agriculture news in marathi, Poss machine stock; Actually scarcity | Agrowon

पॉस मशिनवर स्टॉक; प्रत्यक्षात टंचाई

टीम अॅग्रोवन
बुधवार, 22 ऑगस्ट 2018

कोल्हापूर : युरिया मुबलक असल्याचे कृषी विभागाचा दावा असला तरी ग्रामीण भागात मात्र युरियाची टंचाईच निर्माण होत असल्याचे चित्र आहे. कंपन्यांकडून विक्रेत्यांनाही युरियाचे लिकिंग होत असल्याने मागणीअभावी लाखो रुपयांचा इतर खतांचा अनावश्‍यक साठा करावा लागत आहे. शेतकऱ्यांनाही युरिया वेळेत मिळत नसल्याचे ऐन हंगामातच युरियासाठी भटकावे लागत असल्याचे चित्र आहे. कंपन्यांचे होणारे लिंकिंग विक्रेत्यांना जेरीस आणत असल्याचे चित्र सध्या जिल्ह्यात आहे.

कोल्हापूर : युरिया मुबलक असल्याचे कृषी विभागाचा दावा असला तरी ग्रामीण भागात मात्र युरियाची टंचाईच निर्माण होत असल्याचे चित्र आहे. कंपन्यांकडून विक्रेत्यांनाही युरियाचे लिकिंग होत असल्याने मागणीअभावी लाखो रुपयांचा इतर खतांचा अनावश्‍यक साठा करावा लागत आहे. शेतकऱ्यांनाही युरिया वेळेत मिळत नसल्याचे ऐन हंगामातच युरियासाठी भटकावे लागत असल्याचे चित्र आहे. कंपन्यांचे होणारे लिंकिंग विक्रेत्यांना जेरीस आणत असल्याचे चित्र सध्या जिल्ह्यात आहे.

तांत्रिक अडचणीने त्रस्त विक्रेते
जिल्ह्यात १४०० हून अधिक ठिकाणी पॉस मशिनचे वितरण करण्यात आले आहे; परंतु रेंज व तांत्रिक माहितीअभावी अद्यापही पूर्ण क्षमतेने पॉस मशिनचे कामकाज सुरू नसल्याची माहिती खत विक्रेत्यांनी दिली. जिल्ह्याचा विशेष करून पश्‍चिम भागात वाहतुकीच्या अडचणी आहेत. शेतकऱ्यांना माहिती नसल्याने आधार कार्डाविनाच शेतकरी विक्रेत्यांना खताची मागणी करतात. दुरून आलेल्या शेतकऱ्यांना आधार कार्ड नाही म्हणून परत पाठवता येत नाही. एकदा शेतकरी खते घेऊन गेले की परत लवकर येत नसल्याने शेतकऱ्यांना दिलेले खत पॉस मशिनवर उपलब्ध असलेले दिसते; परंतु प्रत्यक्षात मात्र अनेक शेती सेवा केंद्रांत युरियासारखी खते मुबलक प्रमाणात उपलब्ध नसल्याचे चित्र आहे.

लिंकिंग थांबवा
लिंकिंगवर बंधने नसल्याने त्याचा फटका शेतकऱ्यांबरोबर विक्रेत्यांनाही बसत आहे. दुसरी दुय्यम खते शिवाय युरिया मिळणारच नाही, अशी आडमुठी भूमिका अनेक बड्या कंपन्यांनी घेतल्याने विक्रेत्यांचा नाईलाज झाला असल्याचे विक्रेत्यानी सांगितले. दुय्यम खताचा शिल्लक स्टॉकही संपविण्याची गरज असल्याने आम्हालाही नाइलाजास्तव दुसरी खते घेण्याबाबत शेतकऱ्यांना आग्रही राहावे लागत आहे. यामुळे आम्ही लिंकिंग करत असल्याचा आरोपही चुकीचा असल्याचे विक्रेत्यांचे मत आहे. कंपन्यांनाकडून हे प्रकार थांबणे गरजेचे असल्याचे मत विक्रेता संघटनेच्या पदाधिकाऱ्याने व्यक्त केले.

पॉस मशिनबाबत जागृती हवी
ग्रामीण भागात अनेक ठिकाणी रेंजची समस्या, आधार कार्डाच्या समस्या उद्भवत आहेत. अनेक ठिकाणी ठसे घेतानाही ठसे उमटत नसल्याने मशिन वापरताना अडचणी येत आहेत. याबाबत कृषी विभागाने मोहीम तत्त्वावर पॉस मशिन बाबत शेतकऱ्यांतून जागृती करावी, अशी मागणी होत आहे. अद्यापही लहान विक्रेते, शेतकरी यांच्यात याबाबत समस्या निर्माण होत असल्याचे ग्रामीण भागातील विक्रेत्यांनी सांगितले.

कृषी विभाग म्हणतो, मुबलक खतांची उपलब्धता
खताच्या परिस्थितीबाबत जिल्हा परिषदेच्या कृषी विभागातून माहिती घेतली असता, सर्वच खतांची मुबलकता असल्याचे सांगण्यात आले. एप्रिल ते ऑगस्टच्या मध्यापर्यंत जिल्ह्यातून १ लाख मेट्रिक खतांची विक्री झाल्याची नोंद पॉस मशिनद्वारे झाल्याची माहिती जिल्हा परिषदेचे कृषी विकास अधिकारी चंद्रकांत सूर्यवंशी यांनी दिली. जिल्ह्यात या कालावधीत युरियाचे ४३५०९, डीएपीचे ७८२३, पोटॅशचे १५२५१, तर संयुक्त खताच्या ३४१६७ मेट्रिक टन खताचे वाटप झाल्याचे कृषी विभागातून सांगण्यात आले.


इतर बातम्या
सुमन चंद्रा बुलडाण्याच्या...बुलडाणा : जिल्ह्याला सलग दुसऱ्यांदा महिला...
तूर पिकावरील किडींचे व्यवस्थापन करावे ः...बुलडाणा  : तूर पिकावर शेंगा पोखरणाऱ्या...
नाशिकमधील पीडित महिलांसाठी ‘सखी’...नाशिक : ‘‘समाजात वावरताना महिलांना अनेक...
...अखेर जायकवाडीतून रब्बी सिंचनासाठी...औरंगाबाद : जायकवाडी प्रकल्पावरून कालव्या‌द्वारे...
अकरा महिन्यांनंतर पिकांची नुकसानभरपाईपुणे ः पिकांची नुकसानभरपाई मिळत नसल्याचे अनुभव...
सांगलीत आडसाली उसाला महापुराचा फटकासांगली : जुलै आणि ऑगस्ट महिन्यात आलेल्या...
औरंगाबाद, जालना, बीड जिल्ह्यात एक लाख...बीड : यंदाच्या रब्बीत औरंगाबाद, जालना व बीड या...
परभणी येथे दूध संकलनातील घट सुरूचपरभणी : शासकीय दूध योजनेतंर्गंत परभणी येथील दुग्ध...
सातारा : ‘शेतकरी सन्मान’चा निधी मिळालाच...सातारा ः पंतप्रधान शेतकरी सन्मान योजनेच्या...
नांदेड, परभणी, हिंगोलीत निर्बंधमुक्ती...नांदेड, परभणी, हिंगोली ः शेतकरी संघटनेतर्फे शरद...
सोलापूर जिल्ह्यात मुख्यमंत्री...सोलापूर : राज्यात शासकीय नोकऱ्यांचे प्रमाण कमी...
घरात बसणार नाही, राज्यभर दौरा काढणार ः...परळी, जि. बीड : ‘‘बंड केले नसते तर देशाला...
खातेदारांच्या नोंदीसाठी ‘ई-हक्क’ प्रणालीनगर ः वारस नोंद, बोजा, गहाणखत, बोजा कमी करणे, ई-...
सर्वसामान्य, तरुण पिढीशी माझी बांधीलकी...मुंबई ः आपली बांधीलकी सर्वसामान्य माणसाशी,...
पीकविमा योजनेत कंपनी आणि शेतकऱ्यांमध्ये...अकोला ः गेल्या काही वर्षांत प्रत्येक हंगामातील...
शेतकऱ्यांना अपेक्षित राज्य कारभार करेन...शिवनेरी, जि. पुणे : शिवरायांच्या महाराष्ट्राचा...
आकस्मिकता निधीच्या मर्यादेत तात्पुरत्या...मुंबई : महाराष्ट्र आकस्मिकता निधीच्या...
निर्यातक्षम द्राक्षनोंदणीला मुदतवाढनाशिक : युरोपियन देशांना द्राक्ष निर्यातीकरिता ''...
खासगी प्रवासी बसमधून शेतमाल वाहतुकीला...सोलापूर : राज्याच्या ग्रामीण भागातून मुंबई,...
विदर्भात वादळी पावसाची शक्यता पुणे ः विदर्भाच्या काही भागांत हवामान ढगाळ आहे....