Agriculture news in marathi Postponement of Rural Development Department for ZP cess funds allocation | Agrowon

‘झेडपी’ सेसच्या निधी वाटपाला ग्रामविकास विभागाची स्थगिती

टीम अॅग्रोवन
गुरुवार, 19 मार्च 2020

मतदारसंघातील जिल्हा परिषद सदस्यांनी निधी मिळाला नसल्याची तक्रार केली. त्याचबरोबर अक्कलकोट तालुक्‍यालाही कमी निधी दिल्याचे दिसून आले. याबाबत ग्रामविकासमंत्र्यांकडे तक्रार केली. मंत्र्यांनी असमान निधी वाटपाबाबत दूरध्वनीद्वारे जिल्हा परिषदेच्या अधिकाऱ्यांकडून खात्री केली. त्यानंतर त्यांनी त्या वाटपाला स्थगिती देण्याचे पत्र काढले आहे. 
- सचिन कल्याणशेट्टी, आमदार

सोलापूर : जिल्हा परिषदेच्या सेस निधी वाटपात अनियमितता झाली आहे. त्याबाबतची तक्रार आमदार सचिन कल्याणशेट्टी यांनी ग्रामविकासमंत्र्यांकडे केली होती. त्यावरून ग्रामविकास विभागाने सेसच्या निधी वाटपाला स्थगिती दिली आहे. त्याचबरोबर या प्रकरणाची चौकशी करून वस्तुस्थितिदर्शक अहवाल ग्रामविकास विभागाला सादर करण्याच्या सूचना अवर सचिव विजय चांदेकर यांनी मुख्य कार्यकारी अधिकाऱ्यांना दिल्या आहेत. 

आमदार कल्याणशेट्टी यांनी ३ मार्चला ग्रामविकासमंत्री हसन मुश्रीफ यांना पत्र देऊन सेस फंडाच्या निधी वाटपाला स्थगिती देण्याची मागणी केली होती. कल्याणशेट्टी यांनी निधी वाटप करताना असमान वितरण केले असल्याचे सांगून अर्थपूर्ण घडामोडी घडल्याचेही मंत्र्यांना दिलेल्या पत्रात म्हटले आहे. त्याचवेळी त्यांनी बांधकाम विभागाच्या कामाची यादीही मंत्र्यांना दिली होती. त्यामध्ये निधीचे असमान वितरण झाल्याचे स्पष्ट होते. 

निधी वाटप करताना एका सदस्यांसाठी एक अन्‌ दुसऱ्या सदस्यांसाठी वेगळा न्याय, असे करून निधीचे असमान वाटप केले आहे. हा निधी वाटप करणाऱ्या अधिकाऱ्यांनी कोणत्या निकषाखाली निधी वाटप केला, याची चौकशी व्हावी. भविष्यात जिल्हा परिषदेच्या निधीचा योग्य विनियोग व्हावा, दोषी अधिकाऱ्यांवर कारवाई होऊन हा निधी योग्य कामासाठी वापरावा. या सेस निधीच्या वाटपाला त्वरित स्थगिती देऊन तिचे नव्याने वाटप करून सदस्यांना समान पद्धतीने सेस निधीचे वाटप करावी, अशी मागणीही कल्याणशेट्टी यांनी केली होती. 

‘झेडपी’समोर आंदोलनाचा इशारा 

माजी सभापती मल्लिकार्जुन पाटील, माजी पक्षनेते आनंद तानवडे, सदस्य मदन दराडे, अरुण तोडकर यांनी पत्रकार परिषद घेऊन सेस फंडाला दिलेली स्थगिती उठविण्याची मागणी केली. सेस निधी खर्चाला परवानगी न दिल्यास जिल्हा परिषदेसमोर आंदोलन करण्याचा इशाराही त्यांनी मुख्य कार्यकारी अधिकाऱ्यांना दिला. त्यांनी बांधकाम विभागाचा निधी देताना समितीच्या बैठकीत त्याला मान्यता देण्यात आला असल्याचे सांगितले. त्याचबरोबर हा निधी वाटताना कोणत्याही प्रकारची अनियमितता झाली नाही. आमदार कल्याणशेट्टी यांनी स्वहेतूने ही तक्रार केल्याचेही त्यांनी म्हटले आहे. आर्थिक वर्षअखेर असल्याने या कामांना स्थगिती दिल्यास निधी खर्च होणार नाही. त्यामुळे ही स्थगिती उठवावी, अशी मागणी त्यांनी केली.
 


इतर बातम्या
कृषी विधेयकांस विरोधासाठी इंडिया...नवी दिल्ली : बहुचर्चित कृषी विधेयकांवर राष्ट्रपती...
मॉन्सूनने मुक्काम हलविला; राजस्थानातून...पुणे : पश्चिम राजस्थानात २५ जूनच्या दरम्यान दाखल...
कृषी विधेयकांवर राष्ट्रपतींची स्वाक्षरीनवी दिल्ली : संसदेने मंजूर केलेल्या तिन्ही कृषी...
कृषी विधेयकांत शेतकऱ्यांचाच फायदा : मन...नवी दिल्लीः ‘मन की बात’ या मासिक रेडिओ...
नगरमधील ३५ हजार शेतकरी विमा भरपाईपासून...नगर  ः जिल्ह्यात गेल्यावर्षी परतीच्या...
कोकण कृषी विद्यापीठ कारळा पिकाच्या...दापोली, जि.रत्नागिरी  : कमी मेहनत, कमी...
रत्नागिरी जिल्ह्यात हळव्या भात कापणीत...रत्नागिरी  : हळवे भात पीक कापणी योग्य झाले...
औरंगाबादमध्ये थेट शेतीमाल विक्रीची ...औरंगाबाद  : औरंगाबाद शहरासह ग्रामीण भागात...
नांदेडमधील पीक नुकसानीची...नांदेड : नांदेड जिल्ह्यात मागील काही दिवसांपासून...
हिंगोली, परभणीतील पीक नुकसानीचे तत्काळ...हिंगोली  ः अतिवृष्टीमुळे नुकसान झालेल्या...
खावटी अनुदान योजनेच्या नावाखाली...मुंबई: राज्य सरकारने जाहीर केलेली खावटी अनुदान...
पूरस्थितीचा गडचिरोली जिल्ह्यातील २०...गडचिरोली : जिल्ह्यात गोसेखुर्द धरणातून पाणी...
मुंबईतील व्यापारी, कामगारांमध्ये कृषी...मुंबई: केंद्र शासनाच्या तीन कृषी विधेयकांचे पडसाद...
कृषी पर्यटनामध्ये रानभाज्यांना महत्त्वसिंधुदुर्ग: राना-वनात, जंगलामध्ये असलेल्या...
इथेनॉलकडे साखर वळविणारकोल्हापूर: येत्या हंगामात जादा ऊस गाळपाच्या...
निर्यातीसाठी दर्जेदार हळद उत्पादन घ्याहिंगोली: हिंगोली जिल्ह्यात हळदीच्या क्षेत्रात...
मॉन्सूनचा परतीचा प्रवास आजपासून पुणे ः उत्तर भारतात लवकरच दाखल झालेल्या मॉन्सूनचा...
मराठवाडा, विदर्भात उद्या पावसाचा अंदाज पुणे ः परतीच्या पावसासाठी काही कालावधी बाकी आहे....
अभूतपूर्व साखर साठ्याचे संकट पुणे: राज्यात ७२ लाख टन साखर शिल्लक असताना येत्या...
लातूर, नांदेडमध्ये दमदार पाऊसपुणे ः राज्यातील अनेक भागांत पावसाचे वातावरण...