बाजरीच्या विक्रमी पेरणीची शक्यता

बाजरीच्या विक्रमी पेरणीची शक्यता
बाजरीच्या विक्रमी पेरणीची शक्यता

जळगाव : खानदेशात रब्बी हंगामात बाजरीची सुमारे २५ ते ३० हजार हेक्‍टरवर पेरणी होण्याची शक्‍यता आहे. ही पेरणी सुरूच असून, बाजरीचे क्षेत्र मागील चार-पाच हंगामांच्या तुलनेत अधिक राहण्याचे संकेत आहेत. 

बाजरीची पेरणी धुळे जिल्ह्यात शिंदखेडा, धुळे व शिरपूर तालुक्‍यात खरिपात अधिक केली जाते. रब्बी हंगामात खानदेशात हरभरा, दादर (ज्वारी) यांना पसंती दिली जाते. परंतु या हंगामात कोरडवाहू रब्बी पिकांच्या पेरणीसाठी हवी तशी ओल नव्हती. काळ्या कसदार जमिनीत कोरडवाहू ज्वारी व हरभरा पेरणी जळगाव, चोपडा, शिरपूर भागात झाली. परंतु त्याची वाढ खुंटली आहे. यातच पाण्याची समस्या सातपुडा पर्वतालगत व इतर भागातही येत आहे. दोन तीन वेळेस सिंचन करून कोणती पिके येतील, यावर शेतकऱ्यांनी भर दिला. त्यात काळ्या कसदार जमिनीत बाजरी तीन वेळेस सिंचन करून येते. शिवाय चांगला चाराही मिळेल, यामुळे तिच्या पेरणीवर भर देण्यात आला. खानदेशात मागील हंगामात सुमारे १८ हजार हेक्‍टवर बाजरीची पेरणी झाली होती. या हंगामात मात्र तिचे क्षेत्र सुमारे १० ते १२ हजार हेक्‍टरने वाढून ते ३० हजार हेक्‍टरपर्यंत जात असल्याचे सांगितले जात आहे. 

चारा व धान्य म्हणून मका पिकास मागील हंगामात तापी व गिरणा काठच्या अनेक शेतकऱ्यांनी पसंती दिली. परंतु मक्‍यावर अमेरिकन लष्करी अळीचा प्रादुर्भाव झाल्याने पीक मोडावे लागले. नुकसानीच्या भितीने अनेक शेतकऱ्यांनी मक्‍याची लागवड टाळली. मक्‍याऐवजी बाजरीची पेरणी शेतकऱ्यांनी केल्याची माहिती मिळाली. या महिन्यात शिरपूर, चोपडा, जळगाव, यावल व शिंदखेडामधील तापी काठावर बाजरीची पेरणी होईल, असे सांगण्यात आले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com