नाशिकमध्ये डाळिंबांची आवक वाढली; दर दबावात

नाशिक : येथील कृषी उत्पन्न बाजार समितीमध्ये गत सप्ताहात डाळिंबांची आवक १०,२४४ क्विंटल झाली. आवक वाढल्याने दर दबावात असल्याचे दिसून आले. मृदुला वाणास ३०० ते ८,५०० तर सरासरी ५७५० रुपये दर मिळाला, अशी माहिती बाजार समितीच्या सूत्रांनी दिली.

चालू सप्ताहामध्ये उन्हाळ कांद्याची आवक वाढल्याचे दिसून आले. आवक १२४७९ क्विंटल झाल्याने दरात घसरण दिसून आली. त्यास प्रतिक्विंटल ४५० ते १८११, तर सरासरी दर १३७० रुपये राहिला. बटाट्याची आवक ५१८२ क्विंटल झाली. त्यास प्रतिक्विंटल ४०० ते १४००, तर सरासरी दर ७६० रुपये राहिला. लसणाची आवक १३८ क्विंटल झाली. त्यास प्रतिक्विंटल २७०० ते ८५००, तर सरासरी दर ५५०० रुपये राहिला. आल्याची आवक ९४८ क्विंटल झाली. त्यास प्रतिक्विंटल २५०० ते ३५००, तर सरासरी दर ३००० रुपये राहिला. 

सप्ताहात काही फळभाज्यांची आवक कमी, तर काहींची आवक जास्त झाली. त्यामुळे बाजारभाव सुद्धा कमी जास्त निघाले. वालपापडी-घेवड्याची आवक ३७७६ क्विंटल झाली. आवकेत वाढ झाल्याने बाजारभाव कमी झाले. वालपापडीला प्रतिक्विंटल २५०० ते ३००० तर सरासरी दर २८०० रुपये राहिला. घेवड्याला प्रतिक्विंटल ५००० ते ६००० तर सरासरी दर ५५०० रुपये राहिला. हिरव्या मिरचीची आवक २११६ क्विंटल झाली. लवंगी मिरचीला प्रतिक्विंटल १५०० ते २५०० तर सरासरी दर २२०० रुपये दर राहिला.

गाजराची आवक ४६८क्विंटल झाली. त्यास प्रतिक्विंटल १५०० ते २५०० तर सरासरी दर २००० रुपये राहिला.

फळभाज्यांमध्ये टोमॅटोला १०० ते ३२५ तर सरासरी २२०, वांगी १०० ते २१०, तर सरासरी १५० व फ्लॉवर ८० ते १४० सरासरी १२० रुपये असे दर प्रति १४ किलोस मिळाले. कोबीला १३० ते २३५ तर सरासरी १८० रुपये असे दर प्रति २० किलोस मिळाले. ढोबळी मिरचीला १५० ते २५० तर सरासरी दर २२० रुपये असे दर प्रति ९ किलोस मिळाले.

वेलवर्गीय भाजीपाल्यामध्ये भोपळा १०० ते २२५ तर सरासरी १७०, कारले १२५ ते २२० तर सरासरी १५५, गिलके २५० ते ४०० तर सरासरी ३२५, दोडका ३०० ते ६०० तर सरासरी दर ४५० रुपये असे प्रति १२ किलोस दर मिळाले. काकडीला १२५ ते २७५, तर सरासरी १७५ रुपये असे २० किलोस दर मिळाले. फळांमध्ये केळीची आवक १२७० क्विंटल झाली. तिला प्रतिक्विंटल ८५० ते १२५० तर सरासरी दर १००० रुपये दर मिळाला.