सांगली : जिल्ह्यातील आटपाडी, जत, कवठेमहांकाळ, तासगाव, पलुस आणि खानापूर तालुक्‍यातील डाळींब उत्पादक १२ हजार ३४३ शेतकऱ्यांना ३१ कोटी ३८ लाख रूपयांची विमा रक्कम मिळणार आहे. लवकरच ही रक्कम शेतकऱ्यांच्या खात्यावर जमा केली जाईल. आटपाडी तालुक्‍यात सर्वाधिक २३ कोटी २४ हजार रुपये, तर पलूस तालुक्‍यात सर्वात कमी ४० हजार ७०० रूपये विमा रक्कम प्राप्त झाली आहे.
दुष्काळ, अवकाळी पाऊस या सारख्या नैसर्गिक आपत्तींमुळे द्राक्ष, डाळींब उत्पादक शेतकऱ्यांचे नुकसान होते. जिल्ह्यात आटपाडी, जत, कवठेमहांकाळ या दुष्काळी तालुक्‍यात सर्वाधिक डाळिंबाचे उत्पादन घेतले जाते. त्या खालोखाल तासगाव, खानापूर आणि पलूस तालुक्‍यातही डाळींब उत्पादन घेतले जाते. डाळींब उत्पादकांसाठी १४७ कोटी ९ लाख रुपये विमा संरक्षित करण्यात आला होता. त्यासाठी शेतकऱ्यांनी सात कोटी ३५ लाख रुपयांचा हप्ता भरला होता.
जिल्ह्यातील १२ हजार १५६ हेक्‍टर क्षेत्र विमा संरक्षित करण्यात आले होते. १२ हजार ३४३ शेतकऱ्यांना पीक विमा रकमेची प्रतिक्षा होती. त्यानुसार विम्याचे ३१ कोटी ३८ लाख रुपये जिल्हा बॅंकेकडे जमा झाले आहेत. सध्या ‘कोरोना'मुळे शेतकरी अडचणीत आहेत. अशावेळी विमा रक्‍कमेमुळे शेतकऱ्यांना दिलासा मिळणार आहे. डाळींब उत्पादकांना मिळणारी भरपाई
| तासगाव तालुका | ११ लाख ७५ हजार रूपये |
| पलुस तालुका | ४० हजार ०६ रूपये |
| जत तालुका | ६ कोटी ७९ लाख रूपये |
| कवठेमहांकाळ | १ कोटी ४६ लाख रूपये |
| आटपाडी | २३ कोटी ७४ लाख रूपये |
| खानापूर | १ लाख १६ हजार रूपये |
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.