agriculture news in Marathi pomegranate demand increased due to ramjan Maharashtra | Agrowon

रमजानमुळे डाळिंबाला मागणी वाढली 

टीम अॅग्रोवन
बुधवार, 6 मे 2020

उत्तर भारतातून रमजानमुळे महाराष्ट्राच्या डाळिंबाला मागणी वाढली आहे. त्यामुळे भावपातळी पुढील काही दिवस टिकून राहण्याची शक्यता आहे. 

पुणे: उत्तर भारतातून रमजानमुळे महाराष्ट्राच्या डाळिंबाला मागणी वाढली आहे. त्यामुळे भावपातळी पुढील काही दिवस टिकून राहण्याची शक्यता आहे. 

नाशिकच्या डाळिंब बाजारात सध्या चांगल्या मालाला १३०० ते १५०० रुपये प्रतिक्रेट दर मिळतो आहे. नाशिकसह श्रीगोंदा, नारायणगाव, सटाणा, संगमनेर, नगर भागातून व्यापाऱ्यांना माल मिळतो आहे. पंढरपूर, सांगोला भागातून आवक कमी झाली आहे. मालेगाव भागातील काही गावांमध्ये चांगले माल असले तरी कोरोनाची साथ सुरू असल्यामुळे शेतकरी थेट लिलावाला माल आणण्याऐवजी शिवार सौद्यांना प्राधान्य देत आहेत. 

डाळिंब व्यापारी इश्वरदास गुप्ता म्हणाले की, ‘‘कोरोनाच्या आधी नाशिक भागात डाळिंबाला १७०० ते १८०० रुपये प्रतिक्रेट भाव मिळत होता. आवक देखील ३००० ते ५००० क्रेट्सची होती. मात्र, कोरोनामुळे व्यापारी साखळी तुटली. डाळिंबाचे बाजार दोन आठवडे बंद ठेवावे लागले. यामुळे शेतकऱ्यांचे मोठे नुकसान झाले. व्यापाऱ्यांच्या घरापर्यंत शेतकऱ्यांचे सतत फोन सुरू झाल्यामुळे आम्हीच पुढाकार घेत डाळिंबाचे सौदे पुन्हा सुरू केले. वाहतुकीची मोठी समस्या असून देखील शेतकऱ्यांचे माल विकत घेण्यास सुरूवात केली गेली.’’ 

नाशिक जिल्ह्यातील डाळिबांचे सौदे आता पुन्हा सुरू झाले आहेत. गेल्या आठ दिवसांपासून चांगल्या मालासाठी व्यापारी १४०० ते १६०० रुपये प्रतिक्रेट भाव देत आहेत. बिहारलाईनसाठी ८०० ते ११०० रुपये तर उत्तरप्रदेश लाईनसाठी ५०० ते ७०० प्रतिक्रेट रुपये दराचा माल खरेदी केला जात आहे. शेतकऱ्यांकडून २० किलोच्या क्रेटमधून घेतलेला हा माल व्यापाऱ्यांकडून निवडून पुढे दहा किलोच्या पेटीतून किंवा १५ किलोच्या ड्रममधून उत्तर भारताकडे पाठविला जातो. 

सांगोला येथील डाळिंब उत्पादक अमित शिंदे यांच्या म्हणण्यानुसार, पश्चिम महाराष्ट्रातील सोलापूर,सांगोला,इंदापूरचे डाळिंब लिलाव बंद आहेत. व्यापाऱ्यांकडून सांगोला भागात शिवार सौदे सुरू असून माल कमी आहेत. भाव ३० ते ३५ रुपये दिला जातो. सध्या नागपूर व हैद्राबाद लाईनकडे माल पाठविला जात आहे. 

मालाची कमतरता 
४० रुपये किलो दराने शेतकऱ्यांकडून खरेदी केलेले डाळिंब पुढे आडत, वाहतूक, पॅकिंग खर्च मिळवून ६५ रुपये किलोने सध्या विकले जात आहे. रमजानमुळे मागणी वाढली असून माल कमी आहेत. मात्र, १५ जूननंतर पुन्हा संगमनेर भागातून नवे माल सुरू होतील. डाळिंबाला पुढे भावपातळी १४०० ते १५०० रुपये राहू शकते, अशी माहिती व्यापारी सूत्रांनी दिली. 


इतर अॅग्रो विशेष
मराठवाड्यात जोरदार पावसाचा पिकांना फटकाऔरंगाबाद, परभणी : औरंगाबाद, जालना, बीड, लातूर,...
हजारो टन कांदा निर्यातीच्या प्रतीक्षेतमुंबई/नाशिक : देशभरात कांदा निर्यातबंदी...
बीटी वांग्याच्या दुसऱ्या टप्प्यातील...पुणे : देशभरात चर्चेत असलेल्या बीटी वांग्याच्या...
साखर निर्यातीचे करार ५७ लाख टनांवरकोल्हापूर : देशातल्या साखर निर्यातीचे करार आता ५७...
तुरळक ठिकाणी जोरदार पावसाची शक्यतापुणे ः बंगालचा उपसागर व उत्तर तामिळनाडूच्या...
दूध सल्लागार समिती कागदावरचपुणे : राज्यस्तरीय दूध सल्लागार समितीची एकही बैठक...
राज्यात मोसंबी १००० ते ४००० रुपये...औरंगाबादमध्ये १००० ते २५०० रुपये प्रतिक्विंटल...
कांदा, लसूण शेतीत बहिरवाडीने मिळवली...बहिरवाडी (ता. जि. नगर) हे छोटे गाव कांदा व लसूण...
स्पर्धेत टिकण्यासाठी ‘ई-नाम’केंद्र सरकारने कृषी, पणन व्यवस्थेत सुधारणा घडवून...
बाजार सुधारणांत नको राजकीय धुळवडकोरोनाच्या पार्श्वभूमीवर होत असलेल्या संसद...
सुपारी फळगळीचे संकटसिंधुदुर्ग: मुसळधार झालेला पाऊस आणि सतत ढगाळ...
कोकण, मराठवाड्यात पावसाची शक्यतापुणे ः गेल्या काही दिवसांपासून राज्यातील काही...
कांदा निर्यातबंदीविरोधात मराठवाड्यातही...औरंगाबाद/परभणी: केंद्र सरकारने कांदा निर्यातबंदी...
निर्यातबंदीमुळे कांदा दरात मोठी घसरणनाशिक: केंद्र सरकारने कांदा निर्यातबंदी केल्याचा...
कांदा निर्यातबंदी विरोधात नाशिक...नाशिक: प्रतिकूल हवामान, वाढलेला उत्पादन खर्च व...
‘स्मार्ट’च्या २८ पथदर्शक प्रकल्पांना...पुणे: कृषी खात्याच्या ‘स्मार्ट’ प्रकल्पातून...
सांगली जिल्ह्यात द्राक्ष फळ छाटणी...सांगली ः जिल्ह्यात सप्टेंबरच्या पहिल्या आठवड्यात...
मराठवाड्यात पावसाचा जोर कायमपुणे ः गेल्या दोन ते तीन दिवसांपासून राज्यातील...
राज्यात तीन वर्षांत ‘ई-नाम’द्वारे ...पुणे: केंद्र सरकारने सुरु केलेल्या राष्ट्रीय...
दर्जेदार रोपनिर्मिती पेपरपॉट, पीट मॉसचा...रोपनिर्मिती चांगल्या प्रकारे होण्यासाठी...