agriculture news in marathi, The possibility of closure of Sangli's rotation | Agrowon

सांगलीतील आवर्तन बंद होण्याची शक्यता

टीम अॅग्रोवन
मंगळवार, 18 जून 2019

सांगली : वारणा आणि कोयना धरणांतील पाण्याची पातळी कमी झाली आहे. त्यामुळे जिल्ह्यातील ताकारी, म्हैसाळ आणि टेंभू उपसा सिंचन योजनांचे आवर्तन येत्या आठवड्यात बंद होण्याची शक्यता आहे, अशी माहिती पाटबंधारे विभागातील सूत्रांनी दिली.

सांगली : वारणा आणि कोयना धरणांतील पाण्याची पातळी कमी झाली आहे. त्यामुळे जिल्ह्यातील ताकारी, म्हैसाळ आणि टेंभू उपसा सिंचन योजनांचे आवर्तन येत्या आठवड्यात बंद होण्याची शक्यता आहे, अशी माहिती पाटबंधारे विभागातील सूत्रांनी दिली.

जिल्ह्यात पाच तालुक्यांत दुष्काळी परिस्थिती आहे. त्यामुळे ताकारी, टेंभू आणि म्हैसाळ उपसा सिंचन योजनांद्वारे दुष्काळी भागातील पाणीटंचाई दूर करण्यास मदत झाली. या योजना डिसेंबर महिन्यापासून सुरू आहेत. त्यांची प्रत्येकी तीन ते चार आवर्तने सुरू ठेवली. जिल्हा परिषदेच्या लघू पाटबंधारे विभागाने दुष्काळी पट्ट्यातील १६० तलाव पाण्याने भरून दिले. त्यामुळे पाणीटंचाई कमी झाली. त्यामुळे द्राक्ष आणि डाळिंबाला टॅंकरने पाणीपुरवठा केला.

म्हैसाळ उपसा सिंचन योजना तांत्रिक अडचणीमुळे पंधरा दिवस बंद ठेवण्यात आली होती. त्यानंतर ही योजना सुरू करण्यात आली. ताकारी आणि टेंभू उपसा सिंचन योजना या विनाखंडित सुरू राहिल्या. त्यामुळे आटपाडी, जत, कवठेमहांकाळ, तासगाव, मिरज, खानापूर तालुक्यांतील शेती ओलिताखाली आली. शेतकऱ्यांनी पाणी आल्याने शेततळी भरून ठेवून शाश्वत पाण्याची सोय केली.

गेल्या पंधरा दिवसांपासून वारणा आणि कोयना धरणांत पाणी कमी झाले आहे. कृष्णा नदीच्या पाण्याच्या पातळीत कमालीची घट झाली आहे. योजनांच्या पंपाची संख्या हळूहळू कमी करण्यात आली. परिणामी दुष्काळी भागात पाणी कमी दाबाने जात आहे. लाभ क्षेत्रातील शेतीला पाणी देण्याचे नियोजन विस्कळित होत आहे. त्यामुळे पाटबंधारे विभागाने पाण्याच्या उपलब्धतेनुसार योजनेतील पंपांची संख्या कमी करण्यास सुरवात केली आहे. पुढील आठवड्यापर्यंत या तिन्हीही योजना बंद करण्याचा हाचलाची पाटबंधारे विभागाने सुरू केल्या.

पाऊस पडेपर्यंत योजना सुरू ठेवा

वास्तविक पाहता जिल्ह्यात वळीव पावसाने दडी मारली, तर मॉन्सून पूर्व पाऊस बरसला नाही. त्यामुळे अजूनही जिल्ह्यातील दुष्काळी भागात पाणीटंचाई आहे. त्यातच उपसा बंदी केली आहे. योजनेच्या मुख्य कालव्या लगत असणाऱ्या शेतीला पाणी देणे सोपे आहे. त्यामुळे पाऊस पडेपर्यंत योजना सुरू ठेवा, अशी मागणी शेतकऱ्यांनी केली.


इतर बातम्या
पैठण तालुक्यात मोकाट जनावरांकडून...औरंगाबाद : शेकडोंच्या संख्येने कळपाने येऊन...
हिंगोलीत व्यापारी, खासगी बॅंकांकडून १५...हिंगोली : जिल्ह्यातील विविध बॅंकांनी रविवार (ता....
विक्री केंद्रांद्वारे सेंद्रिय भाजीपाला...हिंगोली : ‘‘मानवी आरोग्य अबाधित राखण्यासाठी...
सोलापूर जिल्हा भूमि अभिलेखने मिळवला ३०...सोलापूर  : जिल्हा अधीक्षक भूमी अभिलेख व...
सोलापूर जिल्ह्यात सव्वा लाख...सोलापूर  : मीटर रिडींग सुरु झाल्यामुळे...
वैरागमध्ये निकृष्ट सोयाबीन बियाणे...सोलापूर  : सोयाबीनचे निकृष्ट दर्जाचे बियाणे...
जत पूर्व भागात पेरलं; पण उगवलंच नाहीउमदी, जि. सांगली : एकीकडे कोरोनाचे थैमान; तर...
अकोल्यात सोयाबीन बियाणेप्रकरणी २९५७...अकोला ः जिल्ह्यात सोयाबीन बियाण्याची उगवण न...
सर्वच फळपिकांत अति घनलागवडीचा वापर...बदनापूर, जि. जालना : ‘‘जमिनीचा पोत, झाडाच्या...
पुणे जिल्ह्यात युरिया टंचाईपुणे ः पुणे जिल्ह्यात खरीप हंगाम सुरू असल्याने...
दुधात नफा नव्हे; उत्पादन खर्चातच पाच...नगर ः दूध व्यवसाय टिकण्याचा कितीही प्रयत्न केला...
सिंधुदुर्ग जिल्ह्यात एसआरआय`ने होणार...सिंधुदुर्ग : राष्ट्रीय कृषी विकास योजना आणि...
जळगावच्या पूर्व भागात पावसाचा लहरीपणाजळगाव ः जिल्ह्यात सरासरीच्या २६ टक्क्यांवर पाऊस...
यवतमाळ जिल्ह्यात पेरणीनंतर मिळणार बियाणेयवतमाळ : जिल्ह्यात शेतकऱ्यांनी पेरलेले सोयाबीनचे...
जळगावात लॉकडाउनमुळे खते गेली परतजळगाव ः जिल्ह्यात खतांची टंचाई आहे. यातच जळगाव,...
कोकणात जोरदार पावसाची शक्यता पुणे : पावसाला पोषक हवामान असल्याने गेल्या काही...
केंद्र सरकारने शेतकरीविरोधी अध्यादेश...नाशिक : केंद्र सरकारने अलीकडेच शेतीसंबंधी तीन...
रत्नागिरी जिल्ह्यात पावसाचा जोर कायम;...रत्नागिरी  ः जिल्ह्यात पावसाचा जोर कायम आहे...
कृषी निविष्ठा विक्रेत्यांचा उद्यापासून...औरंगाबाद ः कृषी निविष्ठा  विक्रेत्यांच्या...
सिंधुदुर्ग जिल्ह्यात पूरस्थिती सिंधुदुर्ग  ः जिल्ह्यात संततधार पाऊस सुरू...