Agriculture news in marathi Possible restrictions, due to lockdown The grape season should not be affected | Agrowon

संभाव्य निर्बंध, लॉकडाउनमुळे द्राक्ष हंगाम प्रभावित होऊ नये

टीम अॅग्रोवन
रविवार, 28 फेब्रुवारी 2021

कोरोनाच्या पार्श्‍वभूमीवर करण्यात येणाऱ्या उपाययोजनांमुळे राज्यातील द्राक्ष हंगामावर विपरीत परिणाम होऊ नये, अशी मागणी महाराष्ट्र राज्य द्राक्ष बागायतदार संघाने मुख्यमंत्री उद्धव ठाकरे यांच्याकडे केली.

नाशिक : कोरोनाच्या पार्श्‍वभूमीवर करण्यात येणाऱ्या उपाययोजनांमुळे राज्यातील द्राक्ष हंगामावर विपरीत परिणाम होऊ नये. द्राक्ष विक्री आणि प्रक्रिया उद्योगाला संभाव्य निर्बंधातून सूट देण्यात यावी, अशी मागणी महाराष्ट्र राज्य द्राक्ष बागायतदार संघाने मुख्यमंत्री उद्धव ठाकरे यांच्याकडे केली आहे.

 मागील वर्षी लॉकडाउनच्या कालावधीत कोरोना विषाणूचा संसर्ग व प्रादुर्भाव होणार नाही यांची सर्वातोपरी काळजी घेऊन द्राक्षबागेतील व पॅक हाउसमधील काम करण्यात आले. त्याच प्रमाणेच बेदाणा प्रोसेसिंग, रॅकवर तसेच शीतगृहात कामकाज करणारे मजुरांनीही सर्व खबरदारी घेऊन काम केले आहे. त्यामुळे चालू द्राक्ष हंगामातही कोरोनाचा प्रादुर्भाव रोखण्याच्या सर्व उपाययोजना करून काम केले जात आहे. त्यामुळे सरकारच्या निर्णयांमुळे द्राक्ष हंगाम अडचणीत येणार नाही, याची काळजी घ्यावी.

स्थानिक बाजारपेठेत द्राक्ष निर्यातीसाठी अपेडाने दिलेल्या निर्देशानुसार तसेच कोरोना पार्श्वभूमीवर योग्य दक्षता घेऊन काम सुरू आहे. त्यामुळे हंगामात अडचण येणार नाही. या बाबत योग्य त्या उपाययोजना कराव्यात, या आशयाचे पत्र संघाचे अध्यक्ष राजेंद्र पवार यांनी मुख्यमंत्री उद्धव ठाकरे व उपमुख्यमंत्री अजित पवार यांनी लिहले आहे. 

मागील द्राक्ष हंगामात लॉकडाउनच्या पार्श्वभूमीवर पाठपुरावा केल्यानंतर वाहतूक यंत्रणेतील अडचणी सोडविल्या गेल्या. द्राक्ष काढणीसाठी मजुरांची ने-आण करावी लागत आहे. त्यामुळे  मजुरांची ने-आण करण्यास सूट देण्यात यावी. द्राक्ष व इतर शेतमाल बाजारपेठेत अथवा जेएनपीटी बंदरापर्यंत पोहोचविण्याकरिता आवश्यक असणाऱ्या वाहतूक व्यवस्थेस परवानगी मिळावी.

राज्यातंर्गत तसेच आंतरराज्यीय वाहतूक करण्याकरिता परवानगी देण्यात यावी. त्या अनुषंगाने ताजी द्राक्षे वाहतूक करण्यासाठी नॅशनल परमीट लागू करावे. केंद्र शासनाच्या मार्गदर्शक सूचना व त्याअनुषंगाने राज्याच्या सीमा रेषेवर असलेल्या वाहतूक व पोलिस यंत्रणेस सूचना द्यावी. संबंधित राज्यांच्या  मुख्यमंत्र्याना आपल्या स्तरावरून या बाबत सूचित करावे, अशी मागणीही करण्यात आली आहे. देशातून कोरोनाच्या आधी वार्षिक २ लाख मेट्रिक टन द्राक्ष निर्यात होत असे. 

कोरोनामुळे मागील वर्षी त्यात ५० हजार मेट्रिक टनांनी घट झाली आहे. मागील द्राक्ष हंगामात कोरोनाच्या प्रादुर्भावामुळे झालेल्या लॉकडाउनच्या कालावधीत शासनाने ज्या पद्धतीने मदत केली त्याच धर्तीवर पुन्हा एकदा महाराष्ट्रात व संपूर्ण देशात लॉकडाउनची परिस्थिती उद्‌भवली तर चालू हंगामात उत्पादित झालेल्या द्राक्ष फळ पिकाच्या बाबतीत सर्व नियम व अटी शर्तीचे पालन करून व सर्व खबरदारीचे उपाय योजून कामकाज करण्याची परवानगी द्यावी, असेही पत्रात लिहले आहे.


इतर ताज्या घडामोडी
परभणी जिल्ह्यात एक लाख १७ हजार टन...परभणी ः ‘‘जिल्ह्याला यंदाच्या (२०२१) खरीप...
मोहोळमध्ये खरेदी, विक्रीदारांना कोरोना...मोहोळ, जि. सोलापूर ः ‘‘मोहोळ येथील दुय्यम निबंधक...
अडीच लाख क्विंटल चंद्रपुरात धान खरेदीचंद्रपूर : शासनाने या वर्षी हमीभावा सोबतच सातशे...
‘पोकरा’चे सुमारे १४ कोटींचे अनुदान...हिंगोली  ः ‘‘जिल्ह्यातील वसमत तालुक्यात...
नाशिकमध्ये लोकसहभागातून 'कोरोनामुक्त...नाशिक : ‘‘कोरोनाचा ग्रामीण भागात वाढलेला...
दर्जेदार शिवभोजन थाळीचे वितरण करा : ...मुंबई : राज्य सरकारने लागू केलेल्या निर्बंधांच्या...
भंडाऱ्यातील ६३ प्रकल्प गाठत आहेत तळभंडारा : सरासरी बरसलेला मॉन्सून, त्यानंतर अवकाळी...
खापणेवाडी-गुरववाडी बंधाऱ्यास गळतीबाजारभोगाव, जि. कोल्हापूर : जांभळी नदीवरील...
शेतकऱ्यांचा शेतीमाल विक्रीला प्रतिसाद...नगर : नगर येथील दादा पाटील शेळके कृषी उत्पन्न...
बुलडाण्यात दूध संकलन, वितरणाच्या वेळेत...बुलडाणा ः कोरोना प्रादुर्भाव कमी करण्यासाठी...
पुणे विद्यापीठात उभारणार ‘बांबू पार्क’ पुणे : सावित्रीबाई फुले पुणे विद्यापीठाच्या पाच...
सातबारासह कागदपत्रे घेऊन तलाठी...पातुर्डा, जि. बुलडाणा : पीककर्ज मिळवण्यासाठी...
दुसऱ्या लाटेचा बासमती तांदळास फटका कोल्हापूर : कोरोनाच्या दुसऱ्या लाटेचा फटका बासमती...
कृषी विभागात कोरोनामुळे आत्तापर्यंत २८...पुणे : कोरोनाच्या दुसऱ्या लाटेने गेल्या काही...
‘पंदेकृवि’ने दीक्षान्त सोहळा पुढे...अकोला ः डॉ. पंजाबराव देशमुख कृषी विद्यापीठाने...
कुर्जा खरेदी केंद्रावर धान मोजणीविना...भंडारा : पवनी तालुक्यातील कुर्जा येथे अनेक...
कापूस पिकासाठी यंत्रमानव ठरणार वरदान ः...अकोला ः देशांतर्गत कापूस लागवडीचे क्षेत्र १२९ लाख...
कृषी विभागातील पाच पुरस्कार्थींचे कौतुक पुणे : राज्याच्या कृषी खात्यात उल्लेखनीय कामे...
विमा उतरवा, अन्यथा बाजार समित्या बंद...पुणे/नाशिक ः शेतकरी, कामगार, राज्य सरकारचे सर्व...
पाच दिवसांत तब्बल ५० टन काजू बी खरेदी सिंधुदुर्गनगरी ः फळपीक बागायतदार संघाने गेल्या...