नाशिकमध्ये डाळिंब प्रतिक्विंटल ४५० ते ७००० रुपये

नाशिक : नाशिक कृषी उत्पन्न बाजार समितीमध्ये चालू सप्ताहात डाळिंबाची आवक ५८७६ क्विंटल झाली. आवक कमी झाली असून परपेठेत मागणी सर्वसाधारण असल्याने बाजारभाव स्थिर होते. आरक्ता वाणास प्रतिक्विंटल ४५० ते ३२५० व मृदुला वाणास ५०० ते ७००० प्रतिक्विंटल दर मिळाला, अशी माहिती बाजार समितीच्या सूत्रांकडून देण्यात आली.

सप्ताहात काही फळभाज्यांची आवक कमी तर काहींची आवक जास्त झाल्याने बाजारभाव सुद्धा कमी जास्त निघाले. टोमॅटोला १०० ते  ५५०,  वांगी  १३०  ते  ३५०,  फ्लॉवर ८० ते  १७० असे प्रति १४ किलोस दर मिळाले. तर कोबी  ६५  ते १८५ असा प्रति २० किलोस दर मिळाला. ढोबळी मिरची  १५० ते २०० प्रति ९ किलोस दर मिळाला. भोपळा  ५०  ते  २००,  कारले  ४०० ते  ५५०,  गिलके  २००  ते  ४००,  भेंडी  १२० ते  ३००  असे प्रति १२ किलोस दर मिळाले. तर काकडीला  १५०  ते  ३००,  लिंबू  ५०० ते  ९००,  दोडका  ४३० ते  ७००  असे प्रति २० किलोस दर मिळाले. 

हिरव्या मिरचीची आवक २२२१ क्विंटल झाली. मागील सप्ताहाच्या तुलनेत आवकेत वाढ झाली. तसेच परपेठेत मागणी वाढल्याने असल्याने बाजारभावात वाढ झाली. लवंगी मिरचीला ५०००  ते ६००० तर ज्वाला मिरचीला ४००० ते ६००० असा प्रतिक्विंटल दर मिळाला.  वालपापडी घेवड्याची आवक  २१२३ क्विंटल झाली. आवक कमी झाल्याने व परपेठेत मागणी वाढल्याने बाजारभावात वाढ  झाली.  वालपापडीला प्रतिक्विंटल  ३००० ते ४००० दर मिळाला. तर घेवड्याला ६५००   ते  ७०००  प्रतिक्विंटल दर मिळाला. गाजराची आवक  ७८४४   क्विंटल झाली. त्यास  ११०० ते  २२०० प्रतिक्विंटल दर मिळाला. भुईमुगाच्या शेंगांची आवक ९२१ क्विंटल झाली. त्यास प्रतिक्विंटल २५०० ते ३५०० असा दर मिळाला. 

पालेभाज्यांमध्ये कोथिंबीर ६०० ते  ३४००,  मेथी १७०० ते  ४०००,  शेपू  १२०० ते  २४००,  कांदापात १२५० ते  ५१००,  पालक २१० ते ४००,  पुदिना १८० ते  ३००  असे दर प्रति १०० जुड्यांना मिळाले.  उन्हाळ कांद्याची आवक  २३३१० क्विंटल झाली. बाजारभाव  ३५०  ते  १३५० प्रतिक्विंटल होते. परपेठेत मागणी कमी असल्याने बाजारभाव कमी होते. बटाट्याची आवक  ८६३३ क्विंटल झाली. बाजारभाव  ६५०   ते  १२०० प्रतिक्विंटल होते.

फळांमध्ये  चालू सप्ताहात आंब्याची आवक २४२८ क्विंटल झाली. लालबाग २५०० ते ४५०० प्रतिक्विंटल, बदाम आंब्यास ३००० ते ५००० प्रतिक्विंटल तर केशर आंब्यास ४५०० ते ७००० प्रतिक्विंटल दर मिळाला. टरबुजाची आवक ४७६० क्विंटल झाली. बाजारभाव ४०० ते १००० प्रतिक्विंटल मिळाला. खरबुजाची आवक ४५५ क्विंटल झाली. बाजारभाव ९०० ते २४०० प्रतिक्विंटल मिळाला. मोसंबीची आवक १०० क्विंटल झाली. बाजारभाव १८०० ते ४५०० प्रतिक्विंटल मिळाला. केळीची आवक २८० क्विंटल झाली.बाजारभाव ५०० ते ११०० प्रतिक्विंटल मिळाला.