिय शेतीचे तंत्र अंगीकारा ः डॉ. ढवणबदनापूर, जि. जालना : अधिक उत्पादन देणाऱ्या संकरित...
अकोल्यात ३७ हजार हेक्टरचे पंचनामेअकोला : अतिवृष्टीने नुकसान झालेल्या झालेल्या...
रुग्णालयांच्या सुरक्षेचा तपशील दाखल करा...मुंबई : रुग्णालयांच्या सुरक्षेसाठी आतापर्यंत...
परभणीत पशुधन पदविकाधारकांचे आंदोलनपरभणी ः पशुधन पदवीधारकांची जिल्हास्तरावर नोंदणी...
सातारा :बेसुमार वृक्षतोडीमुळे कोयनेचे...सातारा : कोयना धरण परिसरात मोठ्या प्रमाणात...
‘महसूल’ लोकाभिमुख करा ः आयुक्त गमेनाशिक : प्रशासनात चांगले काम केल्यास समाज देवत्व...
मोहोळ, उत्तर सोलापुरात बिबट्याची दहशत...सोलापूर ः चिंचोली, शिरापूर (ता. मोहोळ) अकोलेकाटी...
लासलगाव बाजार समितीत टोमॅटो लिलावास...नाशिक : लासलगाव कृषी उत्पन्न बाजार समितीच्या प.पू...