agriculture news in Marathi possibility of decreased in cotton production by 24 lac bales Maharashtra | Agrowon

कापूस उत्पादनात २४ लाख गाठींनी घट शक्य

चंद्रकांत जाधव
बुधवार, 27 मे 2020

कापूस गाठींचे उत्पादन कापसावरील प्रक्रिया मंद असल्याने कमी येईल. परंतु शेतकऱ्यांकडे साठा असणार आहे. चीन, बांगलादेशातून जूनमध्ये कापसाची मागणी येवू शकते. कारण देशाच्या कापसाचे दर सर्वात कमी आहेत. यामुळे निर्यात वाढेल. तसेच दरातही सुधारणा अपेक्षित आहे. 
- अरविंद जैन, सदस्य, कॉटन असोसिएशन ऑफ इंडिया

जळगाव ः देशात कापसाच्या उत्पादनात सुमारे २४ लाख गाठींची (एक गाठ १७० किलो रुई) घट येणार आहे. याच वेळी गुजरातमध्ये ११ लाख तर महाराष्ट्रात आठ लाख गाठींनी घट होईल. देशात कापसाचा साठा विक्रमी स्थितीत म्हणजेच ५० लाख गाठींपर्यंत राहील, असा अंदाज कॉटन असोसिएशन ऑफ इंडियाने व्यक्त केला आहे.

देशात कापसाचे ३५४ लाख गाठींपर्यंतचे उत्पादन २०१९-२० च्या हंगामात येईल, असा अंदाज सुरवातीला असोसिएशनने व्यक्त केला होता. परंतु कोरोनामुळे कापसावर मंदावलेली प्रक्रिया व नैसर्गिक कारणांमुळे हे उत्पादन तब्बल २४ लाख गाठींनी कमी होईल, अशी स्थिती आहे. ऑक्‍टोबर २०१९ ते एप्रिल २०२० यादरम्यान देशात ३२९ लाख गाठींचा पुरवठा होईल, अशी शक्‍यता सुरवातीला व्यक्त करण्यात आली होती. परंतु एप्रिलअखेर २८५ लाख गाठींचा पुरवठा  झाला आहे. 

स्थानिक मागणीही कमी
कापसाची स्थानिक मागणीदेखील कमी झाली आहे. त्यात देशांतर्गत वस्त्रोद्योगात ३३१ लाख गाठींची गरज किंवा वापर होईल, असा अंदाजही होता. परंतु हा वापर २८० लाख गाठींपर्यंत मर्यादीत राहणार आहे. अर्थातच सुमारे ५१ लाख गाठींचा वापर देशांतर्गत वस्त्रोद्योगात कमी होणार आहे. कोरोनामुळे वस्त्रोद्योग ठप्प आहे. कापूस निर्यात बंद आहे. कापड उद्योगही अडचणीत आहे. यामुळे देशात कापसाची उचल किंवा वापरही कमी होणार असल्याचे असोसिएशनने म्हटले आहे. 

४७ लाख गाठींची निर्यात शक्‍य
देशातून ४७  लाख गाठींची निर्यात शक्‍य आहे. सुरवातीला असोसिएशनने ४२ लाख गाठींच्या निर्याचीची शक्‍यता व्यक्त केली होती. परंतु निर्यातीसाठी अनुकूल स्थिती तयार होत आहे. आशियातील काही देश कापसासाठी भारताकडे येतील, अशी शक्‍यताही व्यक्त करण्यात आली आहे. 

आयातीलाही फटका
देशातील वस्त्रोद्योग ठप्प आहे. देशात उत्पादीत न होणाऱ्या पिमा, गिझा प्रकारच्या कापसाची आयात ऑस्ट्रेलिया, इजिप्त, तुर्की आदी देशांमधून केली जाते. तसेच अमेरिकेकडूनही काही ब्रॅण्डेड वस्त्रोद्योग कापसाची आयात करतात. देशात २५ गाठींची आयात होईल, असा अंदाज सुरवातीला होता. परंतु ही आयात १५ लाख गाठींपर्यंत मर्यादीत राहण्याची शक्‍यता आहे. मागील हंगामाच्या तुलनेत आयात १७ लाख गाठींनी कमी होणार आहे.

देशातील कापूस उत्पादन (लाख गाठी) 

२०१८-१९ ३१२ 
२०१९-२० ३३० (अंदाज)

या राज्यांमध्ये असे घटणार उत्पादन (लाख गाठींमध्ये)

पंजाब ०.५०
हरयाना १.००
राजस्थान ०.५०
गुजरात ११.००
महाराष्ट्र ८.५०
आंध्र प्रदेश १.००
कर्नाटक २.००
एकूण घट २४.५०

इतर अॅग्रोमनी
बिगर बासमती तांदळाच्या निर्यातवाढीसाठी...पुणे: तांदळाच्या जागतिक बाजारपेठेतील स्पर्धेत...
हिंगोलीत ई-नामअंतर्गत ६२२ क्विंटल हळद...हिंगोली ः हिंगोली कृषी उत्पन्न बाजार समितीच्या...
ब्राझीलच्या साखरेमुळे दर घसरलेकोल्हापूर : गेल्या हंगामाच्या तुलनेत यंदा...
साखर दरात सुधारणा कोल्हापूर ः देशात सुरू झालेली अनलॉकची प्रक्रिया व...
पुणे बाजार समितीचा पॅटर्न राज्यभर चर्चेतपुणे बाजार समितीमध्ये गेल्या काही वर्षांत अनेक...
आगामी हंगामावर शिल्लक साखरेचा दबाव कोल्हापूर: कोरोनामुळे यंदा देशात साखरेची विक्री...
साखर निर्यात अनुदानाचे साडेसात हजार...कोल्हापूर: गेल्या दोन वर्षात देशातील कारखान्यांनी...
देशातील साखर उद्योगही येईल पूर्वपदावर;...कोल्हापूर  : कोविडच्या संकटामुळे ठप्प झालेली...
साखर उत्पादनात उत्तर प्रदेशची झेपकोल्हापूर: यंदा उत्तर प्रदेशने साखर उत्पादनात...
ब्राझीलचे साखर उत्पादन भारताला अडचणी ?कोल्हापूर : यंदा ब्राझीलने इथेनॉलऐवजी साखर...
साखर विक्रीची मुदत १० जूनपर्यंत वाढवा...कोल्हापूर : इंडियन शुगर मिल्स असोसिएशनने (इस्मा)...
जी.  आर. चिंताला यांनी ‘नाबार्ड’च्या...मुंबई : डॉ. हर्षकुमार भानवाला यांचा कार्यकाळ...
वस्त्रोद्योग येतोय पूर्वपदावरजळगाव ः लॉकडाउनमुळे ठप्प असलेला देशातील...
कापूस उत्पादनात २४ लाख गाठींनी घट शक्यजळगाव ः देशात कापसाच्या उत्पादनात सुमारे २४ लाख...
इंडोनेशियात साखर दरावरुन वातावरण तापले कोल्हापूर: लॉकडाऊनमुळे इंडोनेशियात साखर जात...
आत्मनिर्भर भारत योजनेला मंजुरी :...नवी दिल्ली : आत्मनिर्भर (स्वावलंबी) भारत योजनेत...
कीडनाशकांवर बंदीबाबत उद्योगातून तीव्र...पुणे : केंद्रीय कृषी मंत्रालयाच्या २७ रासायनिक...
काढणी-मळणी यंत्रांना मागणी वाढण्याची...पुणे: कोविड १९ साथीनंतर तयार झालेल्या आपत्कालिन...
देशातून ३६ लाख टन साखर निर्यात पुणे: देशातील साखर कारखान्यांनी निर्यातीसाठी...
धोरणं बदलल्यास खाद्यतेलात भारत...एके काळी दोन वेळच्या अन्नासाठी इतर देशांकडे हात...