agriculture news in marathi, Portrait artist select for international scholarship, pune, maharashtra | Page 2 ||| Agrowon

अवघ्या १८ व्या वर्षी चित्रकार प्रेम आवळेची इंचलकरंजी ते इटलीपर्यंत झेप !

अमित गद्रे
रविवार, 14 जुलै 2019

पुणे : लहानपणापासून तो शेती, नदीकाठावर रमला. निसर्गानेच त्याला चित्रांची दृष्टी दिली. पाटी-पेन्सिल मग शाळेत कागदावर खडूने निसर्ग चित्रे तो रंगवू लागला आणि आता रिअलॅस्टिक पोर्ट्रेटकडे (व्यक्तिचित्रे) वळलाय. कोणीही गुरू नाही, कोणतेही प्रशिक्षण नाही की मान्यवर चित्रशाळेचा हा विद्यार्थी देखील नाही. मात्र एखाद्या प्रतिभासंपन्न चित्रकाराच्या धाटणीची शैली त्याच्या चित्रांमधून झळकते. म्हणूनच केवळ कल्पना, आकलनशक्ती आणि स्वकर्तृत्वाने जागतिक स्तरावरील पोर्ट्रेट स्पर्धेत अवघ्या अठराव्या वर्षीच तो इटलीतील जगप्रसिद्ध फ्लोरेन्स ॲकॅडमी ऑफ आर्ट या संस्थेत पोचलाय...!

पुणे : लहानपणापासून तो शेती, नदीकाठावर रमला. निसर्गानेच त्याला चित्रांची दृष्टी दिली. पाटी-पेन्सिल मग शाळेत कागदावर खडूने निसर्ग चित्रे तो रंगवू लागला आणि आता रिअलॅस्टिक पोर्ट्रेटकडे (व्यक्तिचित्रे) वळलाय. कोणीही गुरू नाही, कोणतेही प्रशिक्षण नाही की मान्यवर चित्रशाळेचा हा विद्यार्थी देखील नाही. मात्र एखाद्या प्रतिभासंपन्न चित्रकाराच्या धाटणीची शैली त्याच्या चित्रांमधून झळकते. म्हणूनच केवळ कल्पना, आकलनशक्ती आणि स्वकर्तृत्वाने जागतिक स्तरावरील पोर्ट्रेट स्पर्धेत अवघ्या अठराव्या वर्षीच तो इटलीतील जगप्रसिद्ध फ्लोरेन्स ॲकॅडमी ऑफ आर्ट या संस्थेत पोचलाय...!

इचलकरंजी (जि. कोल्हापूर) येथील प्रेम संजय आवळेची ही आश्‍वासक वाटचाल सर्वांनाच आश्‍चर्यचकीत करेल अशीच आहे. पुण्यातील दिघी परिसरात प्रेम सध्या राहतो. वडील वॉचमनची नोकरी करतात, तर आई घरकाम करते. परंतु मुलाच्या हातातील कला आणि इच्छाशक्ती लक्षात घेऊन त्यांनी सर्व अडचणी बाजूला सारून त्याला साथ दिली. त्याच जोरावर प्रेम सध्या फ्लोरेन्स ॲकॅडमीमध्ये जागतिक स्तरावरील पोर्ट्रेट कलाकारांकडून धडे गिरवतोय. 

निसर्ग आणि आजूबाजूची माणसं हेच त्याचे गुरू. लिओनार्डो व्हेंची, मायकेल अंजलो, राजा रवी वर्मा हे त्याचे आदर्श. आपल्या या चित्रकलेच्या प्रवासाबाबत प्रेम आवळे म्हणाला, की मी चौथीपर्यंत इचलकरंजी शहरात वाढलो. वडील सूतगिरणी कामगार आणि आई बालवाडीत नोकरी करायची. लहानपणापासून मला चित्रांची आवड. पंचगंगा नदीचा परिसर, आजूबाजूची शेती, शेतकऱ्यांची चित्रे मी रेखाटू लागलो आणि तो माझा छंद झाला. पाटी-पेन्सिल, त्यानंतर रंगीत खडू आणि आता पोर्ट्रेट असा माझा प्रवास झालाय. सूत गिरणीमधील नोकरी गेल्याने माझे वडील कुटुंबासह पुण्यात आले.

पुण्यात आल्यानंतर माझ्या चित्रकलेला गती मिळाली. सातत्याने चित्र प्रदर्शने पाहायचो, सहभागी व्हायचो. त्यातून माझी दृष्टी बदलत गेली. मी रिअलॅस्टिक पोर्ट्रेट आणि मॉडर्न आर्ट या दोन्ही प्रकारांत काम करतो. पोर्ट्रेटमध्येच मला करियर करायचे आहे. आतापर्यंत मी पुणे, मुंबई आणि कोल्हापूर येथील प्रदर्शनात सहभागी झालो आहे. शिक्षणाच्या बरोबरीने अर्थार्जनासाठी मी पेन्सिल स्केच, चारकोल स्केच, डिटेल पेन्सिल स्केच आणि ऑइल पेंट पोर्ट्रेट करून देतो, असे प्रेमने सांगितले. 

हे सर्व करत असताना मला इटलीमधील जगप्रसिद्ध फ्लोरेन्स ॲकॅडमी ऑफ आर्ट या संस्थेच्या आंतरराष्ट्रीय पोर्ट्रेट स्पर्धेची माहिती मिळाली. ही ऑनलाइन स्पर्धा होती. त्यासाठी मी महाराष्ट्रीयन नववधूचे पोर्ट्रेट पाठविले. पोर्ट्रेटला मी ‘ऑस्पिशियस मूव्हमेंट’ असे नाव दिले. या स्पर्धेसाठी जगभरातून दोन हजारांहून अधिक पोर्ट्रेट आली होती. त्यातील पहिल्या दहामधून शिष्यवृत्तीसाठी तिसऱ्या क्रमांकासाठी माझे पोर्ट्रेट निवडले गेले. यंदाच्या पोर्ट्रेट स्पर्धेसाठी निवडला गेलेला मी एकमेव भारतीय युवा चित्रकार आहे. मला शिष्यवृत्तीच्या स्वरूपात फ्लोरेन्स ॲकॅडमी ऑफ आर्टमध्ये १ जुलै ते २६ जुलै या काळात पोर्ट्रेट शिकण्याची संधी मिळाली आहे. तेथे राहण्याचा आणि प्रवासाचा खर्च काही प्रमाणात मी आणि माझ्या हितचिंतकांनी उचललाय, असे प्रेम शेवटी म्हणाला.


इतर ताज्या घडामोडी
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...